Hiziqeeli 24:11 - Kafa Linguistics Project

¹¹ Aroochee ebi xuuree shexxoon gecheti qaaqqooch ne kotiitaa gaamiree bi xuuroo ceellebe; ebina bi kiino woccemmo, bi oshero miccemmo tunemmone.

Hiziqeeli 24:11 ပူးပေါင်းရင်းမြစ်များ

Isiyaasi 1:25

Ta mochoon ne toommooch tiijjemmo taane; ne osheroonoo gaawichi machemmo taane; ne gondo bullinoo wokkiyemmo taane.

Isiyaasi 27:9

Illa Israꞌeeleenaꞌo boonoshi axaaxoyich maaroon dano boonoshi hakkemmo, aageteenaꞌochi deejjee gudee xaqqeenaꞌon tiichii boonoshi aalliigaata, ixaanee deejjee gudoonaa Asheeri misileenaꞌonon boonoshi aallii gaatane.

Isiyaasi 4:4

Doono Yeeri Tsiyooni maache bushiisheenaꞌochi kiinoon machemmone; Yerusaaleminoo bi daggooch ufeti damoona bi wooretoochee, bi nalloonaa bi ayaanee hakkoona xalliyemmone.

Erimiyaasi 21:10

Deꞌoyich tuneyaanoon gondoyich hini katemoon ciinneto taane, iye Doono Yeeri. Ebi katemoo Baabloonee taatoo kishooch beshiitaa ichemmone; biyoo qaaqqoona michemmone.

Erimiyaasi 32:29

Hini katemoon kochiibeeti Baabloonee asheenaꞌo arooch qaaqqoon tucheree michemminaꞌone; taan ippiyoyich kechi toommeexi kexoochaa Baꞌaaloyich ixaanoon boonoshi shookkiti, bare nuggisheenaꞌoyich uyee buuroon boonoshi ukkiti kexinaꞌona tookki michemminaꞌone.

Erimiyaasi 37:10

Ittoshin kochiibeeti Baabloonee ginee naayinaꞌo bullin ittoshi kochii wochimmo gaatoona, boonoshiichee muriccii echeꞌi bi duukkaani duukkaanooch beeti mayeti asheenaꞌo bulli tiyiree hini katemoon qaaqqoona michemminaꞌone” iye.

Erimiyaasi 38:18

Tunebaani Baabloonee ginee iraasheenaꞌoyich kishoon imo ne qayigaata, hini katemoo Baabloonee asheenaꞌoyich beshiitaa ichemmone; boonoshiyoo qaaqqoona michemminaꞌone; newoo boonoshi kishoochee muricaachemmo neene’ itone” iye.

Erimiyaasi 39:8

Baabloonee asheenaꞌoo taatee kexonaa asheenaꞌo kexinaꞌonon qaaqqoona michiyeete; Yerusaalemi katemee uxeroonoo happiyeete.

Erimiyaasi 52:13

Aroochee Doono Yeerichi yaafee kexonaa taatee kexonon michiye. Yerusaalem beeti ogoogeenaꞌo kexo bullinaa bare kexo bullinon michiye.

Hiziqeeli 20:38

Ittoshi daggoochee hukkechinaꞌonaa taan xuqqitinaꞌonon wokkiyemmo taane; boonoshi beeti showoochee boonoshin kichemmo taane; tunebaani Israꞌeelee showooch giyaachemminaꞌone. Ebiyooba Doono Yeeri ta tunoon ariyemmo ittoshine.

Hiziqeeli 24:10

Mixon woddiiree qaaqqoon shoohe; meenon gaawichiree kachiibe; cabboon shaawujjibe; shaawushoo mice.

Hiziqeeli 36:25

Xalle aacon ittoshi toommooch wucemmo taane; ittoshiyoo xallemmo ittoshine; ittoshi eeꞌo bulliichee, ittoshi shahalloocheenoo ittoshin xalliyemmo taane.

Milikiyaasi 4:1

Beshe Mawe Doono Yeeri ishichiye: “Gemmeexi qaaqqoo michoommon michiibeeti aabo woyemmone. Geecechinaꞌonaa axaaxoon shuunee beetinaꞌona bulli maayi tulloon tunemminaꞌone. Waabeeti aabo boonoshin michi aalliyemmone. Cammonoo tuneba atoon echiyaachemmone.

Maatiyoosi 3:12

Maayoon yooppiibeeti qiico bi kishoochiye; maayo bullin yooppiree xalliyemmone; are yooppaa xalleti teepphoon bi gotooch geddemmone; tunebaani maaxxoon tahaani qaaqqoona michemmone” iye.