Hiziqeeli 23:8 - Kafa Linguistics Project

⁸ Gibitsee showooch bi beehooba bi doyiti yahoon qayaaneene; aroochaa bi bushittinoona anaaminaꞌo biinna tookkii qeyiyeete; gidiidittinee bi xanonoo huushiyeete; biin qeyiyeete; boonoshi yahoonoo bi toommooch woniiheete.

Hiziqeeli 23:8 ပူးပေါင်းရင်းမြစ်များ

1 Taateenaꞌo 12:28

Taatoo ebin asheenaꞌona tookkii bi boyeetoyee gubb, gutte maanji misiloon aachoochee shuuneꞌi asheenaꞌoyich, “Israꞌeeleenaꞌote, damba Yerusaalem ebichi wottoon ittoshi hammito beddiye. Gibitsee ittoshin kichiti nuggisheenaꞌo hinoshine” iye.

2 Taateenaꞌo 10:29

Tunebaani Israꞌeeleenaꞌon axaaxoo shuuniiti, Nebaaxi bushoo Yeroboꞌami shuuneti axaaxoochee, ebiyoo Beeteelinaa Daaninooch beeti, aachoochee bi shuuniiti maanji misiloyich goyinnoochee, wohaanoone.

2 Taateenaꞌo 17:16

Boonoshi Nuggishoo Doono Yeerichi geto bullin qajjiyeete; boonoshi qellich aachoon ukkii, gutte maanji misiloon shuuneheete. Nuggishee Asheeri misiloon shuuneheete; shimaajji xojjenoyich goyinneheete; Baꞌaaloyichoo maddeheete.

Keyo 32:4

Biyoo boonoshi immiton kicii daammii ukkiꞌi, shahalloon maamochi shaahoona shuunehe. Aroochee asheenaꞌo “Israꞌeelee ashoocho, Gibitsee neen kichiti nuggishoo hinine” iyeete.

Hiziqeeli 20:7

Tawoo boonoshich “Ittoshi ikkikkoona oogichii ittoshi shunniibeeti ciigiiti mooyinaꞌon ittoshi waanee wokkiibote; Gibitsee showeexi shahalleenaꞌona eeꞌeyaahote; ta ittoshi Nuggishoo Doono Yeeri taane” iyoye.

Hiziqeeli 23:19

Tunebaani Gibitsee showoochaa shaddiibee bi echeti bi bushittinee yemeenoon gabiibee yahoon meechiyanalli ebin aaxxiyaaneene.

Hiziqeeli 23:21

Oholibahe, Gibitsee showoochaa ne achoonaa ne bushittinee xanonon ne huusheeti ne bushittinee gonde mooyon qaatihine.

Hiziqeeli 23:3

Boonoshiyoo batt busheebee Gibitsee showooch beechii yahiyeete; aroochaa boonoshi xano huusheehe; aroochaa boonoshi gidiidoo aallehe.

Hiziqeeli 23:34

Uchemmi neene; cangemmi neene; xoofoon tiichemmi neene; ne xanonoo maaccemmi neene; Nuggishoo Doono Yeeri ta, ebin getteto taane” iye.

Yaaꞌoo 11:8

Boonoshi dubenoo boonoshi Doono yooddeti ooge katemee daggeexi gommooch qeyemmone; ebi are katemee geto, ayaanee yibbaatoochaa, Sodoomi woyee Gibitsi getteetine.