Hiziqeeli 23:4 - Kafa Linguistics Project

⁴ Boonoshi shigo, qaabbeecho Oholaahi, guucheecho Oholibahine. Guttiyona taachinaꞌo tuneheete; anaaminaꞌonaa maacheenaꞌona tuneti bushiisheenaꞌon shiyiheete. Oholaahi Shamaari tunemmona Oholibahi wotta Yerusaalemine.

Hiziqeeli 23:4 ပူးပေါင်းရင်းမြစ်များ

1 Taateenaꞌo 12:20

Gibitsee Yeroboꞌami wottoon Israꞌeelee asho bulli waayeꞌi, boonoshi kiceeti xaaꞌooch bi woyemmoyich ceekkiiꞌi, boonoshi bulli toommooch biin taatiiheete. Yihudi yoodoyee besh, Daawiti kechi ashoon dabbito ikkolla aalloone.

1 Taateenaꞌo 8:29

‘Arooch ta shigo beeyemmone’ ne iti, hini kexon xumoonaa areddoonon manjii ciine; ne guuno ta hini xaaꞌoochaa ta corootaabeeti corootoon elle waayebe.

Shoddo 76:2

Bi kexon Saalem, bi beeyi xaaꞌoon Tsiyoon tuniihe.

Erimiyaasi 3:6

Taatoo Yosiyaasichi taatee yemeenooch Doono Yeeri taach ishichiye: “Gibeneyaani Israꞌeeli tuniiton beeggetine? Ooge geppoo bullinaa waajjechi michi baatoo bullinooch hammaꞌa aroochaa shunoo maahane.

Erimiyaasi 3:7

‘Ebi bullin bi tuniitoyee gubb, ta waan wottemmine’ iyaꞌa gabiyoye; tunebaani wotteyaaneene; kootechi bi manee Yihudiyoo ebin beeggahane.

Hiziqeeli 16:20

“ ‘Taach ne shiyeti anaami bushiisheenaꞌonaa maache bushiisheenaꞌonon, maayo boonoshi tunemmoyich, boonoshich deejjihine. Ebi ne yahiti yahoo kette mooyone?

Hiziqeeli 16:40

Xaqqoona neen qiccemmi, goraadoonoo neen qeccemmi macceenaꞌon ne toommooch tiijjemminaꞌone.

Hiziqeeli 16:46

Ne qaabbe manee, bi maache bushiishoona tookkii neyee dambi-waan beeti Shamaarine; ne guuche manee bi maache bushiishoona tookkii neyee deshi-waan beeti Sodoomine.

Hiziqeeli 16:8

“ ‘Wochinnoon ne gaꞌoona beshaabee neen ciinnaꞌa, shaakkeya ne bedon beeggeho; tawoo ta tahoon ne toommooch yaggii, ne achoon qeriyoye; wogaa neenna tookkii wogoon giyaꞌa neen taachi tuniihoye, iye Nuggishoo Doono Yeeri.

Hiziqeeli 23:3

Boonoshiyoo batt busheebee Gibitsee showooch beechii yahiyeete; aroochaa boonoshi xano huusheehe; aroochaa boonoshi gidiidoo aallehe.

Hiziqeeli 23:36

Doono Yeeri taach ishichiye: “Ashi bushoocho, Oholaahinaa Oholibahinochi toommooch nalloyich qannitine? Ciigiiti boonoshi mooyon boonoshi toommooch awaajjibe.

Hiziqeeli 23:44

Asheenaꞌo yahechi waan hamoommon boonoshi waan hammiꞌi ebi qoci gonde Oholaahinaa Oholibahina tookkii yahiyeete.

Hiziqeeli 23:5

“Oholaahi taachi tunaabeenolla yahoochee wotteyaache iyan; bi shunimaayeenaꞌo tuneti Asooreenaꞌona tookkii yahiyan.

Hosee'i 1:3

Ebich Hoseeꞌi Dibilayimichi bushee Gomeerin shaggiye. Biyoo xifaꞌa anaami bushoon biich shiyahan.

Hosee'i 2:7

Bi shunechinaꞌon dabbi hammemmine; tunebaani yeshaachemmine; boonoshin qaawemmine; tunebaani daneyaachemmine. Aroochee biyoo ‘Aafi ta keno waan wottehoye; halla aafi ta beemo andichoyee beshiye’ gettemmine.

Yowannisi 4:22

Ittoshi, ittoshi ariyaanoyich goyinneebeeto ittoshine; tunebaani no, no arii beetoyich goyinnaabeeto noone. Ebiyoo wodoo bi daneebeeto Ayihudeenaꞌo waanaa bi tunetoyichiye.

Roomi 7:4

Ta maneenaꞌote! Ebiyoommon ittoshi wotta Kiristoosi masqalooch yoodaa bi qitiyooba, Muusichi Sheeroyich qitito ittoshine. Andoo aafoon Yeerich no aafemmoyich, qitoochee tiyiti Yesuusichi hajjoo tuneto ittoshine.