Hiziqeeli 23:37 - Kafa Linguistics Project

³⁷ Shadditinaꞌone; damoo boonoshi kishooch beetone. Shahalleenaꞌona tookkii shadditinaꞌone; taach boonoshi shiyiti bushiishoon boonoshich maayi deejjoo tuniiꞌi giddiitinaꞌone.

Hiziqeeli 23:37 ပူးပေါင်းရင်းမြစ်များ

2 Taateenaꞌo 17:17

Boonoshi anaami bushiisheenaꞌonaa maache bushiisheenaꞌonon michii deejjiyeete; qaaxechinaꞌonaa kaayechinaꞌonon tuneheete; gonde mooyon tuniyoyich boonoshi qelloon beshii imona Doono Yeerin ippiiheete.

2 Taateenaꞌo 21:6

Bi hajjee bushoon goggiꞌi deejjoo giddiihe. Biyoo kaayechonaa iicechonon tunehe. Qititi ashoona tookkii yibbaatee beetinaꞌonaa allaameenaꞌona waanee keemmii waayee beehe. Wodde gonde mooyon shuunoona Doono Yeerin ippii beehe.

2 Taateenaꞌo 23:10

Hinoomi bushoochi bambooch beeti, Tofeeti goyinnee xaaꞌoon eeꞌiihe; ebiyoo koniyoona Molookich bi bushoon woyee bi busheen bi deejjaachemmoyichiye.

2 Taateenaꞌo 24:4

Ebiyee baroo wotta, Minaasi xalle ashi damoon bi ukkee naboonane; Yerusaalemin xalle ashi damoona tajjitone. Ebich Doono Yeeri biin maaroyich daaggaanoone.

Isiyaasi 1:15

“Corootiya ittoshi kishoon ittoshi yaggigaata, ta aafoon ittoshi waanee badd wochemmo taane; woddiiꞌi ittoshi corootitaanona waayeyaachemmo taane; ittoshi kishoo damoona wooretone.

Erimiyaasi 32:35

Yihudee asheenaꞌo axaaxoon shuunemmoyich, ebi eeꞌe mooyon tuniyoyich, ta getaanoon, wottoo ta mulloona ta gabaanoon, boonoshi anaami bushiisheenaꞌonaa maache bushiisheenaꞌonon qaaqqooch goggii Molookich deejjoyich, Hinoomi bushoo bambooch beeti geppeexi goyinnee xaaꞌoon Baꞌaaloyich shuunetinaꞌone” iye.

Erimiyaasi 7:31

Ta getaanoon, ta mulloonoo ta gabaanoon, boonoshi anaami bushiisheenaꞌonaa maache bushiisheenaꞌonon qaaqqoona michoyich, Hinoomi bushoo bambooch beeti Tofeeti goyinnee xaaꞌoon shuunetinaꞌone.

Erimiyaasi 7:6

dallaawoon, nihaalloonaa xuumeenon xuꞌo ittoshi qayigaata, hini xaaꞌoochaa xalle damoon ukkoo ittoshi qayigaata, ittoshich aalloon deebemmi bare nuggishoon dabboo ittoshi qayigaata,

Erimiyaasi 7:9

Gaajjiyote; wuxiyote; shaddiyote; kootoon wogehote; Baꞌaaloyich ixaanoon shookkiyote; ittoshi ariyaani bare nuggisheenaꞌon dabbiyote;

Hiziqeeli 16:32

“ ‘Hini yahechine! Bi kenoon qajjaachaa dallaawoona tookkii qeyaabeeti maacheen tuneti neene.

Hiziqeeli 16:36

Nuggishoo Doono Yeeri ishichiye: Ne shunimaayeenaꞌona tookkii yahoona eeꞌe ne mooyo bi ufetoyich, ne achoo bi shoottetoyich, ciigiiti shahalleenaꞌoyich ne goyinnetonaa ne bushiisheenaꞌochi damoon ukkoona ebi shahalleenaꞌoyich ne deejjitonoyich,

Hiziqeeli 16:38

Shaddechinaꞌonaa damee ukkechinaꞌona tuneti maacheenaꞌochi toommooch nalleebeeti nalloon ne toommooch nallemmo taane; ta neboonaa qanaatee ta kaaroonon ne toommooch kindiiree damoona ne wooremmoyich tuniyemmo taane.

Hiziqeeli 16:45

Ne, bi kenoonaa bi bushiishoonon shixxeti ne indeechi bushee neene; ne, boonoshi keneenaꞌonaa bushiisheenaꞌonon shixxiti ne maache maneenaꞌochi manee neene. Ne indee Hitee asheene; ne nihoo Amooree ashoone.

Hiziqeeli 20:26

Boonoshi gutenee bushiishoon qaaqqee toommooch giddii deejjoona boonoshi eeꞌee beetaa cikkii qajjoye; ta eechito, boonoshin keqqichoyich, Doono Yeeri ta tunoonoo boonoshi ariyemmoyich tuniyoyichiye’ itone gete.

Hiziqeeli 20:31

And beddaahaa deejjoon deejjoona, ittoshi bushiishoon micciibeeti deejjoo tuniiꞌi giddiyoona ebi ittoshi shahalleenaꞌona ittoshi qelloon eeꞌiiniye ittoshi beeto. Israꞌeeleenaꞌote, ishigaata ta waanee echii ittoshi waayemmoyich ittoshich daaggibote? Beeyecho ta tunoona wogehoye: Ta waanee amoonolla echii ittoshi waayemmoyich daaggaache, iye Nuggishoo Doono Yeeri.

Hiziqeeli 23:39

Boonoshi bushiishoon shahalloyich boonoshi deejjiyooba, eeꞌiyoyich ta yaafee kexooch giyiyeete; ebiyoommi mooyon ta kexooch tuniiheete.

Hiziqeeli 23:45

Tunebaani cadiqe asheenaꞌo yahechinaꞌonaa ashi damoon ukkiti ebi genneenaꞌonochi toommooch nallemminaꞌone; ebiyoo shaddii beetinaꞌo wottoo ashi damoo boonoshi kishooch beeto bi tunetoyichiye” iye.

Hosee'i 1:2

Doono Yeeri batti batt Hoseeꞌina Israꞌeeleenaꞌoyich bi getiyooba, biich ishichiye: “Ta asheenaꞌo taan qajjiꞌi oogeton yahii beetinaꞌo boonoshi tunetoyich, newoo hamiree yahechi ureen shaage; bi waaneenoo yahaa shiijjeti bushiishoon shibe” iye.

Hosee'i 3:1

Doono Yeeri taach ishichiye: “Israꞌeeleenaꞌo bare nuggisheenaꞌo waan boonoshi wottetaanona, woyinee aafee nuuphon giddiyoon boonoshi shunnitaanona Doono Yeeri ta, andoo boonoshin shunnaabeeto taane. Newoo ebiyoommon bare ashoon shunneti shunimaayee waan hamiree biin shune” iye.

Hosee'i 4:2

Ufo, kooto, wuxoo, gaayonaa yahoona woddee hammiye. Damee ukkoo beshii beshii qeyiye.

Leweenaꞌo 18:21

“ ‘Ne bushiishoochee ikkoonolla Molookich bi deejjeyemmoyich beshii imona ne Nuggishoo ta shigoon naakkiyaahine. Ta, Doono Yeeri taane.

Mikiyaasi 3:10

Ittoshi, damoon ukkoona Tsiyoonin, xuꞌee shuunoonoo Yerusaalemin shuuneebeeto ittoshine.

Luqaasi 13:34

“Keemechinaꞌon wuxiibeeti hini Yerusaalemi asheenaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin kicoyich ambiche wottoon shunnetote! Tunetaa ittoshi qaawaano ittoshine.

Yibbaatoo 12:31

Boonoshi nuggisheenaꞌoyich boonoshi goyinnee maddee beetoommi gommona ne Nuggishoo Doono Yeerich goyinne maddeyaahine. Boonoshiyoo boonoshi nuggisheenaꞌoyich goyinnee maddee boonoshi beegaata, Doono Yeeri shixxii, ciigeebeeti mooyo bullin tunii beetinaꞌone. Boonoshi anaami bushiishoonaa boonoshi maache bushiishoonolla, qaaqqooch goggiꞌi boonoshi nuggisheenaꞌoyich deejjii beetinaꞌone.