Hiziqeeli 23:24 - Kafa Linguistics Project

²⁴ Boonoshiyoo ginee qiicoon, ginee gaarinaꞌonaa bare gaarinaꞌonon, dofee ginee naayinaꞌonoo yeshi woyemminaꞌone; neen koyoyich ogooge gaachoonaa gishiishi gaachoonon yeshi xuuree ukoonoo ukeree neen giichemminaꞌone; tawoo ne toommooch bi nalleyemmoyich boonoshi kishooch neen beshii immemmo taane; boonoshi sheeroommon ne toommooch nallemminaꞌone.

Hiziqeeli 23:24 ပူးပေါင်းရင်းမြစ်များ

2 Saameeli 24:14

Aroochee Daawiti Gaadich ishichiye: “And oogeton xuuxeto taane. Bi ariqqo woddoo bi tunetoyich, Doono Yeeri kishooch dihoo nooch gaawiye. Tunebaani ashi kishooch dihoon qaawaache” iye.

Erimiyaasi 47:3

Giidechi bi haresheenaꞌochi galabee qaaroona, gaarinaꞌochi guubboona, gengeenaꞌochi kakoonoo, niheenaꞌo boonoshi mochoo niretaa boonoshi bushiisheenaꞌon gaachoyich gubb cuqeyaachemminaꞌone.

Erimiyaasi 52:11

Sedeqiyaasichi aafoonoo qoqenee kichiyeete; sansalatoona cuchiꞌi Baabloonee showooch daammiyeete; bi qitimmooch beddaahaa cuyee kexooch geddiyeete.

Erimiyaasi 52:9

Aroochee taatoon yechiꞌi, Baabloonee taatoo waan Hamaatee showooch beeti Ribili katemooch deebiyeete. Aroochaa Nabukadinatsori bi toommooch nalliye.

Hiziqeeli 16:38

Shaddechinaꞌonaa damee ukkechinaꞌona tuneti maacheenaꞌochi toommooch nalleebeeti nalloon ne toommooch nallemmo taane; ta neboonaa qanaatee ta kaaroonon ne toommooch kindiiree damoona ne wooremmoyich tuniyemmo taane.

Hiziqeeli 21:23

Baabloonee taatoyich gibeneeto tunoyich wogoon giyiti Yerusaalemi asheenaꞌoyich ebi mooyo qaaxooniye bi shaahiibeeto; tunebaani aroo boonoshi xuꞌoon boonoshich arichiyemmone; boonoshinoo keci daammemmone.

Hiziqeeli 23:45

Tunebaani cadiqe asheenaꞌo yahechinaꞌonaa ashi damoon ukkiti ebi genneenaꞌonochi toommooch nallemminaꞌone; ebiyoo shaddii beetinaꞌo wottoo ashi damoo boonoshi kishooch beeto bi tunetoyichiye” iye.

Hiziqeeli 26:10

Bi haresheenaꞌo meetoochee tiyitona boonoshi quttoo neen qeremmone; asho tiisheti xaqqee uxerechi katemooch bi gimoommon, aroo ne uxeree kelloona bi giyiyooba, haresheenaꞌochi, ginee gaarinaꞌonaa bare gaarinaꞌonochi qaaroochee tiyitona ne uxereenaꞌo qewemminaꞌone.

Hiziqeeli 26:7

“Ebich Nuggishoo Doono Yeeri ishichiye: ‘Dambi-waanee, taateenaꞌo taatoo, Baabloonee taatoo Nabukadinatsorin haresheenaꞌonaa gaarinaꞌona tookki, hareshechinaꞌonaa dofee ginee naayinaꞌona tookki Xiroosi toommooch deebemmo taane.