Hiziqeeli 23:18 - Kafa Linguistics Project

¹⁸ Bi achoon addibaaboochaa gaxxaa yahechi bi tunoon xalla arichiihan; tawoo bi manee waanee ta wottoommon, biin ciigaꞌa bi waanee badd wotteho.

Hiziqeeli 23:18 ပူးပေါင်းရင်းမြစ်များ

Shoddo 106:40

Ebich Doono Yeeri kaaro bi asheenaꞌo toommooch aaxxehe; bi hajjee asheenaꞌonoo tiyaarehe.

Shoddo 78:59

Yeeri ebin waayeꞌi oogichii kaarehe; Israꞌeelinoo ciroona qajjiye.

Isiyaasi 3:9

Boonoshi aafoochee bekkeebeeti mooyo boonoshi toommooch miixee beetone; boonoshi axaaxoon aachaanoon, Sodoomee asheenaꞌochoommon axaaxoon xalla shuunee beetinaꞌone; boonoshi toommooch gonde mooyon boonoshi deebii beetoyich boonoshich woowo!

Isiyaasi 57:8

Shaaqqoonaa qoomoonochi gubbooch ne misiloon kotiihine; taan qajjaachaa ne qeenon gaxxihine; arooch kechaanoo gamichaa gaxxihine; boonoshina tookkaa gatiyoon yibbaatehine; ne beeggeti xaaꞌoo bulliichaa boonoshi beeroo bullin shunnehine.

Erimiyaasi 12:8

Ta hajjee asheenaꞌo kubbooch beeti daaheroommon taach tunetinaꞌone; ta toommooch tiyiꞌi ciddiyeete; ebich boonoshin shixxeto taane.

Erimiyaasi 15:1

Aroochee Doono Yeeri taach ishichiye: “Muusinaa Saameelina ta aafooch neexetaanona ta mullo hini asheenaꞌo waan wotteyaachemmone. Ta aafoochee daachiibe; hambeete.

Erimiyaasi 6:8

Yerusaaleme, neyee ta baraachemmoyich, neen shokkaache onoon ta tuniyaachemmoyich, ta gettaa beeton manjii waayebe” iye.

Erimiyaasi 8:12

Ciigiiti mooyon boonoshi tuniitoyich yeelleteete? Ciroona yeelleyaaneenaꞌone; yeello amo gaatoona ariyaaneenaꞌone. Ebich bareenaꞌo dihoommon dihemminaꞌone; boonoshin ta naxehooboo qiti aallemminaꞌone” iye Doono Yeeri.

Shoosho 2:7

Doono bi deejjee gudoon qajjiye; bi yaafee kexonoo ciigehe; bi uxeroon ettoochi kishooch beshii immiye; nati baarooba tunee beetoommon, Doono Yeerichi yaafee kexoochaa oogeti kokkoree qaaro waayeehe.

Hiziqeeli 16:36

Nuggishoo Doono Yeeri ishichiye: Ne shunimaayeenaꞌona tookkii yahoona eeꞌe ne mooyo bi ufetoyich, ne achoo bi shoottetoyich, ciigiiti shahalleenaꞌoyich ne goyinnetonaa ne bushiisheenaꞌochi damoon ukkoona ebi shahalleenaꞌoyich ne deejjitonoyich,

Hiziqeeli 21:24

Ebich Nuggishoo Doono Yeeri ta ishichiyoye: Ittoshi axaaxoo bi gabeyemmoyich ittoshi tuniitoyich, ittoshi xuꞌo bi gaxxeetoyich, ittoshi axaaxoo ittoshi shuunoo bullina bi bekketoyich, kecaa hammemmo ittoshine.

Hiziqeeli 23:10

Boonoshiyoo bi tahoon shoottiꞌi hulloon echiiheete; bi anaami bushiishoonaa maache bushiishoonon keccii daammiyeete; biinoo goraadoona wuxiyeete. Bi toommoochoo nalloo kindiye; biyoo maacheenaꞌo daggooch tochoo tunaa echahan.

Hiziqeeli 23:19

Tunebaani Gibitsee showoochaa shaddiibee bi echeti bi bushittinee yemeenoon gabiibee yahoon meechiyanalli ebin aaxxiyaaneene.

Hiziqeeli 23:9

“Ebich boonoshina tookkii bi yahiibeeti, bi shunechi Asooreenaꞌo kishooch biin beshiyaa immeho.

Hosee'i 2:2

“Ciicote, ittoshi indeen ciicote. Are ta mechee tuno bi qajjetoyich, tawoo bi keno toono taane. Shunee mamonaa yahoonon bi waanee wokkiibuye.

Hosee'i 7:1

“Ta asheenaꞌon kecoochee wochiya ta iyooba, Israꞌeeleenaꞌon wodiiya ta iyooba, Efreemichi axaaxoo, Shamaari katemee asheenaꞌochi gonde shuunoo bekkehe. Boonoshinaa boonoshina kootoon yibbaateheete; kexon tiichii giyiꞌi gaajjiyeete; bokkoo tuneꞌinoo gommoochaa boggiyeete.

Amootsi 5:21

Doono Yeeri ishichiye: “Ittoshi nati baaroon shixxaa hoxeto taane. Baaroyich ittoshi kiceyoona emiraano taane.

Amootsi 6:8

Beshe Mawe Nuggishoo Doono Yeeri bi qelloona wogeꞌi ishichitone: “Israꞌeeleenaꞌochi geecoon tiyaareto taane; boonoshi taatee kexinaꞌonoo shixxeto taane. Boonoshi inde katemoonaa bi daggooch beeto bullinon ettoyich beshii immemmo taane” itone.

Zakaariyaasi 11:8

Ikke agenee daggooch keejje qiddeenaꞌon yookkeho. Boonoshiyoo taan shixxiyeete; tawoo boonoshin sheeneho.

Yibbaatoo 32:19

“Doono Yeerichi bushiishoo ittoshine; tunebaani bi ippemmoyich tuniihote. Biin qajjiꞌi gubb ittoshi wottoon beeggiꞌi, biyoo ittoshin qajjiye.