1 Doono Yeeri taach ishichiye:
“Aabichiree ‘Eeꞌeyaane taane; Baꞌaaloonoo dabbaanee taane’ geton hakkenne? Bambeexi ne gommon ciine; amoon ne tuniito gaatoo shalligibe! Shaafitteti baraheexi gaaleen shaahiti neene.
Ne tahoochee daammaꞌa ne goyinnemmi goyinnee xaaꞌoon macecikkihine; aroocheenoo shunoo maahine; ebiyoommi mooyo ebiyee aaf tunee ariyaanoone; ebiyee bekkoo tuneyaachemmone.
Aroochee taach ishichiye: “Ashi bushoocho, Israꞌeelee asheenaꞌo waan, ta toommooch tiyiti hukkechi macceenaꞌo waan, neen daachiyemmo taane; boonoshiyoo boonoshi qaabbechinaꞌochoommon hanaach beddaahaa ta toommooch tiyii beetinaꞌone.
“Ashi bushoocho, nalloyich qannitine? Damoon ukkiibeeti katemee toommooch nalloyich qannitine? Bi shuuneti ciigiiti shuunoo bullin bi toommooch awaajjibe.
Ebich ta kaaroon boonoshi toommooch kindiihoye; ta nebee qaaqqoona boonoshin aalliihoye; boonoshi shuunetoommon boonoshich shuunehoye” iye Nuggishoo Doono Yeeri.
“Ashi bushoocho, ikke indee bushiishoo tuneti gutte maneenaꞌo beeheete.
Doono Yeeri batti batt Hoseeꞌina Israꞌeeleenaꞌoyich bi getiyooba, biich ishichiye: “Ta asheenaꞌo taan qajjiꞌi oogeton yahii beetinaꞌo boonoshi tunetoyich, newoo hamiree yahechi ureen shaage; bi waaneenoo yahaa shiijjeti bushiishoon shibe” iye.
Mixoochee shuuneeti shahalloon keemiiheete. Boonoshi gumboo boonoshich wochii gettiye. Yahee ayaanoo boonoshin muriciihe. Boonoshi Nuggishoo tayee wokkiꞌi yahitinaꞌone.
Xuuree guufo gaxxeemmona ikke ure mokkee maacooch kotaꞌa beetin beeggeho.
