Hiziqeeli 22:7 - Kafa Linguistics Project

⁷ Ne daggoochaa indeenaa nihoona qallayeeheete; ne daggoochaa dallaaweenaꞌo xukkeheete; ne daggoochaa nihaalleenaꞌonaa xuumeenaꞌona duꞌeheete.

Hiziqeeli 22:7 ပူးပေါင်းရင်းမြစ်များ

Shoddo 94:5

Doono Yeero, ne asheenaꞌon yiikkeheete; ne hajjee asheenaꞌon xuuxiiheete.

Shoddo 94:6

Xuumeenaꞌonaa nihaalleenaꞌonon guuriyeete; no showooch koteti shiqqeenaꞌonoo wuxiyeete.

Keyo 20:12

“Ne Nuggishoo Doono Yeeri ta, neech ta immemmi showooch koteree ne yagemmoyich, ne nihoonaa ne indeenon oogiibe.

Keyo 21:17

“Bi nihoo woyee bi indee toommooch qallayee yibbaatoon yibbaateebeeto qitibe.

Keyo 23:9

“Ittoshiyoo Gibits ittoshi beehooba shiqqoo ittoshine; shiqqoyich shiqqittino am shaahoon waayee bi beeto gaata, ittoshi qelloona ittoshi ariibeeto ittoshine. Ebich shiqqoon xuqqaahote.

Shaahiyoo 20:20

Bi nihoon woyee bi indeen naaggiibeeto, bi ceechoo dunne manderoochaa tahemmone.

Shaahiyoo 30:11

Boonoshi niheenaꞌon uppiibeeti, boonoshi indeenaꞌonoo diiraani shiijjereenaꞌo beetinaꞌone.

Shaahiyoo 30:17

Bi nihoon cooqqirii, bi indeechi getoonoo hoxeebeeto aafoon, bambeexi kurecheenaꞌo qoqenemminaꞌone; aakkeenaꞌo biin maayemminaꞌone.

Isiyaasi 1:17

Deꞌe mooyon shuunoon doyibote; dayinnetoon qaawibote; xukketon wodiibote; nihaalleenaꞌoyich neexebote; xuumeenaꞌoyichoo taggebote” iye.

Isiyaasi 1:23

Ne ukkireenaꞌo hukkechinaꞌonaa gaayeenaꞌochi nuucheenaꞌonane; boonoshi bulliyoo xuccoon shunniyeete; aafee ciichiyoonoo oogichii qaawiyeete; nihaalleenaꞌoyich neexeyaacheete; xuume maacheenaꞌo mooyon waayeyaacheete.

Erimiyaasi 7:6

dallaawoon, nihaalloonaa xuumeenon xuꞌo ittoshi qayigaata, hini xaaꞌoochaa xalle damoon ukkoo ittoshi qayigaata, ittoshich aalloon deebemmi bare nuggishoon dabboo ittoshi qayigaata,

Hiziqeeli 18:12

girechonaa iritechonon neexxii bi hajjigaata, bi bogigaata, yechiyoon wochoo bi qayigaata, shahalleenaꞌoch bi goyinnegaata, ciigiiti mooyon bi tuniigaata,

Hiziqeeli 22:25

Bi daggooch beeti iraasheenaꞌo, boonoshi dabbee yechiti moochi guudoona guuddiichii gigeebeeti daahereenaꞌoomminaꞌone; ashoon maatinaꞌone; ashi yaaphoonaa aaxxe mooyinaꞌonon boggiyeete; wodde maacheenaꞌonoo xuumeenaꞌon tuniiheete.

Hiziqeeli 22:29

Showee asheenaꞌo xuqqiyeete; boggiyeete; girechinaꞌonaa iritechinaꞌonon xuuxiiheete; shiqqoon xuqqiyeete.

Leweenaꞌo 20:9

“ ‘Bi nihoon woyee bi indeen naaggiibeeti asho koniyoona qitibe. Bi nihoon woyee bi indeen bi naaggitoyich, bi damoyich koniyoona echeyaachemmone.

Zakaariyaasi 7:10

Xuumeenaꞌon, nihaalleenaꞌon, dallaaweenaꞌon, girechinaꞌonoo xuqqaahote; ittoshi mulloona ikkoo baroyich gondoon gabaaye’ iyoye.

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.

Maariqoosi 7:10

Muusi ‘Ne indeenaa ne nihoonon oogiibe’ wotta ‘Bi indeen woyee bi nihoon naaggimmoo qitibe’ itone.

Yibbaatoo 24:17

“Shiqqeenaꞌonaa nihaalleenaꞌonochi dayinnetoon dabiiyaahine. Xuumeechi tahoonoo yechiyoon tunii deqqaahine.

Yibbaatoo 27:16

“ ‘Bi nihoon woyee bi indeen giishiibeeto uppeton tunebe’ geteete. “Asheenaꞌo bulliyoo ‘Ameena’ geteete.

Yibbaatoo 27:19

“ ‘Shiqqeenaꞌochi, nihaalleenaꞌonaa xuumeenaꞌonochi dayinnetoon dabiibeeto uppeton tunebe’ geteete. “Asheenaꞌo bulliyoo ‘Ameena’ geteete.

Yibbaatoo 5:16

“ ‘Ne Nuggishoo Doono Yeeri ta, neech gettetoommon, neech ta immaabeeti showooch koteree ne yagemmoyich, mooyo bulli neech bi kaamemmoyichoo, ne nihoonaa ne indeenon oogiibe.