Hiziqeeli 22:26 - Kafa Linguistics Project

²⁶ Bi qeesheenaꞌo ta sheeroon shaaddeheete; ta yaafee kechi mooyinaꞌon eeꞌiiheete; yaafeetonaa yaafeyaanoonon bariyaacheete; xalloonaa eeꞌoonochi daggooch beeti barbarittinoon dojjaacheete; ta shambetoon qallayiyeete; ebina boonoshi daggoochaa qallayehoye.

Hiziqeeli 22:26 ပူးပေါင်းရင်းမြစ်များ

2 Kiinoo 36:14

Ebiyoommon wotta qeesheenaꞌochi wulleenaꞌonaa asheenaꞌona aageteenaꞌochi ciigiiti doyoon dabbiibee, Yerusaalemi beeti, Doono Yeeri yaafiti yaafee kexon eeꞌiibee, aafichoyee beshoon gibeneyee qayona beshii beshii hammiyeete.

Erimiyaasi 15:19

Ebich Doono Yeeri ishichiye: “Ne wottegaata, neen wochemmo taane; ta aafoochoo neexemmo neene; qocechi yibbaatoon qocaalloyee bariyaꞌa ne yibbaategaata, ta noonoommon tunemmo neene. Boonoshi ne waan wottebeetani, ne boonoshi waan wotteyaahine.

Erimiyaasi 2:8

Qeesheenaꞌoo ‘Doono Yeeri aaye?’ getaaneenaꞌone; sheeree dojjechinaꞌoo taan ariyaaneenaꞌone; qeejjechinaꞌoo ta toommooch hukkeheete; keemechinaꞌoo, gaacaalli mooyon dabbiꞌi Baꞌaaloochi shigoona keemoon keemmiyeete.

Shoosho 4:13

Ebi bi tuneto, keemechinaꞌochi axaaxoyich, qeesheenaꞌochi xuꞌoyich, cadiqeenaꞌochi damoon bi daggoochaa boonoshi ukkitoyichiye.

Hiziqeeli 22:8

Ta yaafe mooyinaꞌon hoxeeton tuniihote; ta shambetoonoo eeꞌiihote.

Hiziqeeli 23:38

Boonoshi shuuneti gondo ebi baach toonoone; arooba ta yaafee kexon eeꞌiitinaꞌone; ta shambetoonoo eeꞌiiheete.

Hiziqeeli 36:20

Boonoshi hammimmi aageteenaꞌo bulliichaa asheenaꞌo, ‘Eboshi Doono Yeerichi asheenaꞌone; tunebaani bi showoochee kechitinaꞌone’ getona yaafe ta shigoon naakkiiheete.

Hiziqeeli 42:20

Awudde guudoon hirehe; yaafeetonaa yaafeyaanoonon bariibeeti daabbo yaafee kechi guudoona beetone; ebi duukki gidoo uuche balle hiroo, bi maacoo uuche balle hiroone.

Hiziqeeli 44:10

“Israꞌeeleenaꞌo ta waanee wokkiyooba boonoshi shahalloon dabbiꞌi ta waanee wokkiti Leweenaꞌoo boonoshi axaaxoon shaaggemminaꞌone.

Hiziqeeli 44:23

“Qeesheenaꞌo yaafeetonaa yaafeyaanoonochi daggooch beeti barbarittinoon ta asheenaꞌoyich dojjibeete; xalloonaa xalloo tuneyaanoonon boonoshi bariyemmi gommon bekkiibeete.

Hiziqeeli 44:24

Asho kaarehooba nallechon tunebeete; ta qociyoommona nallibeete; ta baaroon ciinnii beetona ta geteenaꞌonaa ta qociyoonon quyebeete; ta shambetoonoo yaafibeete.

Hiziqeeli 7:26

Naxee toommooch naxo woyemmone; woree hilloochoo woroo woyemmone; keemechinaꞌo waanee yaaꞌoon qaawemminaꞌone; tunebaani sheeroo qeesheenaꞌo waanee, ciico geeneenaꞌo waanee aallemmone.

Leweenaꞌo 10:10

Ebin tuniiree yaafoonaa yaafeyaanoonochi daggooch, wotta eeꞌoonaa xalloonochi daggooch barbaremmo ittoshine.

Leweenaꞌo 11:47

Ebi sheeroo xalloonaa xalloo tuneyaanoonon, kashechi halloochee manjeyemmonaa manjeyaachemmonon ittoshi barbariyemmoyich ittoshin gaachemmone’ getote” iye.

Leweenaꞌo 13:43

Qeeshoo ebin manjii bi ciinaa, mayo qeddee shaddee biiyoochoommon naccoo waan wotteto bi tunegaata,

Leweenaꞌo 20:25

“ ‘Illa ebich xalloo tuneti gijjoo, cooxo, kafoonaa xalloo tuneyaanoonon barbariibote. Eeꞌoone iyaꞌa ta bariiti gijjoo, cooxo, kafoo, showoona yuummiibeeti mooyo amoonolla ittoshi qelloon eeꞌiyaahote.

Milikiyaasi 2:7

“Qeesheenaꞌo Beshe Mawe Doono Yeeri ta wocheyechinaꞌo boonoshi tunetoyich, boonoshi noonooch ariyoon kotiyoo boonoshich qaawiihe. Asheenaꞌoo boonoshi noonoochee doyoon qaawoo boonoshich qaawiihe.

Milikiyaasi 2:8

Tunebaani ittoshi ta gommoochee badd wotteto ittoshine; ittoshi dojjiibeeti doyoona meeti asheenaꞌoyich xugoon tuneto ittoshine. Lewina tookkaa ta giyeti wogoonoo happito ittoshine, iye Beshe Mawe Doono Yeeri.

Roomi 2:24

Ebiyoo “Ayihudo ittoshi naboona Aageteenaꞌo daggooch Yeerichi shigo naakketone” getaa bi kooreetoommoniye.

1 Saameeli 2:22

Ebiyooba Eeli oogeton geenetone. Biyoo bi bushiisheenaꞌo Israꞌeeleenaꞌo toommooch boonoshi tuniibeeto bullin, danee duukkaanee kellooch maddeebeeti genneenaꞌon boonoshi qemonoo waayee beehe.

1 Saameeli 2:29

Ishigaata, ta beeyi kexooch bi giddemmoyich ta getteti deejjoonaa buuroonon ittoshi qallayiibeeto amoyichiye? Ta asheenaꞌo tuneti Israꞌeeleenaꞌo giddiibeeti deejjoochee gaawi gaaweton maabee ittoshin aangiyoona tayee beshoon ne bushiisheenaꞌon ne oogiyaabeeto, amoyichiye?