Hiziqeeli 22:25 - Kafa Linguistics Project

²⁵ Bi daggooch beeti iraasheenaꞌo, boonoshi dabbee yechiti moochi guudoona guuddiichii gigeebeeti daahereenaꞌoomminaꞌone; ashoon maatinaꞌone; ashi yaaphoonaa aaxxe mooyinaꞌonon boggiyeete; wodde maacheenaꞌonoo xuumeenaꞌon tuniiheete.

Hiziqeeli 22:25 ပူးပေါင်းရင်းမြစ်များ

1 Taateenaꞌo 22:23

“Andoo ebiyoche, Doono Yeeri ebi ne keemechinaꞌo bulli noonooch koote ayaanoon kotiitone. Doono Yeeri ne toommooch gondoon tuniyemmo bi tunoon gettitone” iye.

Isiyaasi 56:11

Boonoshiyoo bi maataa miyani, woddelle kunaanoomminaꞌone; shalligaalli qiddeenaꞌone; boonoshi kaatti kaatta wottetinaꞌone; bulliyona boonoshi gaacoon qaawiyeete.

Erimiyaasi 11:9

Doono Yeeri taach ishichiye: “Yihudee asheenaꞌonaa Yerusaalem beetinaꞌona waan hukkoo beetone.

Erimiyaasi 15:8

Ittoshi xuumeenaꞌochi haddoon, bahareexi qacoyee bi beshemmoyich tuniihoye; gurimaasheenaꞌochi indeenaꞌo waan aalliyechon aabe tukkehaa deeboye; ayinoonaa keqqoonon diqqoona boonoshi toommooch deeboye.

Erimiyaasi 18:21

Ebich boonoshi bushiisheenaꞌo shaacemmoyich tuniibe; ginooch beshiiree boonoshin imbe; boonoshi mecheenaꞌo bushaalleenaꞌonaa xuumeenaꞌonon tunebeete; boonoshi anaaminaꞌo qitoona aallebeete; boonoshi gurimaasheenaꞌo koyooba goraadoona aallebeete.

Erimiyaasi 2:30

“Ittoshin ta sheerito duubooniye; ta sheeroon deꞌaano ittoshine. Ittoshi goraado shaaceti daaheroochoommon, ittoshi keemechinaꞌon maatone.

Erimiyaasi 2:34

Gaajjii boonoshi beetaa ne daneyaani, xalleenaꞌo tuneti girechinaꞌochi damoo ne tahoochee danetone. “Ebi bullin tuniichaa,

Erimiyaasi 23:14

Yerusaalemi katemeexi keemechinaꞌo waaneenoo ciigiiti mooyon beeggeto taane: Shunoon maaheete; kootoon yibbaateheete; koniyoona bi gondoochee wotteyaachemmoyich, gondoon shuunee beetinaꞌon kupphiiheete; boonoshi bulliyona taach Sodoomiyoomminaꞌone; Yerusaalemi asheenaꞌoo Gomooriyoomminaꞌone.

Erimiyaasi 6:13

“Girechoochee tiijjii gaannechooch beddaahaa gijjoyich hiriggii beetinaꞌone; keemechoochee tiijjii qeeshooch beddaahaa bulliyona dawushechinaꞌone.

Shoosho 2:14

Ittoshi keemechinaꞌochi yaaꞌoo kootoonaa maroonane; boonoshiyoo, ittoshi kecoon wochoyich, ittoshi xuꞌoon gaxxii beekkiyaaneenaꞌone; tunebaani muricoonaa kootoona tuneti yaaꞌoon, ittoshich beeggiyeete.

Shoosho 4:13

Ebi bi tuneto, keemechinaꞌochi axaaxoyich, qeesheenaꞌochi xuꞌoyich, cadiqeenaꞌochi damoon bi daggoochaa boonoshi ukkitoyichiye.

Hiziqeeli 13:19

Ittoshi kootoon waayaabeeti ta asheenaꞌoyich koottiibee, qita bedaani kasheen wuxoona, woda bedaani kasheenoo wodiyoona ikke ushi sheqoonaa ikke tiishi koshonoyicha iꞌi ta shigoon eeꞌiito ittoshine.

Hiziqeeli 13:2

“Ashi bushoocho, boonoshi mulloochee kichiꞌi keemoon keemmiibeeti Israꞌeelee keemechinaꞌochi toommooch keembe; boonoshichoo ishichibe: ‘Doono Yeerichi qaaroon waayebote!

Hiziqeeli 22:7

Ne daggoochaa indeenaa nihoona qallayeeheete; ne daggoochaa dallaaweenaꞌo xukkeheete; ne daggoochaa nihaalleenaꞌonaa xuumeenaꞌona duꞌeheete.

Hiziqeeli 34:2

“Ashi bushoocho, keemoon keembe; Israꞌeelee qiddeenaꞌochi toommooch keemoon keembe; boonoshichoo ishichibe: ‘Nuggishoo Doono Yeeri ishichiye: Bageenaꞌon shiimee yeshon qajjiichii boonoshi qelloon shiimeebeeti qiddeenaꞌoyich woowo! Qiddeenaꞌo bagoon shiim bedaacheete?

Hiziqeeli 34:3

Awuyon maahote; huushoochee shuuneeti tahoon tahehote; awujjitonoo guuriyote; tunebaani bageenaꞌon shiimeyaachote.

Hosee'i 6:9

Bokkeenaꞌo ashoon wuxiya ottii quyoommon, qeesheenaꞌo ebiyoommon tuniiheete; Shekeemi gommoochaa ashoon wuxiyeete. Yeelliibeeti gondoonoo shuuneheete.

Maatiyoosi 23:13

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Asho shimaajji taatittineech bi giyaachemmoyich kelloon hicciyote. Ittoshi qelloona giyaachote; giya qaawii beetinaꞌoyichoo bajjiyote.

Maariqoosi 12:40

Xuume maacheenaꞌo kexon tiichiibee cadiqo shaahi bekkeya iꞌi corootoon geechii genjii beetinaꞌone. Eboshi toommooch Yeeri beshe shattii giiriiti nalloon kindiyemmone” iye.

Luqaasi 20:47

Boonoshiyoo wotta xuume maacheenaꞌo kexon tiichiibee, cadiqo shaahi bekkeya iꞌi corootoon geechii genjii beetinaꞌone. Eboshi toommooch Yeeri beshe shattii giiriiti nalloon kindiyemmone” iye.

Yaaꞌoo 13:11

Aroyee gubb bare cooxo showoochee bi kechii beetaa beeggeho. Bagee qaroommi gutte qarechone; dareboochoommonoo yibbaatee beetone.

Yaaꞌoo 13:15

Wotta aafi cooxochi shahalloyich kashee hiinnoon bi immemmoyich hakkoo biich ichehe; ebiyoo ebi cooxochi shaahallo bi yibbaatemmoyich, wotta biich goyinneyaaneenaꞌo wuxeyemmoyich bi tuniyemmoyichiye.

Yaaꞌoo 17:6

Ureyoo yaafeenaꞌochi damoona, Yesuusichon miixeti asheenaꞌochi damoona mashetin beeggeho. Biin ta beeggehooba, oogeton worganeho.

Yaaꞌoo 18:13

qarefoo, qimaamo, ixaano, cinnechi huuto, hareboo, woyinee uyo, zayito, qacini buddino, teepphoo, miimo, bago, hareshoo, gaari, guuninaꞌonaa ginoona kecceti asheenaꞌona, eboshine.