Hiziqeeli 22:20 - Kafa Linguistics Project

²⁰ Asho birewoon, gooshoon, xuuroon, budoonaa qoriqoroonon xuuroo wocciibeeti mooyooch geddiichii bi woccemmoyich qaaqqoon bi yooppoommon ta kaaroona wottoo ta neboona ittoshin kiciichi wociyemmo taane.

Hiziqeeli 22:20 ပူးပေါင်းရင်းမြစ်များ

Isiyaasi 1:25

Ta mochoon ne toommooch tiijjemmo taane; ne osheroonoo gaawichi machemmo taane; ne gondo bullinoo wokkiyemmo taane.

Isiyaasi 54:16

“Ebiyoche qaaqqee gechoon buushilloona huggiibeeti, ginee qiicoonoo shuuneebeeti qemmon hallito, taane; aalliibeeti ginee naayonoo hallito, taane.

Erimiyaasi 4:20

Naxee hillooch naxo dabbiye; showoo bulli tiishee aallehe; ta duukkaanoo diqqoona, ta maccillaatoo qillifee yexx bedaan beetaa, aalletone.

Erimiyaasi 8:13

Doono Yeeri ishichiye: “Boonoshin aalliyemmo taane; boonoshiyoo aafaalli woyinee qomboomminaꞌone; aafaalli, bi waamoo shuuqqiti balaasee mixoomminaꞌone. Ebich boonoshich ta immeto boonoshi kishoochee muriccemmone” iye.

Hiziqeeli 22:19

Ebich Nuggishoo Doono Yeeri ta ishichiyoye: Ittoshi bulliyona ebiyoommi gaacaallo ittoshi tunetoyich Yerusaalem ittoshin kicemmo taane.

Hiziqeeli 22:21

Ittoshin kicemmo taane; ta kaaree qaaqqoonoo ittoshi toommooch yooppemmo taane; bi daggoochaanoo woccemmo ittoshine.

Hiziqeeli 22:31

Ebich ta kaaroon boonoshi toommooch kindiihoye; ta nebee qaaqqoona boonoshin aalliihoye; boonoshi shuunetoommon boonoshich shuunehoye” iye Nuggishoo Doono Yeeri.

Hiziqeeli 24:13

“Yerusaaleme, shunee mamona eeꞌeti neene; neen xalliiya ta qaawitaanona ne xalleyaane neene; ta kaaree shiixxoo kindii beshemmi wottoon ne eeꞌoochee xalleyaachemmi neene.

Hiziqeeli 36:18

Showee toommooch damoon boonoshi ukkitonaa shahalloona showoon boonoshi eeꞌiitonoyich ta neboon boonoshi toommooch kindiihoye.

Hosee'i 8:10

Gijjoona aageteenaꞌona tookkii boonoshi ikkottetaanona and ta, boonoshin kicemmo taane. Taatoonaa ukkireenaꞌona boonoshi toommooch shakkiibeeti iritoochee tiyitona, muuyi muuyi hammemminaꞌone.