Hiziqeeli 22:15 - Kafa Linguistics Project

¹⁵ Aageteenaꞌo daggooch neen shaccemmo taane; showee toommoochoo neen bitinnemmo taane; ne eeꞌittinoonoo ne waanee aalliyemmo taane.

Hiziqeeli 22:15 ပူးပေါင်းရင်းမြစ်များ

Nehimi 1:8

“Ne guuno Muusich ‘Taach gibeneeto tuno ittoshi qayigaata, aageteenaꞌo daggooch ittoshin shaccemmo taane; tunebaani ta waan ittoshi wottegaata, ta getoon ittoshi quyegaata, ceechi gaatoo, ittoshi shiijjereenaꞌo showee tuggooch beddaahaa boonoshi shacetaanona, aroochee boonoshin kicemmo taane; ta shigo ceekkemmoyich ta kaacceti xaaꞌooch boonoshin deebemmo taane’ iyaꞌa ne getteti qaaroon ne gabemmoyich qollehoye.

Isiyaasi 1:25

Ta mochoon ne toommooch tiijjemmo taane; ne osheroonoo gaawichi machemmo taane; ne gondo bullinoo wokkiyemmo taane.

Erimiyaasi 15:4

Yihudee taatoo Hiziqiyaasichi bushoo Minaasi, Yerusaalemi daggooch bi tuniiti mooyoyich, showee toommeexi taatittino bulliichaa boonoshi xuuxemmoyich tuniyemmo taane.

Hiziqeeli 20:23

Andoo aageteenaꞌo daggooch, showeenaꞌoochoo boonoshin shaccemmo ta tunoon barahoochaa boonoshich wogehoye.

Hiziqeeli 20:38

Ittoshi daggoochee hukkechinaꞌonaa taan xuqqitinaꞌonon wokkiyemmo taane; boonoshi beeti showoochee boonoshin kichemmo taane; tunebaani Israꞌeelee showooch giyaachemminaꞌone. Ebiyooba Doono Yeeri ta tunoon ariyemmo ittoshine.

Hiziqeeli 22:18

“Ashi bushoocho, Israꞌeelee macceenaꞌo taach gaacaani mooyon tunetinaꞌone; boonoshi bulli xure birewoo wocciibeeti gemmooch echeebeeti, gaacaalli gooshoon, qoriqoroon, xuuroonaa budoonon taach shaahiyeete.

Hiziqeeli 22:22

Birewoo xuuroo wocciibeeti qiicoochaa bi wocoommon ittoshiyoo aroochaa woccemmo ittoshine; Doono Yeeri tawoo ta neboon ittoshi toommooch woniito ta tunoon ariyemmo ittoshine” iye.

Hiziqeeli 23:27

Yahoonaa Gibitsee ne deebeti qocee gondoonon ne waanee aalliyemmo taane; newoo ne aafoon Gibitsee asheenaꞌo waan wochaachemmi neene; ebiyee bekk boonoshin gabaachemmi neene” iye.

Hiziqeeli 34:6

Ta bageenaꞌo guudo bullinaa geppoonooch yallyallimitinaꞌone; showoo bulliichoo shacetinaꞌone; boonoshin qaawiibeeto aalloone.

Hiziqeeli 36:19

Aageteenaꞌooch boonoshin shaccehoye; showeenaꞌoochoo baqeeheete; boonoshi beemoommona, boonoshi shuunoommonoo boonoshi toommooch nalliyoye.

Hiziqeeli 5:10

Ebich ittoshi daggoochaa niheenaꞌo boonoshi bushiisheenaꞌon, bushiisheenaꞌo boonoshi niheenaꞌon maayemminaꞌone; eechiree ittoshi toommooch nallemmo taane; ebiichee muriccii echemmon yongee toommooch shaccemmo taane.

Hiziqeeli 5:12

Ittoshiichee keejj beereexi ikkoo ittoshi daggoochaa biiyoona, shaacoonoo ciiremmone; wotta keejj beereexi ikkoo katemoyee maachaa goraadoona dihemmone; bare keejj beereexi ikkoon yongo bulliich shaccemmo taane; goraadoonoo yookkemmo taane.

Leweenaꞌo 26:33

Ginoon ittoshi toommooch deebiree, aagetee showooch ittoshin shaccemmo taane; ittoshi showoo ashaalli xafo tunemmone; ittoshi katemoo happaa aallemmone.

Zakaariyaasi 13:9

Ebi ikke beeroon qaaqqooch deebemmo taane; birewoon ukkoommon ukkiree boonoshin xalliyemmo taane; aachoon ukkoommonoo ukkiree boonoshin haattemmo taane. Boonoshiyoo ta waan corootemminaꞌone; tawoo boonoshi corootoon waayemmo taane. Boonoshin, ‘Ta asheenaꞌone’ gettemmo taane; boonoshiyoo ‘Doono Yeeri, no Nuggishoone’ gettemminaꞌone” iye.

Zakaariyaasi 7:14

Boonoshi ariyaani aageteenaꞌo bulli daggooch yubee yongoona boonoshin shaccehoye. Showoo ashaalli shokkoon tunehe. Koniyoona arooch okk hach shaꞌemmo aallehe; ebina gaawe showoon shokko echiiheete” iye.

Milikiyaasi 3:3

Biyoo birewoon wociiꞌi xalliibeeti ashichoommon kotemmone. Lewichi yareenaꞌon aachoonaa birewoonochoommon wociiree xalliyemmone. Aroochee boonoshiyoo boonoshi giddiiya bede tate deejjoon Doono Yeerich giddiyemminaꞌone.

Milikiyaasi 4:1

Beshe Mawe Doono Yeeri ishichiye: “Gemmeexi qaaqqoo michoommon michiibeeti aabo woyemmone. Geecechinaꞌonaa axaaxoon shuunee beetinaꞌona bulli maayi tulloon tunemminaꞌone. Waabeeti aabo boonoshin michi aalliyemmone. Cammonoo tuneba atoon echiyaachemmone.

Maatiyoosi 3:12

Maayoon yooppiibeeti qiico bi kishoochiye; maayo bullin yooppiree xalliyemmone; are yooppaa xalleti teepphoon bi gotooch geddemmone; tunebaani maaxxoon tahaani qaaqqoona michemmone” iye.

Yibbaatoo 28:25

“Doono Yeeri ne etteenaꞌo neen koyi wochemmoyich tuniyemmone. Ikke gommona hamiree boonoshina koyemmo neene; tunebaani shabaatte gommona boonoshi aafoochee woci aallemmo neene. Ebi ne toommooch shaggiton beegiree, showee toommooch beeti asheenaꞌo bulli keqqemminaꞌone.

Yibbaatoo 28:64

“Doono Yeeri showee tuggoochee tuggooch beddaahaa beeti aageteenaꞌo daggooch neen shaccemmone. Ebi aroochaa ne woyee ne qaabbechinaꞌo ariyaani, mixonaa xaqqoonoochee shuuneeti bare shahalleenaꞌoyich goyinne maddemmo neene.

Yibbaatoo 4:27

Doono Yeeri aagetee asheenaꞌo daggooch ittoshin shaccemmone; ebi bi shacciti asheenaꞌo daggooch haddoona giishechoon tune echemmo ittoshine.

1 Pheexiroosi 4:12

Ta shunechinaꞌote! Kiristoosi toommooch ittoshi mullee tooꞌiyoo iberoo bi tuno xiisheyemmi, qaaqqoommo tuneꞌi ittoshi toommooch shaggiibeeti xuuxoyich “Dallaawe mooyo no toommooch waatone” getiree keqqiyaahote.