Hiziqeeli 22:14 - Kafa Linguistics Project

¹⁴ Neen ta naxehooba kuppheree neexoon hakkenne? Ne mochoo kupphoon hakkehe? Doono Yeeri ta getteto taane; ebinoo tuniyemmo taane.

Hiziqeeli 22:14 ပူးပေါင်းရင်းမြစ်များ

Iyoobi 40:9

Ta mochoommi mochoo neech beete? Ta qaaro gigoommon, ne qaaro gigeebeete?

Isiyaasi 28:22

Beshe Mawe Nuggishoo Doono Yeeri no showoo bullin aalliiya maaccito bi tunoon ta waayetoyich, cooqqiroon qayote; ebi tuno qayigaata ittoshi cucheti cuyo manjemmone.

Isiyaasi 31:3

Gibitseenaꞌo asheenaꞌoani, nuggisheenaꞌo tooneenaꞌone; boonoshi haresheenaꞌo meenon tahetinaꞌoani, ayaaneenaꞌo tooneenaꞌone; Doono Yeeri bi mochoon bi yaggiyooba, gaacheebeeto tepheyemmone; gaachoon deqqiibeetoo dihemmone; guttiyona aallemminaꞌone.

Isiyaasi 45:9

“Biin shuunetona tookkii kaaree beetoyich woowo! Aroo nuuqqee qiicoommone; nuuqqoo biin hacheton, ‘Amooniye ne shuuneebeeto?’ Woyee ‘Neech kishoo aalloone?’ gettehe?

Erimiyaasi 13:21

Ne xibeenaꞌo boonoshi tunemmoyich xephona ne yechetinaꞌo guuddii wotteꞌi neen boonoshi hajjigaata, ama getishiye ne gettemmo? Shiyemmi maachechoommon maaxoo neen maataachehe?

Hiziqeeli 17:24

Kubbeexi mixinaꞌo bulli, genje mixinaꞌon qamichito, qamini mixinaꞌon genjiito, gaare mixon shuuꞌiito, shuuqqiti mixinaꞌonoo gaariito, Doono Yeeri ta tunoon ariyemminaꞌone. Doono Yeeri ta, ebin getteto taane; ebinoo tuniyemmo taane’ itone gete” iye.

Hiziqeeli 21:7

‘Amoyichiye ne tuummaabeeto?’ boonoshi getiyooba, ‘Waabeeti woree naboonane; ebi woroo waayeehooba mullo bulli muujjemmone; mochoo bulli taahemmone; kasho bulli niremmone; giidoo bulli aacochoommon ufemmone. Ebiyoo waa beetone; ceenonoo ceennemmone, iye Nuggishoo Doono Yeeri’ gete” iye.

Hiziqeeli 23:34

Uchemmi neene; cangemmi neene; xoofoon tiichemmi neene; ne xanonoo maaccemmi neene; Nuggishoo Doono Yeeri ta, ebin getteto taane” iye.

Hiziqeeli 24:14

“Doono Yeeri ta getteto taane; ta tuniyemmi aabo katinnitone; gubb wotteyaachemmo taane; ariqqeyaachemmo taane; axireyaachemmo taane; ne gommoommona, ne shuunoommonoo ne toommooch nallemmo taane” iye Nuggishoo Doono Yeeri.

Hiziqeeli 28:9

Neen wuxemminaꞌo aafoochaa “Ta, nuggishoo taane” gettenne? Tunebaani neen wuxemminaꞌo kishooch ne dihiyooba asho nealli nuggishoo ne tunee qayo arichemmone.

Hiziqeeli 36:36

Ittoshi guudooch echeꞌi beeti aageteenaꞌo Doono Yeeri ta, happeeti xaaꞌeenaꞌon ta shuunoon, shokkaache showeenaꞌooch becheenaꞌon wochaa ta bechoon ariyemminaꞌone; Doono Yeeri ta, ebin getteto taane; ebinoo tuniyemmo taane.

Hiziqeeli 5:13

“Ta kaaroon, ta neboonoo boonoshi toommooch kindiichi tooꞌi digaayemmo taane; ta kaaroon boonoshi toommooch ta kindiihooba Doono Yeeri ta, ta qanaatoona getteto ta tunoon ariyemminaꞌone.

Hiziqeeli 6:10

Boonoshiyoo ta, Doono Yeeri ta tunoon, ebi gonde mooyon boonoshi toommooch tuniyemmo taane ta ito duuboon tunee bi qayonoo ariyemminaꞌone, itone’ gete” iye.

Hiziqeeli 7:17

Mochoo bulli niremmone; tingo bulliyoo qewemmone.

Yoꞌeeli 2:11

Bi ginee naayinaꞌo aafoochaa, Doono Yeeri gigeebee, bi qaaroon waayiihe; bi ginee naayo mattiquttoone; ebi bi getoon ceechii beetinaꞌo giidechinaꞌone. Doono Yeerichi aabo oogeton shattii giiriitone; ebi aaboochee wodemmo konine?

Milikiyaasi 3:2

Tunebaani aroo xuuroon wociibeeti qaaqqoommo, tahoon machii xalliibeeti saamunoommo bi tunetoyich, woyemmi aaboon haaꞌiyoon hakkemmo konine? Bi bekkehoobochi neexoon hakkemmo konine?

Maariqoosi 13:31

Showoonaa shimaayoona beshemmone; tunebaani ta qaaro besheyaachemmone” iye.

1 Qorontoosi 10:22

Ebin tuniyoona Doonon Kiristoosin qanaatiibona? Nooch biyee beshe giidoo beete?

Hibireena'o 10:31

Beeyechi Yeerichi kishooch dihoo am shaahe shattiiti mooyone!

1 Saameeli 15:29

Israꞌeeleenaꞌochi oogee yiiroo tuneti Yeeri kootaache; bi gaboonoo shaddaache. Bi gaboon bi shaddemmoyich, bi asho toonoone” iye.