Hiziqeeli 22:12 - Kafa Linguistics Project

¹² Ne daggoochaa damoon ukkoyich xucco maaheete; newoo shimonaa koyitoonon deqqeti neene; ne xibeenaꞌo waanee daboona gaacoon daneti neene; taanoo batteti neene, iye Nuggishoo Doono Yeeri.

Hiziqeeli 22:12 ပူးပေါင်းရင်းမြစ်များ

Nehimi 5:1

Meeti asheenaꞌonaa boonoshi mecheenaꞌona Ayihudo tuneti, boonoshi maneenaꞌo toommooch oogichii cookiyeete.

Nehimi 5:7

Ta mulloona kichaa ta kindiitoyee gubb, ogoogeenaꞌonaa ukkireenaꞌonon “Ittoshi ikkikkoona aabichiꞌi ittoshi xibeenaꞌo waanee erettoochee shimon deqqiyote?” iyaꞌa ittibateho; ebi mooyoyich dofee asheenaꞌon ceeggaꞌa iitoon kiciyo.

Shoddo 106:21

Gibitsee showoochaa gaakkechi mooyon tuniiti, boonoshin wodiyechi Yeerin batteheete.

Shoddo 15:5

bi gijjoon koyitiyaano, xalle asheenaꞌon gondiyoyich xuccoon maataano. Ebi mooyinaꞌon tuniibeeto, ciroona keqqaanoon beeyemmone.

Shaahiyoo 1:19

Bogona gaanneya qiicceebeeti asho bullichi ciiro ebine; ebiyoo bi doonochi kashoon aalliyoone.

Isiyaasi 1:23

Ne ukkireenaꞌo hukkechinaꞌonaa gaayeenaꞌochi nuucheenaꞌonane; boonoshi bulliyoo xuccoon shunniyeete; aafee ciichiyoonoo oogichii qaawiyeete; nihaalleenaꞌoyich neexeyaacheete; xuume maacheenaꞌo mooyon waayeyaacheete.

Isiyaasi 17:10

Ebiyoo ittoshin Wodiyechi Yeerin ittoshi battetoyich, ittoshi Xaqqee Inderoon gaboo ittoshi qajjitoyichiye; ebina gaawe bechoon ittoshi bechitaa, dallaawe yaroon ittoshi shookkitaa,

Isiyaasi 56:11

Boonoshiyoo bi maataa miyani, woddelle kunaanoomminaꞌone; shalligaalli qiddeenaꞌone; boonoshi kaatti kaatta wottetinaꞌone; bulliyona boonoshi gaacoon qaawiyeete.

Erimiyaasi 2:32

Gidiidee bi shashoon, woꞌee bi tahoon battehane? Tunebaani meeti aaboon ta asho taan battetone.

Erimiyaasi 3:21

Boonoshi Nuggishoo Doono Yeerin boonoshi battetoyich, boonoshi gommon boonoshi xummiitoyich, Israꞌeeleenaꞌochi eefonaa qollee qaaroona, hulloo tuneti geppeenaꞌoochaa waayeehe.

Erimiyaasi 6:13

“Girechoochee tiijjii gaannechooch beddaahaa gijjoyich hiriggii beetinaꞌone; keemechoochee tiijjii qeeshooch beddaahaa bulliyona dawushechinaꞌone.

Erimiyaasi 9:1

Wuxeeti ta asheenaꞌoyich, xumoonaa areddoonon ta eeppemmoyich, ta qello aacon, ta aafo acimee tunoon tuneshoo geta!

Hiziqeeli 18:13

bi koyitiigaata, shimon bi deꞌigaata, iberoochaa kashoona beeyehe? Kashoona beetaachemmone. Ebi bulli ciigiiti mooyon bi tuniitoyich iberoochaa qitemmone; bi damoo bi toommooch tunemmone.

Hiziqeeli 18:8

gijjoon koyitiyoo bi qayigaata, wodde shimon deꞌo bi qayigaata, gonde shuunoon bi qayigaata, ashoonaa ashoonochi daggooch dayinnetoona bi nalligaata,

Hiziqeeli 23:35

Ebich Nuggishoo Doono Yeeri ishichiye: “Taan ne battetoyich, ne gubboon taach ne immetoyich, ne qocee gondoonaa ne yahoonoyich naxeyemmi neene” iye.

Hiziqeeli 36:12

Ta asheenaꞌo tuneti Israꞌeeleenaꞌo ittoshi toommona shaꞌemmoyich tuniyemmo taane; boonoshiyoo ittoshin hajjemminaꞌone; boonoshich iristo tunemmo ittoshine; ebiyee bekk boonoshin bushaallo tuniyaachemmo ittoshine.

Leweenaꞌo 19:13

“ ‘Neenoommi ne manoon xuqqaahine. Biin boggaahine. “ ‘Shuunoon ne shuuniiti ashi caajjee gatiyoon qocaanoon qeejjiyaahine.

Leweenaꞌo 25:37

Shimona biich gijjoon erettiyaahine. Woyee biich maayoon shimona kemmaahine.

Amootsi 8:4

Iritechinaꞌon neexxii hajjiibeeti, girechinaꞌonoo showoochee aalliiya qaawii beetinaꞌote, ebin waayebote!

Amootsi 8:6

Teepphee ooyoonona gaawe gatiyoona kemmesho noone. Girechinaꞌon boonoshi hiishoyich, ebi hiishoo caammee gatiya bedaani gijjoo bi tunetaanoona qoco boonoshi mawiitaa, boonoshin guuno tunii hajjemmo noone” iꞌi gabiyote.

Maatiyoosi 23:13

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Asho shimaajji taatittineech bi giyaachemmoyich kelloon hicciyote. Ittoshi qelloona giyaachote; giya qaawii beetinaꞌoyichoo bajjiyote.

Maatiyoosi 23:25

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Xoofoonaa shaatoonochi qeddoon machiyote; tunebaani boonoshi maacooch ittoshi shuuneti bogoonaa hiriggoona arooch ceennitone.

Luqaasi 18:11

Hini are Farisoo yaafee kexooch neexeechii ishichiꞌi bi mulloona corootiye: ‘Yeero, bare asho bullichoommon, boggecho, xumme moochechonaa shunimaayoona woyee hini gabiyee guudoommonolla tuno ta qajjetoyich, neen galletehoye.

Luqaasi 19:8

Tunebaani Zakiyoosi bulli aafooch neexeꞌi Doono Yesuusin “Ta Doonocho, taach beeto bulliichee qaton girechoyich wojjemmo taane; koninolla kootoon taggaꞌa ta deqqeto beegaata, awudde kishoon tuniiree wochemmo taane” iye.

Luqaasi 3:13

Biyoo “Ittoshich getteetoyee beshe qaraxoon ashi waanee echaayote” iye.

1 Qorontoosi 5:11

Tunebaani “Kittinnee maneenaꞌo getteetinaꞌo daggoochee ikkoo shunimaayo woyee hiriggecho woyee shahalloyich goyinnecho woyee naagecho woyee mashecho woyee boggecho bi tunegaata, biinna tookki ikkotteyaahote. Ebiyoommi ashoona tookkiree maayoonolla maayaahote” iyaꞌaniye ta koorito.

1 Qorontoosi 6:10

gaayeenaꞌo, hiriggechinaꞌo, mashechinaꞌo, naagechinaꞌo, boggechinaꞌo, eboshi daggoochee ikkolla Yeerichi taatittineen woraashaachemmone.

Yibbaatoo 16:19

Boonoshiyoo dayinnetoona nallibeete; ashi aafoon ciiniree nallaayeete. Xucco ariyechinaꞌo aafoon daayiibeeto, kaameenaꞌochi yibbaatoon xummiibeeto bi tunetoyich, xuccoon maayaayeete.

Yibbaatoo 23:19

“Gijjoon woyee maayoon woyee amee mooyonona ne manoyich ne erettiigaata shimon echeyaahine.

Yibbaatoo 27:25

“ ‘Xalle ashoon wuxoyich xuccoon maabeeto uppeton tunebe’ geteete. “Asheenaꞌo bulliyoo ‘Ameena’ geteete.

Yibbaatoo 32:18

Neen halliti ne Deeboon qajjehine; neen shiyiti ne Nuggishoon battehine.

1 Ximootiyoosi 3:3

masheyaano, damoo gufeyaano, shiimecho, hayeyaano (nabeyaano), gijjoyich dakaano,

Yihudi 1:11

Boonoshich woowo! Qayeeli tuniitoommon tuniitinaꞌone; gijjoon danoyicha iꞌi Balaami shuuneti muricooch boonoshi qelloon beshiiꞌi immitinaꞌone; Qoraahi hukkoon bi shuunoommon hukkoon shuunetinaꞌone; bi aalloommon aallemminaꞌone.