Hiziqeeli 22:11 - Kafa Linguistics Project

¹¹ Ikkikkeenaꞌo boonoshi giyoochi mecheena tookkii shunoon maaheete; bareenaꞌo boonoshi naamecheenaꞌon qeyiyeete; bareenaꞌo wotta boonoshi nihoo bushee tuneti boonoshi hajjee maneen qeyiyeete.

Hiziqeeli 22:11 ပူးပေါင်းရင်းမြစ်များ

2 Saameeli 13:1

Daawiti bushoo Abisoloomich Tamaari getteyaabeeti mallet gaawe manee beehan. Biinoo Daawiti bushoo Aminooni shunniye.

2 Saameeli 13:11

Daammaa bi waan bi giddiimmona, biin ciixee yechiꞌi, “Ta maneene, ne waataa tookki qebone” iye.

2 Saameeli 13:14

Tunebaani bi getteton waayemmon qajjiye. Biyoo areyee beshe giidecho bi tunetoyich, giidoona yechiꞌi, biin qeyiye.

Erimiyaasi 29:23

Ebiyoo Israꞌeeleenaꞌo daggooch yeexeree mooyon boonoshi tuniitoyich, boonoshi giyeenaꞌochi mecheenaꞌona tookkii boonoshi shadditoyich, boonoshich ta getaani qaaroon ta shigoona kootoon boonoshi gettitoyichiye; ebinoo ta ariibeeto taane; miixoo taane” iye Doono Yeeri.

Erimiyaasi 9:2

Boonoshi bulliyona shunimaayeenaꞌo, dawushechinaꞌochi guupho boonoshi tunetoyich, ta asheenaꞌon qayi wohi ta hammemmoyich, gommechinaꞌo kasheebeeti baraheexi xaaꞌoon, koni taach imba?

Hiziqeeli 18:11

bi nihoo ebi gondoochee ikkoonolla tuniyaano bi tunegaata, tunebaani bushoo guudi toommoochaa deejjeeton bi maagaata, ashi mecheen bi eeꞌiigaata,

Hiziqeeli 18:6

guudinaꞌo toommoochaa deejjeeton maataano bi tunegaata, Israꞌeelee macceenaꞌochi shahalleenaꞌoyich goyinno bi qayigaata, bi nuuchoochi mecheen eeꞌiyoo bi qayigaata, qechee goorooch maacheena dano bi qayigaata,

Hiziqeeli 33:26

Ittoshi goraadoon gibenehote; ciigiiti mooyon tuniihote; ittoshi ikkikkoona ittoshi nuuchoo mecheen eeꞌiihote; ebi ittoshine showoon woraashemmo?’ gete.

Leweenaꞌo 18:15

“ ‘Ne naamecheen qeyaahine. Ebi aree ne bushoo mecheene; ebich biin qeyaahine.

Leweenaꞌo 18:20

“ ‘Ashi mechee tuneti ureen qemona ne qelloon eeꞌiyaahine.

Leweenaꞌo 18:6

“ ‘Ittoshi daggoochee koniyoona bi xibeen qeya, bi xibee tuneti ashe koni waanona katinnaaye. Ta, Doono Yeeri taane.

Leweenaꞌo 18:9

“ ‘Ne maneen qeyaahine. Ne nihoochi bushee woyee ne indeechi bushee, kexooch shiijjeti woyee maachee waati bi tunetaanoona, ebin tuniyaahine.

Leweenaꞌo 20:10

“ ‘Ikke asho, ashi mecheena tookkii shunoo bi maagaata, uroonaa ureena boonoshi guttiyona qitibeete.

Leweenaꞌo 20:12

“ ‘Ikke asho, bi bushoo mecheen bi qeyigaata, boonoshi guttiyona qitibeete; shullii boonoshi itoyich, boonoshi damoyich koniyoona echeyaachemmone.

Leweenaꞌo 20:17

“ ‘Ikke asho, bi nihoochi bushee woyee bi indeechi bushee tuneti bi maneen bi shaagigaata, ebi yeelliiti mooyone. Kiceeti asheenaꞌo ciini beetaa, boonoshi asheenaꞌo daggoochee kichaa yookkebeete. Bi maneen bi qeyitoyich, bi naboyich echeyemmo koniyoona aalloone.

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.

1 Qorontoosi 6:9

Hukkechinaꞌo Yeerichi taatittineen woraashaachemminaꞌo boonoshi tunoon ariyaachote? Muriccaahote! Shunoon maa beetinaꞌo, shahalloyich goyinnee beetinaꞌo, yahechinaꞌo, anaamona tookkii shunoon maabeeti anaaminaꞌo,

Galaati 5:19

Meechi shuunoo arichetone; ebiyoo yahoo, eeꞌe shuunoo, yeelliibeeti kaayo,

Yibbaatoo 22:22

Muusi Israꞌeeleenaꞌoyich ishichiye: “Ikke asho bare ashi mecheen qeyiibee bi yechegaata, ureena tookkii shunoo maati uroonaa ureena boonoshi guttiyona qitibeete. Ebin tuniyoona, ebiyoommi gonde mooyon Israꞌeelee showoochee wokkiibe.

Yibbaatoo 27:22

“ ‘Bi nihoo woyee bi indeechi bushee tuneti bi maneen qeyiibeeto uppeton tunebe’ geteete. “Asheenaꞌo bulliyoo ‘Ameena’ geteete.

Hibireena'o 13:4

Asho bulli shaageyoon oogiibe; shunimaayeenaꞌonaa yahechinaꞌonochi toommooch Yeeri nallemmo bi tunetoyich, kenoonaa mecheena ikkoo baroyich gibeneetinaꞌo tunebeete.