Hiziqeeli 21:7 - Kafa Linguistics Project

⁷ ‘Amoyichiye ne tuummaabeeto?’ boonoshi getiyooba, ‘Waabeeti woree naboonane; ebi woroo waayeehooba mullo bulli muujjemmone; mochoo bulli taahemmone; kasho bulli niremmone; giidoo bulli aacochoommon ufemmone. Ebiyoo waa beetone; ceenonoo ceennemmone, iye Nuggishoo Doono Yeeri’ gete” iye.

Hiziqeeli 21:7 ပူးပေါင်းရင်းမြစ်များ

2 Saameeli 17:10

Ne nihoo giidechi koyecho, wotta biinna tookkii beetinaꞌo ginee anaaminaꞌo boonoshi tunoon Israꞌeeleenaꞌo bulli boonoshi arii beetoyich, ginee anaamo tuneti, daaheree mulloommi mullechi shataani asheenaꞌona keqqoona boonoshi mullo muujjemmone.

2 Taateenaꞌo 21:12

Ebich Israꞌeelee Nuggishoo Doono Yeeri ishichiye: Waayemmo bullin keqqichemmi gonde mooyon Yerusaaleminaa Yihudee showoonooch deebemmo taane.

Shoddo 58:7

Woce aaco beshoommon beshe aallebeete; maꞌoon boonoshi geechimmona boonoshi shango duce.

Keyo 15:15

Edoomee iraasheenaꞌo keqqoona qititinaꞌone; Moꞌabee ukkireenaꞌo qewetinaꞌone; Kanaanee asheenaꞌo keqqoona muujjitinaꞌone.

Isiyaasi 13:7

Ebich mochoo bulli niremmone; asho bullichi mullo muujjemmone.

Isiyaasi 28:19

bi waammi haddoona ittoshin daammemmone; maaddi maaddoona, areddoonaa xumoonon beshemmone; ebi wochoon ariyoo bi deebemmo oogeti keqqooniye.

Isiyaasi 35:3

Taahiti mocheenaꞌon kupphiibote; qeweti guteneenaꞌon manjiibote.

Isiyaasi 7:2

Daawitichi yareenaꞌoyich, “Sooriyeenaꞌonaa Efreemichi yareenaꞌona guuphitinaꞌone” getaa getteehe. Ebich Akaazinaa bi asheenaꞌonochi mullo keqqoona, yongo shuurikkiibeeti kubbi mixon shaahiye.

Erimiyaasi 26:12

Erimiyaasiyoo ukkireenaꞌonaa asho bullinoyich “Ebi ittoshi waayeti qaaro bullin, hini Yeerichi yaafee kexonaa hini katemoonooch ta keemmemmoyich Doono Yeeri taan wochetone.

Erimiyaasi 49:23

“Damaasiqi katemeechon gonde mooyon boonoshi waayetoyich, Hamaatinaa Arifaadina geewitinaꞌone; keqqoonoo ciiretinaꞌone; shiwureebeeti baharoochoommon waagwaagiyemminaꞌone.

Erimiyaasi 50:43

Baabloonee taatoo boonoshi woroon waayetone; bi mochoo niretone; maaxoo maacheen mamoommon xuuxo biin yechitone.

Erimiyaasi 8:18

Ta ayinoo ta haaꞌiyoyee damboone; ta mulloo ta maacaa niretone;

Shoosho 5:17

No mullo biiyetone; no aafo doojjitone.

Hiziqeeli 20:49

Tawoo “Nuggishoo Doono Yeero, asheenaꞌo ‘Ebi uro cikkii nooch turiteeniye bi beeto’ ii ta mooyon yibbaatee beetinaꞌone” iyo.

Hiziqeeli 21:15

Boonoshi mullo muujjemmoyich, meetinaꞌo tepheyemmoyich, phaqqiibeeti goraadoon boonoshi kello bulliich geddemmo taane; bi waccemmoyich yoppheetone; wuxoyich gayireetone.

Hiziqeeli 21:6

“Ebich ashi bushoocho, tuumbe; tiisheti mulloona wottoo caammeyoona boonoshi aafoochaa tuumbe.

Hiziqeeli 21:8

Doono Yeeri taach ishichiye:

Hiziqeeli 22:14

Neen ta naxehooba kuppheree neexoon hakkenne? Ne mochoo kupphoon hakkehe? Doono Yeeri ta getteto taane; ebinoo tuniyemmo taane.

Hiziqeeli 24:19

Asheenaꞌoo “Ebi ne tuniibeeto ama geto gaata nooch getaachemmo neene?” iyeete.

Hiziqeeli 6:2

“Ashi bushoocho, ne aafoon Israꞌeelee guudinaꞌo waan wochi ciine. Boonoshi toommoochoo keemoon keembe.

Hiziqeeli 7:17

Mochoo bulli niremmone; tingo bulliyoo qewemmone.

Hiziqeeli 7:26

Naxee toommooch naxo woyemmone; woree hilloochoo woroo woyemmone; keemechinaꞌo waanee yaaꞌoon qaawemminaꞌone; tunebaani sheeroo qeesheenaꞌo waanee, ciico geeneenaꞌo waanee aallemmone.

Daaneeli 5:6

Biyoo oogeton keqqiye; bi halloo shaddeehe; bi baatoo qajjiye; bi tingoo qewehe.

Leweenaꞌo 26:36

“ ‘Ittoshi daggoochee kashoona echetinaꞌo boonoshi etteenaꞌo showooch boonoshi beetaa, boonoshin keqqichemmo taane. Yongo shuurikkiibeeti michi waamona boonoshin betiyemmone; ginoochee muricciꞌi woccii beetochoommon, woci aallemminaꞌone; boonoshin yookkito aalloon dihemminaꞌone.

Naahoomi 2:10

Nanawi katemoo duppetoche; duubetoche; aalletoche! Mullo muujjitone; tingoo qewetone; giidoo qajjitone; halloo shaddeetone.

Luqaasi 21:26

Shimaajji giideenaꞌo shuuritoyich, showoo bulli toommooch kindemmi mooyon quyebee ashi kashoo keqqoona muujjemmone.

Yibbaatoo 20:8

Iraasheenaꞌo daakki asheenaꞌoyich ishichibeete: ‘Shattii, bi mullo keqqiibeeti asho beete? Bi beegaata, bi kexooch wottebe. Ebi tuno qayigaata, biichoommon bi maneenaꞌo mullo keqqemmone’ geteete.

Hibireena'o 12:12

Ebich taahiti ittoshi kishoon, qeweebeeti ittoshi tingoonoo kupphiibote.

Yaasi 5:1

Ebiyooba Yoordaanoosi aachee beqach, aabi-gimo waan beeti Amooree taateenaꞌonaa baharee gashoona beeti Kanaanee taateenaꞌona bulloshi Israꞌeeleenaꞌo kimmimmi wottoon, Doono Yeeri Yoordaanoosi aacon boonoshich bi shuuꞌiyoon waayeheete. Ebi Israꞌeeleenaꞌochi naboona boonoshi mullo keqqoona goojjii muujjiye.

Yaasi 7:5

Aayi asheenaꞌo Israꞌeeleenaꞌon katemee uxeree kelloochee tiijjiꞌi, Shebariim beddaahaa beeti dugilloon yookkiyeete. Boonoshiyoo yookkiibee dugilloochaa shaashaa shiritta bede asheenaꞌon wuxiyeete. Ebiichee tiyitona Israꞌeeleenaꞌo mullo keqqoona goojjii muujjiye.

1 Pheexiroosi 4:7

And illa bulli moochi ciiro katinnitone. Ebich corootoon ittoshi hakkemmoyich ittoshi qelloon quyoona qaalliree beebote.