Hiziqeeli 21:29 - Kafa Linguistics Project

²⁹ “ ‘Neech boonoshi beeggiti koote yaaꞌoo, neech getteeti kaayoo bi beetaanona, boonoshi xoofoo ceenniti, boonoshi aabo shaggiti, yaafeyaani gonde asheenaꞌochi qettooch ebi goraado tunemmone.

Hiziqeeli 21:29 ပူးပေါင်းရင်းမြစ်များ

Iyoobi 18:20

Bi toommooch shaggiti mooyona aabi-gimooch beeti asheenaꞌo worganemminaꞌone; aabi-keyo waan beetinaꞌoo keqqemminaꞌone.

Shoddo 37:13

Gondeenaꞌochi aallee aabo katinon bi arii beetoyich, Doono Yeeri boonoshi toommooch miicciye.

Isiyaasi 44:25

Koote keemechinaꞌochi keemoon, qaaxechinaꞌochi qaaxoonoo, duubo tuniyemmo taane; yiiteenaꞌochi ariyoon guuppemmo taane; boonoshi ariyoon tuushittino tuniyemmo taane;

Isiyaasi 47:13

Meeti ciicoon waayoona nireti neene; agenee keyi baarooba xojjenoon ciinnii beetinaꞌo, xojjenee hiddechinaꞌo, ne toommooch tunemmon geteete; eke tiyiree neen wodiibeete.

Erimiyaasi 27:9

Ebich “Baabloonee taatoyich hajjeyaachemmo ittoshine” ii beeti ittoshi keemechinaꞌon, kaayechinaꞌon, gumon maaccechinaꞌon, qaaxechinaꞌonaa mareccee maaccechinaꞌonon waayeyaahote.

Erimiyaasi 6:7

Oppo aacon bi xuuphiyoommon gondoon xuuphiihane; xuꞌoonaa aallee cookoona bi waanee waayeehe; biiyoonaa mayona bulli aabooch ta aafoochiye.

Shoosho 2:14

Ittoshi keemechinaꞌochi yaaꞌoo kootoonaa maroonane; boonoshiyoo, ittoshi kecoon wochoyich, ittoshi xuꞌoon gaxxii beekkiyaaneenaꞌone; tunebaani muricoonaa kootoona tuneti yaaꞌoon, ittoshich beeggiyeete.

Hiziqeeli 12:24

Ebiyoo, ebiyee bekk Israꞌeelee asheenaꞌo daggooch koote yaaꞌoo woyee muriciyechi qaaxo daneyaachemmo bi tunetoyichiye.

Hiziqeeli 13:10

“ ‘Ebi keemechinaꞌo diggoo aalloon diggoone iibee ta asheenaꞌon muriciiheete; ta asheenaꞌo xaqqoon kecimmona boonoshi arooch booroon dikkeheete;

Hiziqeeli 13:23

Ebiyee bekk koote yaaꞌoon beegaachemmo ittoshine; qaaxoonoo qaaxeyaachemmo ittoshine; ta asheenaꞌon ittoshi kishoochee wodiyemmo taane; ebiyooba Doono Yeeri ta tunoon ariyemmo ittoshine, itone’ gete” iye.

Hiziqeeli 13:6

Boonoshi yaaꞌoo kootoone; boonoshi qaaxo kootoone; Doono Yeeri boonoshin wocheyaanoon “Doono Yeeri ishichiye” iyeete; aroochee boonoshi keemmito ceennemmoyich quyeheete.

Hiziqeeli 21:25

“Ne aabo shaggiti, naxeeree ne aallemmi aabo shaggiti, hini yaafeyaani gonde Israꞌeelee iraashoocho,

Hiziqeeli 22:28

Bi keemechinaꞌo dufooch booroon huutoommon huuttiibee eboshichi axaaxoon qeriyeete. Koote yaaꞌoon beeggiyeete; kootoon boonoshich kaayiyeete; Doono Yeeri ta boonoshich getaanoon ‘Ebi Nuggishoo Doono Yeerichi qaaroone’ iyeete.

Hiziqeeli 35:5

“ ‘Ebiyoo wonnee tiijjiꞌi etto ittoshi tunetoyich, Israꞌeelee macceenaꞌon boonoshi xuuxee aabooba, ciireexi boonoshi sheeree aabooboo goraadoyich beshiiꞌi ittoshi immitoyichiye.

Hosee'i 7:2

Tunebaani boonoshi gonde shuunoon shalligemmo ta tunoon gabaaneenaꞌone. Boonoshi axaaxoo boonoshin giichitone. Boonoshi shuunoo ta aafoochee aacheeto toonoone” iye.