Hiziqeeli 21:22 - Kafa Linguistics Project

²² Uxeroon happemmi qiicoon bi qanniyemmoyich, bi cerbeddemmoyich, oogichiree bi kokkoremmoyich, uxeroon happemmi qiicoon kellee toommooch bi geddemmoyich, showoon bi gutemmoyich, mishigoon bi shuunemmoyich, bi qanne kishoochoo Yerusaalemichi ixoo waahe.

Hiziqeeli 21:22 ပူးပေါင်းရင်းမြစ်များ

2 Taateenaꞌo 25:1

Sedeqiyaasi taateti yiixiyinnee natooba, aashirinnee agenee aashirinnee qemooba, Baabloonee taatoo Nabukadinatsori bi ginee naayo bullina tookkii waaꞌi, Yerusaalemin kocha giichiye. Bi ginee naayinaꞌoo katemee guudoona showoon gutiyeete.

Iyoobi 39:25

Tiroo hukkegaata ‘Usha’ iye; wohooch beechii gino beemon shiiqqee ariihe; ginee iraashoo cookoona bi ginee naayinaꞌoyich bi gettii beeton ariihe.

Erimiyaasi 32:24

“Ebiyoche showoo guteetone; katemoon yeshoyich katemooch katinnitinaꞌone; goraado, shaacoonaa biiyoonoochee tiyitona katemoo biin kochiibeeti Baabloonee asheenaꞌo kishooch ichetone; ne beeggaa beetoommon ne getteto ceennitone.

Erimiyaasi 33:4

Goraadoona kocha showoon gutiti ettoon wochoyich happeeti hini katemee kexinaꞌochonaa Yihudee taatee kexinaꞌochonon Israꞌeelee Nuggishoo Doono Yeeri ishichiye:

Erimiyaasi 4:16

“Etto wohi showoochee Yihudee katemeenaꞌo toommooch cookeebee waabeeto bi tunoon aageteenaꞌoyich arichiibote; Yerusaalemichoo getote.

Erimiyaasi 51:14

Neen boonoshi kochemmoyich, meeti gechoommi asheenaꞌon deebemmo taane; boonoshiyoo ne toommooch wudee danee cookoon cookemminaꞌone” iꞌi, Beshe Mawe Doono Yeeri bi shigoona wogetone.

Erimiyaasi 52:4

Sedeqiyaasi taateti yiixiyinnee natooba, aashirinnee agenee aashirinnee qemooba, Baabloonee taatoo Nabukadinatsori bi ginee naayo bullina tookkii waaꞌi, Yerusaalemin kocha giichiye. Bi ginee naayinaꞌoo katemee guudoona showoon gutiyeete.

Hiziqeeli 26:8

Inde showooch beeti ne asheenaꞌon goraadoona wuxemmone; neen kocha ne guudoona giichemmone; ne uxeree cillooch beddaahaa showoon gutemmone; gaachoon ne toommooch tiijjemmone.

Hiziqeeli 26:9

Uxeroon happemmi qiicoona ne uxereenaꞌon happemmone; bi qiicoona ne dilaaloon happemmone.

Hiziqeeli 4:2

Ebi xuuboon, katemoon giishoommon guudi giishe; mishigoon shuunebe; showoonoo gutibe; kaambeenaꞌon shuunebe; uxeroon happemmi qiicoonoo bi guudoona kotiibe.

Hiziqeeli 5:12

Ittoshiichee keejj beereexi ikkoo ittoshi daggoochaa biiyoona, shaacoonoo ciiremmone; wotta keejj beereexi ikkoo katemoyee maachaa goraadoona dihemmone; bare keejj beereexi ikkoon yongo bulliich shaccemmo taane; goraadoonoo yookkemmo taane.

Hiziqeeli 5:13

“Ta kaaroon, ta neboonoo boonoshi toommooch kindiichi tooꞌi digaayemmo taane; ta kaaroon boonoshi toommooch ta kindiihooba Doono Yeeri ta, ta qanaatoona getteto ta tunoon ariyemminaꞌone.

Amootsi 1:14

Ebich Raabi katemee xaqqee uxerooch qaaqqoon geddemmo taane; bi taatee kexinaꞌonoo michi aalliyemmone. Aroochee koyooba cookoonaa dulloona woddemmone; koyoo yubee yongo afaafinoommon afaafinemmone.

Yaasi 6:10

Yaasiyoo ginee naayinaꞌoyich, “Bunnebote; ta immi wottoon, bunneyaahote; qaareyaahote; ittoshi noonoochee ikke qaarolla kechaaye. Ittoshi bunnemmo, bunnebote, ta getigaatane” iye.

Yaasi 6:20

Ebich tiroo hukkemmona, ginee naayinaꞌo ebi are tiree qaaroon waayeꞌi, oogeti qaaroona bunneheete. Bekkech katemee xaqqee uxeroo gugummii dihiye. Ginee naayinaꞌo bulli boonoshi ikkikkoona kechiꞌi boonoshi neexetoochaa maac yixii giyiyeete. Katemoo boonoshi kishooch tunehe.

1 Saameeli 17:20

Daawiti bi dechara maaddoona tiyiꞌi, bageenaꞌon bare ashoona quyiichii, Iseyi gettitoommon, maayoon yechiꞌi hammiye. Biyoo ginee naayinaꞌo kokkorii cookiibee, yaaroona koyooch boonoshi kechaahaa, boonoshi kaambooch shaggiye.