Hiziqeeli 21:11 - Kafa Linguistics Project

¹¹ Goraado yoppheeꞌi qannitone; gayiree yoppheeꞌi guurechochi kishooch giya qannitone.

Hiziqeeli 21:11 ပူးပေါင်းရင်းမြစ်များ

Asteeri 4:1

Mordokiyoosi ebi tuneti mooyo bullin bi waayehooba, bi tahoon keexxiye; dookoon tahee tulloon bi toommooch shakkii, bi qaaroon oogichiꞌi eeppii ayiniibee, katemee daggooch hammiye.

Isiyaasi 22:4

Ebich tawoo, “Ittoshi qayaa tiitteree eefona; taan goggiiya qiicceyaahote; qititi ta asheenaꞌoyich eefona” iyoye.

Erimiyaasi 25:33

Ebiyooba Doono Yeeri wuxitinaꞌo showee tuggoochee showee tuggooch beddaahaa yacheyemminaꞌone. Boonoshich eeppeyaachemmone; ikkooch kiceyaachemminaꞌone; dukkeyaachemminaꞌone; showee toommooch guudoochoommon qixeyemminaꞌone.

Erimiyaasi 25:9

dambi-waan beeti yoodo bullinaa ta guuno biyoo Baabloonee taatoo Nabukadinatsorinon deejjemmo taane; hini showoonaa arooch beetinaꞌonon, bi guudoona beeti asho bullin boonoshi kochemmoyich deebemmo taane; ciroona boonoshin aalliyemmo taane; wuche boonoshi getteyemmoyich, boonoshi toommooch bi shokkeyemmoyich, bulli aaboochoo boonoshi aallemmonoyich tuniyemmo taane.

Hiziqeeli 21:10

Guuroyich gayireetone; xeeyoochoommon waccoyichoo yoppheetone. Aabichiree emirehone? Ebi goraado ta bushoo taatee gumboon bare mixinaꞌochoommon qallayitone.

Hiziqeeli 21:12

Ashi bushoocho, ebi mooyo ta asheenaꞌochi toommooch, Israꞌeelee iraasheenaꞌo bulli toommooch, bi waatoyich cookibe; woowo, gete. Eboshi ta asheenaꞌona tookkii beshiitaa goraadoyich ichetinaꞌone; ebich ne getoon qice.

Hiziqeeli 21:19

“Ashi bushoocho, Baabloonee taatoochi goraado woyemmoyich gutte gommooch malletoon gede; ebi gomminaꞌo ikke showoochee tiyemminaꞌone; gutte kaattoochaa katemooch daammii beetooch malletoon gede.