Hiziqeeli 20:8 - Kafa Linguistics Project

⁸ “ ‘Tunebaani boonoshi taachon waayemmon qajjiichii ta toommooch hukkoon tiijjiyeete. Boonoshi bulliyona oogichii boonoshi shunniibeeti ciigiiti mooyon wokkiyaaneenaꞌone; Gibitsee showeexi shahalleenaꞌonoo qayaaneenaꞌone. Tawoo Gibitsee showooch boonoshi beetaa ta kaaroon kindiiya, ta neboonoo deejjiya gabito taane.

Hiziqeeli 20:8 ပူးပေါင်းရင်းမြစ်များ

Nehimi 9:26

“Tunebaani neech deꞌa getaaneenaꞌone; ne toommoochoo tiyiyeete; ne sheeroonoo gubb duppiyeete; ne waan boonoshi wottemmoyich boonoshich kupphii gettiti keemechinaꞌon wuxiyeete; oogichiꞌinoo neen hoxeheete.

Shoddo 106:23

Boonoshin aalliyoochee bi kaaro wottemmoyich, bi kaacciti Muusi bi aafooch bi neexeyaan gaata, boonoshin aalliyesho bi tunoon gettiye.

Shoddo 69:24

Ne kaaree shiixxoon boonoshi toommooch kindiibe; kupphe ne kaaro boonoshi toommooch shage.

Shoddo 78:17

Tunebaani boonoshi axaaxoon daakkii shuunoona beshoon biin xuqqiyeete; barahoochaa Beshoo Yeeri toommooch hukkoon tiijjiyeete.

Shoddo 78:8

Boonoshi qaabbechinaꞌochi shiijjeroochoommon, babbereenaꞌo, hukkechinaꞌo, kaameyaani mullechinaꞌo, Yeerichoo gibeneyaani ayaanechinaꞌo, tuneyaachemminaꞌone.

Shoddo 81:12

Ebich babbere boonoshi mulloona boonoshi hammemmoyich, boonoshi gaba boonoshi heechemmoyich, qixehoye.

Keyo 32:1

Muusi wotteyaanoon, guudi toommooch bi yagoon boonoshi beeggiyooba, asheenaꞌo Haroon waan giddeꞌi ishichiyeete: “Tiyiree, no aafooch shiichi noon yaabemmi nuggisheenaꞌon nooch shuunebe. Gibitsee noon kichiti, are uro Muusi aabichii bi ito gaata ariyaano noone” iyeete.

Isiyaasi 63:10

Tunebaani boonoshi bi toommooch hukkoon shuuneꞌi bi Yaafe Ayaanoon ayinikkiyeete; ebich wotteꞌi boonoshich ettoon tunehe; bi qelloona bi, boonoshin kochiye.

Erimiyaasi 11:8

tunebaani babberee, boonoshi gonde gaboona hammiyeetani taach deꞌa getaaneenaꞌone; boonoshi waamon ta waan gaꞌiyaaneenaꞌone; wogoon boonoshi quyemmoyich ta getteti getoon waayoon boonoshi qajjitoyich, ebi wogeexi naxoon boonoshi toommooch deebehoye’ itone gete” iye.

Erimiyaasi 32:23

boonoshiyoo giyiꞌi woraashiyeete. Tunebaani ne qaaroon waayeyaaneenaꞌone; ne sheeroona hamaaneenaꞌone; boonoshi tuniyemmoyich ne getteto bulliichee amoonolla tuniyaaneenaꞌone. Ebich ebi shaahe gonde mooyon boonoshi toommooch deebehine.

Erimiyaasi 7:24

Tunebaani boonoshi mullee gonde gaboonaa babberittinoona hammiyeete; aaf tuneyaanoon gubb hammiyeetani waayeyaaneenaꞌone; boonoshi waamon ta waan gaꞌiyaaneenaꞌone.

Hiziqeeli 20:13

“ ‘Tunebaani Israꞌeelee macceenaꞌo barahoochaa ta toommooch tiyiyeete; asho bi ceechigaata kashoona bi beeyemmi ta qociyoona beemon qajjiyeete; ta getoonoo hamaaneenaꞌone; ta shambetoonoo ciroona eeꞌiiheete. Ebiyooba boonoshin aalliyoyich, ta kaaroon barahoochaa boonoshi toommooch kindiiya gabiyoye.

Hiziqeeli 20:16

Ebiyoo boonoshi mullo shahalleenaꞌo waan bi wottetoyich, ta getoon boonoshi shaaddetoyich, ta qociyoona beemo boonoshi qajjitoyich, ta shambetoonoo boonoshi eeꞌitoyichiye.

Hiziqeeli 20:21

“ ‘Tunebaani boonoshi bushiisheenaꞌo ta toommooch tiyiyeete; asho bi ceechigaata kashoona bi beeyemmi ta qociyoona hamaaneenaꞌone; ta geteenaꞌonoo quyeyaaneenaꞌone; ta shambetoonoo eeꞌiiheete; ebiyooba barahoochaa ta neboon boonoshi toommooch kindiiya, ta kaaroonoo boonoshi toommooch ceechiya gabiyoye.

Hiziqeeli 20:7

Tawoo boonoshich “Ittoshi ikkikkoona oogichii ittoshi shunniibeeti ciigiiti mooyinaꞌon ittoshi waanee wokkiibote; Gibitsee showeexi shahalleenaꞌona eeꞌeyaahote; ta ittoshi Nuggishoo Doono Yeeri taane” iyoye.

Hiziqeeli 22:22

Birewoo xuuroo wocciibeeti qiicoochaa bi wocoommon ittoshiyoo aroochaa woccemmo ittoshine; Doono Yeeri tawoo ta neboon ittoshi toommooch woniito ta tunoon ariyemmo ittoshine” iye.

Hiziqeeli 23:3

Boonoshiyoo batt busheebee Gibitsee showooch beechii yahiyeete; aroochaa boonoshi xano huusheehe; aroochaa boonoshi gidiidoo aallehe.

Hiziqeeli 5:13

“Ta kaaroon, ta neboonoo boonoshi toommooch kindiichi tooꞌi digaayemmo taane; ta kaaroon boonoshi toommooch ta kindiihooba Doono Yeeri ta, ta qanaatoona getteto ta tunoon ariyemminaꞌone.

Hiziqeeli 7:8

And kaateree ta neboon ne toommooch woniyemmo taane; ta kaaroon ne toommooch kindiyemmo taane; ne gommoommona ne toommooch nallemmo taane; ciigiiti ne mooyo bullich neen naxemmo taane.

Hosee'i 9:10

Doono Yeeri ishichiye: “Israꞌeeleenaꞌon ta dano, barahoochee woyinee aafoon danoommone. Ittoshi qaabbechinaꞌon ta beego, qaabbe balaasee aafoon beegoommone. Tunebaani Baꞌaal Feꞌoori boonoshi waahooba yeelliiti shahalleenaꞌoyich boonoshi qelloon beshiiꞌi immiyeete. Boonoshi shunniti shahalloochoommon ciigiitinaꞌo tuneheete.

Leweenaꞌo 18:3

Ittoshi beebee echeti Gibitsee asheenaꞌo tunii beetoommi mooyon tuniyaahote. Wotta and ittoshin ta giijjiya ii beeti Kanaanee asheenaꞌo tunii beetoommi mooyon tuniyaahote. Boonoshi qocoonoo dabbiyaahote.

Yibbaatoo 9:24

Ittoshin ta ariiti aaboochee tiijjiꞌi and beddaahaa, wochii wochiꞌi Doono Yeeri toommooch hukkoon tiijjito ittoshine.

Yibbaatoo 9:7

Muusiyoo daakkiꞌi ishichiye: “Barahoochaa ne Nuggishoo Doono Yeeri shine bi kaaremmoyich am shaahoon ne tuniito gaata shalligibe. Ebin batteyaahine. Gibitsee kechaꞌa hiniich ne shaggemmi wottoon, Doono Yeeri toommooch hukkoon tiijjito neene.