Hiziqeeli 20:6 - Kafa Linguistics Project

⁶ Ebiyooba Gibitsee boonoshin kichiree, boonoshich ta qanniiti ejjoonaa eeyona xuupphiibeeti showooch, showoo bulliyee beshe gaawe showooch boonoshin deeboyich wogehoye.

Hiziqeeli 20:6 ပူးပေါင်းရင်းမြစ်များ

Nehimi 9:12

Boonoshi hammiibeeti gommo bekkemmoyich, ne asheenaꞌon areddoon giimboommi quboona, xumoonoo giimboommi qaaqqoona yaabihine.

Nehimi 9:9

“Gibits boonoshi beehooba no qaabbechinaꞌochi xuuxoon beeggehine; Ceelle baharoochaa boonoshi cookoon waayehine.

Shoddo 106:24

Aroochee shucheti showoon hoxeheete; gibenikkeeti bi qaaroon gibeneyaaneenaꞌone.

Shoddo 47:5

Yeeri ililoona, Doono Yeeri shametee qaaroona, damba kechiye.

Shoddo 48:2

Showoo bullin emirikkiibeeto, dambi-waanee wokkiꞌi beeto, kaama qaalliꞌi wacwacciibeeti Tsiyooni guudo Ooge Taatoochi katemoone.

Keyo 13:5

Doono Yeeri neech imma, ne qaabbechinaꞌoyich wogeꞌi bi gibenikkiti, ejjoonaa eeyona xuupphiibeeti showoo, ebiyoo Kanaaneenaꞌocho, Hiteenaꞌocho, Amooreenaꞌocho, Hiweenaꞌochonaa Yebuseenaꞌochona tuneti showooch, neen bi giijjiyooba, ebi baaroon, hini Abiibi agenooch nati natona baaribe.

Keyo 3:17

Ebich Gibitsaa ittoshi beeggiibeeti xuuxoochee ittoshin kichiree, Kanaaneenaꞌocho, Hiteenaꞌocho, Amooreenaꞌocho, Ferizeenaꞌocho, Hiweenaꞌochonaa Yebuseenaꞌochona tuneti, ejjoonaa eeyonon xuupphiibeeti showooch ittoshin giijjemmo taane” itone’ gete.

Keyo 3:8

Ebich Gibitseenaꞌo kishoochee boonoshin kichoyich, Gibitseenoo boonoshin kichiree ejjoonaa eeyona xuupphiibeeti gaminoonaa qeemona tuneti, Kanaaneenaꞌocho, Hiteenaꞌocho, Amooreenaꞌocho, Ferizeenaꞌocho, Hiweenaꞌochonaa Yebuseenaꞌochona tuneti showooch daamoyich kindito taane.

Keyo 33:3

Ejjoonaa eeyona xuupphiibeeti showooch hambote. Tunebaani babberoo ittoshi tunetoyich, gommoochaa ittoshin ta aalliyaachemmoyich, ittoshina tookki hamaachemmo taane” iye.

Keyo 6:8

Abrahamich, Yisaaqinaa Yaaqobinoyich imma ta wogeti showooch ittoshin giijjemmo taane; ittoshi hajjoon tuniiree ittoshich immemmo taane. Ta, Doono Yeeri taane’ itone gete” iye.

Erimiyaasi 11:5

Ebi tunegaata, ejjoonaa eeyonon xuupphiibeeti showoon, ebiyoo and boonoshi beeti showoon, imoyich boonoshi qaabbechinaꞌoyich ta wogeti wogoon quyemmo taane’ itone gete” iye. Tawoo, “Doono Yeero, ameena” iyo.

Erimiyaasi 3:19

Israꞌeele, ta neen ta busha haddiya, gaawe showoon neech imma, showoo bulliyee beshe qeemi showoon neech woraashiya, qaawiyoye. Wotta “Ta Nihoocho, geti ceeggemmi neene; taan dabboocheenoo wotteyaachemmi neene” iyaꞌanoo, gabiyoye.

Erimiyaasi 32:22

boonoshich imoyich boonoshi qaabbechinaꞌoyich wogoon ne giyeti, ejjoonaa eeyonon xuupphiibeeti hini showoon boonoshich immehine;

Hiziqeeli 20:15

Boonoshich imma ta gibenikkiti ejjoonaa eeyona xuupphiibeeti showooch, showoo bulliyee beshe gaawe showooch boonoshin giijjaachemmo ta tunoon barahoochaa boonoshich wogeho.

Hiziqeeli 20:23

Andoo aageteenaꞌo daggooch, showeenaꞌoochoo boonoshin shaccemmo ta tunoon barahoochaa boonoshich wogehoye.

Hiziqeeli 20:42

Ittoshi qaabbechinaꞌoyich imoyich wogoon ta giyeti Israꞌeelee showooch ittoshin wochaa ta deebiyooba, Doono Yeeri ta tunoon ariyemmo ittoshine.

Hiziqeeli 20:5

Boonoshichoo Nuggishoo Doono Yeeri ishichiye gete: ‘Israꞌeelin ta kaaccehooba, Yaaqobi yareenaꞌoyich ta wogehooba, Gibitsee showoochaa boonoshich taan ta arichiihooba, “Ta, ittoshi Nuggishoo Doono Yeeri taane” iyaꞌa boonoshich wogeto taane.

Hiziqeeli 47:14

Ebi showoon tachiree qoodeebote; ittoshi qaabbechinaꞌoyich imma ta wogetoyich, ebi showoo ittoshich iristoon tunemmone.

Daaneeli 11:16

Sooriyee taatoo boonoshi toommooch bi shunnimmon shuunemmone. Bi aafooch hakkiree neexemmo koniyoona aalloone. Gaawe Shoween yechemmone; are showoo bullin aalliyoyich giidoon danemmone.

Daaneeli 11:41

Gaawe Showeech giyemmone; meeti showeenaꞌo bi kishooch dihemminaꞌone. Tunebaani Edoomee showoo, Moꞌabee showoonaa echeti Amoonee showoona bi kishoochee muriccemminaꞌone.

Daaneeli 8:9

Ebi awudde qareenaꞌo daggoochee ikkoo toommooch ikke giisheche qaro kechiye. Bi giidoo deshi-waan, aabi-keyo waan, Gaawe Showoo waanoo gaminniye.

Leweenaꞌo 20:24

Tunebaani ta ittoshich “Boonoshi showoon woraashemmo ittoshine. Ebi ejjoonaa eeyona xuupphiibeeti showoon ittoshi hajjoo tuniiree ittoshich immemmo taane” iyoye. Aageteenaꞌo waanee ittoshin bariiti, ittoshi Nuggishoo Doono Yeeri taane.

Zakaariyaasi 7:14

Boonoshi ariyaani aageteenaꞌo bulli daggooch yubee yongoona boonoshin shaccehoye. Showoo ashaalli shokkoon tunehe. Koniyoona arooch okk hach shaꞌemmo aallehe; ebina gaawe showoon shokko echiiheete” iye.

Haddoo 13:27

Muusichoo “Noon ne daachiiti showooch hammeto noone; aroo ejjoonaa eeyona xuupphiibeeti showoone. Bi immiibeeti aafo ebine.

Haddoo 14:8

Doono Yeeri noonna bi emirigaata, ejjoonaa eeyona xuupphiibeeti ebi showooch noon giijjemmone; aroonoo nooch immemmone.

Yibbaatoo 11:9

Boonoshinaa boonoshi shiijjereenaꞌonoyich imma Doono Yeeri ittoshi qaabbechinaꞌoyich wogeꞌi bi gibenikkiti, ejjoonaa eeyona xuupphiibeeti showooch meeti yemeenoon kotemmo ittoshine.

Yibbaatoo 26:15

Yaafoo tuneti ne kote xaaꞌoochaa, shimaayoochaa ciine. Ne asheenaꞌo tuneti Israꞌeeleenaꞌon diiribe; no qaabbechinaꞌoyich wogaꞌa ne gibenikkitoommon nooch ne immeti hini ejjoonaa eeyona xuupphiibeeti showoonoo diiribe’ gete” iye.

Yibbaatoo 26:9

hini xaaꞌoochoo noon deebiye; ejjoonaa eeyona xuupphiibeeti hini showoonoo nooch immiye.

Yibbaatoo 27:3

Ne qaabbechinaꞌochi Nuggishoo Doono Yeeri neech bi gibenikkitoommon, ejjoonaa eeyona xuupphiibeeti, ne Nuggishoo Doono Yeeri neech immiibeeti showooch gimoyich Yoordaanoosin ne kimiyooba, ebi sheeree qaaro bullin arooch kooribe.

Yibbaatoo 3:25

Yoordaanoosin kimiree, gaawe showoon, geppechi gaawe showoonaa Libanoosi guudonon ta beeggemmoyich neen qollehoye’ iyo.

Yibbaatoo 31:20

Boonoshi qaabbechinaꞌoyich imma ta wogeti, ejjoonaa eeyona xuupphiibeeti showooch boonoshin ta deebetoyee gubb, maa michiꞌi boonoshi aangitoyee gubb, taan qayi, taanna tookkii boonoshi giyiti wogoon biishiree, bare nuggisheenaꞌo waan wottemminaꞌone.

Yibbaatoo 32:40

Beeyechi Nuggishoo Yeeri ta tunoona, ta kishoon tiijjaa wogehoye.

Yibbaatoo 32:8

Beshoo Yeeri aageteenaꞌoyich iristoon bi imiyooba, ashi yaroonoo bi barbariihooba, Israꞌeelee bushiisheenaꞌo haddi haddoommona macceenaꞌoyich daaroon geddiye.

Yibbaatoo 6:3

Ebich Israꞌeeleenaꞌote, ebi ta getoon elle waayebote. Quyeshoo getote. Ebin ittoshi tuniigaata, mooyo ittoshich kaamemmone; ittoshi qaabbechinaꞌochi Nuggishoo Doono Yeeri gibenikkitoommon, ejjoonaa eeyona xuupphiibeeti showoochaa oogichi meettemmo ittoshine.

Yaasi 5:6

Gibitsee kechiti, ginee koyoyich bedditi anaaminaꞌo bulli Doono Yeerich deꞌa getaaneenaꞌo boonoshi tunetoyich, eboshi qitii ciiremmi wottoon, Israꞌeeleenaꞌo barahooch aabbe naton qaxirii beeheete. Ebiyoo Doono Yeeri nooch imma boonoshi qaabbechinaꞌoyich wogoon bi giyiti, ejjoonaa eeyona xuupphiibeeti showoon boonoshi beegaachemmoyich, bi wogetoyichiye.