Hiziqeeli 20:41 - Kafa Linguistics Project

⁴¹ Aageteenaꞌo waanee ittoshin ta kichiyooba, ittoshi shaceti showoo bulliichee ittoshin ta kiciyooba, gaawe cinnechi mooyon shaahiiree ittoshin ciinnemmo taane; aageteenaꞌo ciini beetaa ittoshi daggooch ta yaafittinoon bekkiyemmo taane.

Hiziqeeli 20:41 ပူးပေါင်းရင်းမြစ်များ

Halloo 8:21

Doono Yeeriyoo ebi deejjee cinnoona emiriye. Biyoo bi mulloona ishichiye: “Bi bushittinoochee tiijjiꞌi ashi mullee gaboo gondo bi tunetoyich, showoon ashi naboona wochinnoon ufaache; wotta ebi and ta tuniitoommon, kashechi halleenaꞌo bullin wochinnoon aalliyaache.

2 Saameeli 24:23

Orinaani ebi bullin taatoyich immiichii, “Ne Nuggishoo Doono Yeeri ne deejjoon deꞌe” iye.

Isiyaasi 5:16

Tunebaani Beshe Mawe Doono Yeeri, dayinnetoona nalloona bi oogoon bekkiyemmone; Yaafe Nuggishoo cadiqoona nalloona bi yaafittinoon bekkiyemmone.

Erimiyaasi 23:3

“Ta bagee cureenaꞌon boonoshin ta yookketi showoo bulliichee kicemmo taane; wochiree boonoshi showooch boonoshin deebemmo taane; boonoshiyoo aafemminaꞌone; meettemminaꞌone.

Erimiyaasi 30:18

“Doono Yeeri ishichiye: Yaaqobichi duukkaanee kecoon wochemmo taane; bi beemi xaaꞌoyichoo ariqqemmo taane; katemoo wochinnoon bi xoobooch shuuneyemmone; taatee kexoo wonnee bi xaaꞌooch neexemmone.

Erimiyaasi 30:3

Ebiyoche ta asho tuneti Israꞌeeleenaꞌonaa Yihudee asheenaꞌonon ta wochemmi aabo woyemmone, iye Doono Yeeri. Boonoshi qaabbechinaꞌoyich ta immeti showooch boonoshin deebemmo taane; boonoshiyoo aroon wochinnoon hajjemminaꞌone, iye Doono Yeeri” iye.

Erimiyaasi 32:37

Ta kaaroonaa ta ippoona, ooge ta naxoonoo boonoshin ta yookketi showoo bulliichee boonoshin kicemmo taane; hini xaaꞌoochoo wochi deebemmo taane; keqqaalloon boonoshi beeyemmoyich tuniyemmo taane.

Hiziqeeli 11:17

“ ‘Ebichoo Nuggishoo Doono Yeeri ishichitone: Aageteenaꞌo daggoochee, shaceꞌi ittoshi beeti showoo bulliichee ittoshin kicemmo taane; Israꞌeelee showoonoo ittoshich immemmo taane itone’ gete.

Hiziqeeli 20:28

Boonoshich imma ta wogeti showooch boonoshin deebeto taane; tunebaani boonoshi geppeenaꞌonaa waajjechi mixinaꞌonon beeggiꞌi aroochaa deejjooch giyiyeete; buuroon giddiyoona, gaawe cinnechi ixaanoon shoohona, uyee deejjoonoo taan ippiiheete.

Hiziqeeli 28:22

‘Nuggishoo Doono Yeeri ishichiye: Sidoone, ne toommooch tiyeto taane; ne daggoochaa oogoon danemmo taane; ne toommooch ta nalliyooba, ta yaafittinoonoo ne daggooch ta bekkiihooba asheenaꞌo Doono Yeeri ta tunoon ariyemminaꞌone.

Hiziqeeli 28:25

Nuggishoo Doono Yeeri ishichiye: “Israꞌeelee macceenaꞌon boonoshi shaceti aageteenaꞌo daggoochee ta kiciyooba, aageteenaꞌo ciini beetaa boonoshi daggoochaa ta yaafittinoon ta bekkiihooba, ta guuno Yaaqobich ta immeti boonoshi hajjee showooch kotemminaꞌone.

Hiziqeeli 34:11

“ ‘Ebich Nuggishoo Doono Yeeri ta ishichiyoye: Ta, ta qelloona ta bageenaꞌon qaawemmo taane; quyemmo taane.

Hiziqeeli 34:19

Ta bageenaꞌo baatoona ittoshi neexxiton maaheete; baatoona ittoshi qudiiton uchiyeete.

Hiziqeeli 37:25

Boonoshi qaabbechinaꞌo beebee echeti, ta guuno Yaaqobich ta immeti showooch kotemminaꞌone; boonoshi, boonoshi bushiisheenaꞌonaa bushaa bushiisheenaꞌona bulli aaboon arooch beeyemminaꞌone; ta guuno Daawiti bulli aaboon boonoshi toommooch taatemmone.

Hiziqeeli 38:16

Showoon guuppiibeeti quboochoommon ta asheenaꞌo tuneti Israꞌeeleenaꞌochi toommooch woyemmo neene; Googo, gubbi yemeenooch ta showoon ne kochemmoyich neen deebemmo taane; ebiyoo neenna ta yaafittinoon boonoshi aafoochaa ta bekkiihooba, aageteenaꞌo taan ariyemmoyichiye.

Hiziqeeli 38:23

Ebina ta oogoonaa ta yaafittinoonon bekkiyemmo taane; meeti aageteenaꞌoyichoo taan arichiyemmo taane; aroochee ta, Doono Yeeri ta tunoon ariyemminaꞌone.

Hiziqeeli 38:8

Meeti yemeenoyee gubb ceekkemmo neene; gubbi natinaꞌooch koyoona tiisheechii batt qaalliibeeti Israꞌeelee showoon kochemmo neene. Ebi showoo, bi asheenaꞌo meeti aageteenaꞌo daggoochee kicaa waa, meeti yemeenoon shokko echeti Israꞌeelee guudinaꞌooch koteti showoone; boonoshiyoo aageteenaꞌo daggoochee waaꞌi, and bulliyona diggoona arooch kotetinaꞌone.

Hiziqeeli 6:13

Wuxeeti boonoshi asheenaꞌo deejjee gudee guudooch beeti boonoshi shahallee daggooch, genje geppoo bullinaa guudo bullinochi toommooch, waajjechi mixo bullinaa wodde waajjechi meello bullinochi baatooch, shahalloyich shaawi cinnechi deejjoon boonoshi giddiiti xaaꞌoo bulliichoo boonoshi dihoon boonoshi beegiyooba, Doono Yeeri ta tunoon ariyemminaꞌone.

Leweenaꞌo 1:13

Uro maacee meenonaa baatoonon maye. Qeeshoo deejjee gudoochaa bullin ikkot deejjibe. Ebiyoo qaaqqooch michaa giddeebeeti, Doono Yeeri taach gaawe cinnoon cinneebeeti, micciibeeti deejjoon tunemmone.

Leweenaꞌo 1:17

Qoshoona yeshiree gutta gaaha; tunebaani kapphe kichaaye. Biyoo deejjee gudee toommooch beeti qaaqqooch michibe. Ebiyoo qaaqqooch michaa giddeebeeti, Doono Yeeri taach gaawe cinnoon cinneebeeti, micciibeeti deejjoon tunemmone.

Leweenaꞌo 1:9

Uroo maacee meenonaa baatoonon maye. Qeeshoo ebi micciibeeti deejjoon, qaaqqoona micciibeeti deejjoon tuniiree deejjee gudoochaa bullin ikkot deejjibe. Ebiyoo Doono Yeeri taach gaawe cinnechi deejjoo tunemmone.

Leweenaꞌo 10:3

Muusiyoo Haroonich ishichiye: “Doono Yeeri gettito ebine: ‘Ta waan giddee beetinaꞌo daggoochaa ta yaafittinoon bekkiyemmo taane; asheenaꞌo bulli aafoochaa oogemmo taane’ bi ito ebine” iye. Harooniyoo cikkii qajjiye.

Amootsi 9:14

Ta asheenaꞌo tuneti Israꞌeeleenaꞌon boonoshi showooch wochiree deebemmo taane; boonoshiyoo tiisheti katemeenaꞌon wochinnoon hagiree arooch kotemminaꞌone; woyinoon bechiree woyinee uyoon uchemminaꞌone; maayoon bechiree bi aafoon maayemminaꞌone.

Haddoo 20:13

Israꞌeeleenaꞌo Doono Yeerina kaareti, biyoo yaafoo bi tunoon boonoshich bi bekkiiti Meriibi aaco ebine.

Luqaasi 2:14

“Shimaajji shimaayooch beeti Yeerich oogee yiiroo tunebe! Showoochoo Yeeri boonoshina emiriti asheenaꞌoyich diggoo tunebe” iyeete.

2 Qorontoosi 2:14

Yeerich galleto bede; gondoochi giidoon kochii wochiꞌi Kiristoosina keccetinaꞌochoommon bulli aaboon noon yaabii beetone; Kiristoosin ariyee cinno bulli xaaꞌooch bi beddemmoyich noonna shuunee beetone.

2 Qorontoosi 2:15

Wodii beetinaꞌonaa aallooch hammii beetinaꞌonochi daggooch beechaa Yeerich Kiristoosichi gaawe cinno noone.

Efesooni 5:2

Kiristoosiyoo wotta noon bi shunnitoommon, Yeerin emirikkiibeeti cinnechi buuroommonaa deejjoommonon tuniiꞌi noocha ii bi qelloon beshiiꞌi bi immitoommon, shunoona beebote.

Filipphisiyoosi 4:18

Ittoshi deejjiti gijjee wojjoon Ephafroditoos waanee deqqeto taane; illa and bulli mooyo taach beetone; beshaa beshoonoo woddetone. Ebi ittoshi immiti gijjee wojjoo Yeerich giddeebeeti cinnechonaa biin emirikkii beetona tuneti deejjoone.

1 Pheexiroosi 3:15

Tunebaani ittoshi mulloona Kiristoosi Doono bi tunoon shalligibee biich goyinnebote. “Gubbich ittoshich beeti gibeno amoone?” iꞌi ittoshin echemminaꞌochi echoon ittoshi wochemmoyich, bulli aaboon qanniton tunebote.