Hiziqeeli 20:38 - Kafa Linguistics Project

³⁸ Ittoshi daggoochee hukkechinaꞌonaa taan xuqqitinaꞌonon wokkiyemmo taane; boonoshi beeti showoochee boonoshin kichemmo taane; tunebaani Israꞌeelee showooch giyaachemminaꞌone. Ebiyooba Doono Yeeri ta tunoon ariyemmo ittoshine.

Hiziqeeli 20:38 ပူးပေါင်းရင်းမြစ်များ

Shoddo 9:16

Doono Yeeri dayinnetechi nalloona bi qelloon arichiihe; gondeenaꞌo boonoshi gonde shuunoona olleeheete.

Shoddo 95:11

Ebich “Boonoshi kashemmoyich imma ta gabiti xaaꞌooch, ciroona giyaachemminaꞌone” iyaꞌa kaaroona wogehoye.

Erimiyaasi 29:32

Doono Yeeri ta, Nehelaamee asho Shemayaahinaa bi gumbeenaꞌonon naxemmo taane; ta asheenaꞌoyich ta tuniyemmi gaawe mooyon beeggemmi asho bi gumboochee hini asheenaꞌo daggooch ikkolla daneyaachemmone; ebiyoo Doono Yeeri ta toommooch hukkoon bi yibbaatetoyichiye’ itone gete” iye.

Erimiyaasi 44:14

Gibitsee showooch kotoyich hammiti, Yihudee cureenaꞌoochee muriccemmo woyee wodemmo, boonoshi qaatiibeeti Yihudee showooch kotoyich wottemmo, koniyoona aalloone; yookketi giishecheenaꞌoyee besh koniyoona muricaachemmone” iye.

Hiziqeeli 11:21

Tunebaani boonoshi mulloona ciigiitonaa eeꞌe mooyonon dabbitinaꞌon boonoshi shuunoommon boonoshich qoccemmo taane” iye Nuggishoo Doono Yeeri.

Hiziqeeli 13:9

Ta kishoo duube yaaꞌoon beeggii beetinaꞌonaa kootoon qaaxee beetinaꞌonochi toommooch tiyemmone; boonoshi ta asheenaꞌochi iitee daggooch daneyaachemminaꞌone; Israꞌeelee yaree macaafooch kooreyaachemminaꞌone; Israꞌeelee showoochoo giyaachemminaꞌone; ebinoo Nuggishoo Doono Yeeri ta tunoon ariyemmo ittoshine.

Hiziqeeli 15:7

Ta aafoon boonoshi toommooch maggiyemmo taane; qaaqqoochee boonoshi muriccitaa, qaaqqoo boonoshin maayemmone. Ta aafoon boonoshi toommooch ta maggiihooba, Doono Yeeri ta tunoon ariyemmo ittoshine.

Hiziqeeli 20:15

Boonoshich imma ta gibenikkiti ejjoonaa eeyona xuupphiibeeti showooch, showoo bulliyee beshe gaawe showooch boonoshin giijjaachemmo ta tunoon barahoochaa boonoshich wogeho.

Hiziqeeli 20:16

Ebiyoo boonoshi mullo shahalleenaꞌo waan bi wottetoyich, ta getoon boonoshi shaaddetoyich, ta qociyoona beemo boonoshi qajjitoyich, ta shambetoonoo boonoshi eeꞌitoyichiye.

Hiziqeeli 20:34

Kupphe ta mochoonaa ta giidoonon bekkiyoona, ta neboonoo kindiyoona, ittoshi shaceti aageteenaꞌonaa showoonoochee ittoshin kicemmo taane.

Hiziqeeli 23:49

Ebi manaamaneenaꞌo ittoshi guttiyoo qocee gondee gatiyoon danemmo ittoshine; shahalloyich ittoshi goyinnetoyich naxeyemmo ittoshine; ebina Nuggishoo Doono Yeeri ta tunoon ariyemmo ittoshine” iye.

Hiziqeeli 6:7

Wuxeetinaꞌo ittoshi daggooch dihemminaꞌone; ittoshiyoo Doono Yeeri ta tunoon ariyemmo ittoshine.

Milikiyaasi 3:3

Biyoo birewoon wociiꞌi xalliibeeti ashichoommon kotemmone. Lewichi yareenaꞌon aachoonaa birewoonochoommon wociiree xalliyemmone. Aroochee boonoshiyoo boonoshi giddiiya bede tate deejjoon Doono Yeerich giddiyemminaꞌone.

Maatiyoosi 3:12

Maayoon yooppiibeeti qiico bi kishoochiye; maayo bullin yooppiree xalliyemmone; are yooppaa xalleti teepphoon bi gotooch geddemmone; tunebaani maaxxoon tahaani qaaqqoona michemmone” iye.

1 Qorontoosi 10:5

Tunebaani Yeeri boonoshi daggoochee meetinaꞌona emiraanoone; ebich boonoshi dubeno barahooch dihii echetone.

Hibireena'o 4:3

Illa no mulloon Yeeri toommooch tooꞌiiti no, Yeeri no kashemmoyich imma bi gabiti xaaꞌooch giyaabeeto noone. Yeeri tuniiya bi gabiti gaboo alemo halleetoochee tiijjiꞌi ceeno bi tunetaanoona, Yeeri “ ‘Boonoshi kashemmoyich imma ta gabiti showooch ciroona giyaachemminaꞌone’ iyaꞌa kaaroona wogeto taane” bi itoommone.

Hibireena'o 4:6

Illa shiichiꞌi mishiraachee qaaro boonoshich getaa waayetinaꞌo deꞌa getaache boonoshi itoyich, are boonoshi kashemmoyich Yeeri imma gabiti xaaꞌooch giyaaneenaꞌone; tunebaani arooch boonoshi giyemmoyich Yeeri daaggiti ikkikkeenaꞌo beetinaꞌone.

Yihudi 1:5

Ebiyee aaf ebi bullin ittoshi ariitaanolla, Doono Yeeri Gibitsee Israꞌeeleenaꞌon kichii wodiichii, bi toommooch mulloon tooꞌiyaaneenaꞌon gubb bi aalliyoon ittoshich shalligichoon shunnaabeeto taane.