Hiziqeeli 20:35 - Kafa Linguistics Project

³⁵ Macceenaꞌochi barahooch ittoshin deebemmo taane; aroochaa ittoshi ciini beetaa ittoshi toommooch nallemmo taane.

Hiziqeeli 20:35 ပူးပေါင်းရင်းမြစ်များ

Shoddo 74:22

Yeero, tibe; ne taggoon taggebe; mullaalleenaꞌo heeyo bullin neen cooqqirii beeton ciine.

Isiyaasi 3:14

Doono Yeeri ogoogeenaꞌonaa asheenaꞌochi iraasheenaꞌona tookki ishichi taggemmone; “Woyinee goyoon aalliito ittoshine; girechinaꞌo waanee ittoshi boggito ittoshi kexooch ceennitone.

Erimiyaasi 2:35

‘Ta, xallee taane; iberoochaa bi kaaro ta waanee wottetone’ iti neene; ‘Axaaxoon shuuneyaane taane’ ne itoyich, ne toommooch nallemmo taane.

Erimiyaasi 2:9

“Ebich ittoshin ittibatemmo taane; ittoshi bushaa bushiisheenaꞌona tookkishoo gajjiteyemmo taane” iye Doono Yeeri.

Erimiyaasi 25:31

Doono Yeeri aageteenaꞌona tookki taggemmi taggoo bi beetoyich, bi qaaro showee tuggooch beddaahaa shaggemmone; meeno taheto bullin nallooch giddiyemmone; gondeenaꞌonoo goraadoyich tuniyemmone’ gete” iye Doono Yeeri.

Erimiyaasi 31:2

Doono Yeeri ishichiye: “Israꞌeeleenaꞌo tooqqii kashoon boonoshi qaawiyooba, goraadoochee muricciti asho shuuꞌi showoochaa gidoon danemmone.

Hiziqeeli 17:20

Ta dabboona biin dabbe yechemmo taane; Baabloonee showooch biin daammemmo taane; taach gibeneyoo bi qajjitoyich aroochaa bi toommooch nallemmo taane.

Hiziqeeli 19:13

Andoo barahooch, shuuqqii baggiti showooch daamaa becheehe.

Hiziqeeli 20:36

Gibitsee barahoochaa ittoshi qaabbechinaꞌochi toommooch ta nalloommon ittoshi toommooch nallemmo taane, iye Nuggishoo Doono Yeeri.

Hiziqeeli 38:22

Biiyoona, bi damoon ukkoonoo bi toommooch nallemmo taane; yattoon, xaqqoommi baderoon, qaaqqoonaa waageroonon, biinnaa bi ginee naayinaꞌonochi, wottoo biinna tookkii beeti meeti asheenaꞌochi toommooch kindiyemmo taane.

Hiziqeeli 38:8

Meeti yemeenoyee gubb ceekkemmo neene; gubbi natinaꞌooch koyoona tiisheechii batt qaalliibeeti Israꞌeelee showoon kochemmo neene. Ebi showoo, bi asheenaꞌo meeti aageteenaꞌo daggoochee kicaa waa, meeti yemeenoon shokko echeti Israꞌeelee guudinaꞌooch koteti showoone; boonoshiyoo aageteenaꞌo daggoochee waaꞌi, and bulliyona diggoona arooch kotetinaꞌone.

Hosee'i 2:14

“Ebich areen dachiree barahooch daammemmo taane; maanjoona biin yibbaatiyemmo taane.

Hosee'i 2:16

“Arooba taan bi ceeggemmo ‘Ta keno’ getireeshalli ‘Ta Baꞌaalo’ getiree toonoone. Baꞌaaloochi shigoon bi noonoochee wokkiyemmo taane. Ebiyee damba bi shigo tiyaachemmone” iye Doono Yeeri.

Hosee'i 4:1

Israꞌeeleenaꞌote, gibeneyoo, shoodeyoonaa Doono Yeerin ariyoona showee toommoochee bi aalletoyich, showee toommooch beetinaꞌon Doono Yeeri ittibatee beetone. Ebich Doono Yeerichi qaaroon waayebote!

Mikiyaasi 4:10

Yerusaalemi asheenaꞌote, maaxoo manjeti ureechoommon gaashiribee maacerebote; katemoochee keyiree xalle gaddooch kotemmo ittoshine; Baabloonee showooch hammemmo ittoshine. Tunebaani Doono Yeeri aroochaa ittoshi etteenaꞌo kishoochee ittoshin shiwe wodiyemmone.

Yaaꞌoo 12:14

Dareboo waanee wohiree keejje nattaa qaton barahooch shiimetaa bi beeyemmi xaaꞌooch yoobi bi hammemmi gutte ogooge booyee qoshoo ureyich ichehe.

1 Saameeli 12:7

Andoo Doono Yeeri ittoshinaa ittoshi qaabbechinaꞌonoyich bi tuniiti cadiqee shuunoyich Doono Yeeri aafoochaa ittoshin taggemmo ta tunetoyich, ebi ittoshi beetooch neexebote.