Hiziqeeli 20:33 - Kafa Linguistics Project

³³ Nuggishoo Doono Yeeri ishichiye: Beeyecho ta tunoona wogehoye: Kupphe ta mochoonaa ta giidoonon bekkiyoona, ta neboonoo kindiyoona ittoshi toommooch taatemmo taane.

Hiziqeeli 20:33 ပူးပေါင်းရင်းမြစ်များ

1 Taateenaꞌo 8:42

wohi showoochee bi waato, ooge ne shigoon, kupphe ne kishoonaa giidechi ne mochoona ne tuniiti mooyon waayeꞌi bi tunetoyich, waaꞌi, hini kexo waan bi aafoon wochiichii, bi corootigaata,

Keyo 6:6

“Ebich Israꞌeeleenaꞌoyich ishichi gete: Doono Yeeri ishichitone: ‘Ta, Doono Yeeri taane. Gibitseenaꞌochi guuchittinee waanjoochee ittoshin kichemmo taane; boonoshich guuno tunoochee ittoshin biishemmo taane. Qaaꞌi naxoon boonoshi toommooch deeboyich giidechi ta mochoon boonoshi toommooch tiijjemmo taane; ittoshinoo biishemmo taane.

Isiyaasi 31:3

Gibitseenaꞌo asheenaꞌoani, nuggisheenaꞌo tooneenaꞌone; boonoshi haresheenaꞌo meenon tahetinaꞌoani, ayaaneenaꞌo tooneenaꞌone; Doono Yeeri bi mochoon bi yaggiyooba, gaacheebeeto tepheyemmone; gaachoon deqqiibeetoo dihemmone; guttiyona aallemminaꞌone.

Erimiyaasi 21:5

Kaaroona, neboona, ooge naxoona, yaggeeti ta kishoona, kupphe ta mochoonoo ittoshin kochemmo taane.

Erimiyaasi 42:18

Israꞌeelee Nuggishoo, Beshe Mawe Doono Yeeri ishichiye: ‘Ta kaaroonaa ta neboona Yerusaalem beetinaꞌo toommooch bi kindoommon, Gibits ittoshi giyiyooba ittoshi toommooch kindemmone. Upeyemmo ittoshine; wuche, getteyemmo ittoshine; ufoyich tunemmo ittoshine; cooneyemmo ittoshine; hini showoonoo wochinnoon beegaachemmo ittoshine’ iye.

Erimiyaasi 44:6

Ebich ta neboonaa ta kaaroona kindiye; Yihudee katemeenaꞌonaa Yerusaalemi gomminaꞌonooch aaxxehe; hanaach ittoshi beeggii beetoommon happeetinaꞌone; shokkoonoo echetinaꞌone.

Erimiyaasi 51:57

“Bi woraaferasheenaꞌonaa ariyechi bi asheenaꞌonon, bi ukkireenaꞌonaa bi iraasheenaꞌonon, bi ginee iraasheenaꞌonoo mashiyemmo taane; bulli aabee tokketoon tokketemminaꞌone; ciroonoo tiyaachemminaꞌone” iye bi shigo Beshe Mawe Doono Yeeri getteebeeti Taatoo.

Shoosho 2:4

Ettoochoommon bi maꞌoon ciixxiye; shixechochoommon bi qanne kishoon kupphiihe; Tsiyooni asheenaꞌochi duukkaanoochaa no aafooch macecikkito bullin wuxiye; bi kaaree shiixxoon qaaqqoochoommon kindiihe.

Hiziqeeli 22:22

Birewoo xuuroo wocciibeeti qiicoochaa bi wocoommon ittoshiyoo aroochaa woccemmo ittoshine; Doono Yeeri tawoo ta neboon ittoshi toommooch woniito ta tunoon ariyemmo ittoshine” iye.

Hiziqeeli 6:14

Ta mochoon boonoshi toommooch tiijjiree boonoshi beeyi xaaꞌoon barahoochee tiijji Ribila beddaahaa showoon shokko echiyemmo taane; ebina boonoshiyoo Doono Yeeri ta tunoon ariyemminaꞌone” iye.

Hiziqeeli 8:18

Ebich ta, kaaroona boonoshi waan woyemmo taane; boonoshich ayini ariqqeyaachemmo taane; qaaroon oogichiꞌi ta waan boonoshi cookitaa waayeyaachemmo taane” iye.

Hosee'i 2:14

“Ebich areen dachiree barahooch daammemmo taane; maanjoona biin yibbaatiyemmo taane.