Hiziqeeli 20:13 - Kafa Linguistics Project

¹³ “ ‘Tunebaani Israꞌeelee macceenaꞌo barahoochaa ta toommooch tiyiyeete; asho bi ceechigaata kashoona bi beeyemmi ta qociyoona beemon qajjiyeete; ta getoonoo hamaaneenaꞌone; ta shambetoonoo ciroona eeꞌiiheete. Ebiyooba boonoshin aalliyoyich, ta kaaroon barahoochaa boonoshi toommooch kindiiya gabiyoye.

Hiziqeeli 20:13 ပူးပေါင်းရင်းမြစ်များ

2 Saameeli 12:9

Ishigaata, amoyich Doono Yeeri ta qaaroon qallayinne? Amoyich ebi gonde mooyon ta aafooch tuniinne? Hitee asho Uuriyi goraadoona bi qitemmoyich tuniihine; Amooneenaꞌo biin goraadoona wuxemmoyich tuniihine; bi mecheenoo daammaꞌa shaaggehine.

2 Kiinoo 30:7

Boonoshi qaabbechinaꞌochi Nuggishoo Doono Yeerich gibeneyoo qajjiti ittoshi qaabbechinaꞌonaa ittoshi maneenaꞌonochoommon tuneyaahote. Ebi ittoshi beeggii beetoommon, biyoo boonoshin aalliitone.

Nehimi 13:17

Ebich Yihudee ukkireenaꞌon kaaraꞌa, “Shambetee aaboon eeꞌiyoona, ebi ittoshi shuuneebeeti gonde shuunoo, amoone?

Keyo 32:10

Eke ne qayaa, kupphe ta kaaroon boonoshi toommooch kindii aaxxiiree, boonoshin aalliibona. Aroochee neennaa ne shiijjereenaꞌonon oogeti aagetoon tuniyemmo taane” iye.

Keyo 32:8

Boonoshich ta getteti getoochee kaatee shokiyeete; aachoon ukkiꞌi, shahalloon maamochi shaahoona boonoshi qellich shuuneheete; aroyichoo goyinnee, deejjoonoo biich deejjiꞌi, ‘Israꞌeelee ashoocho, Gibitsee neen kichiti nuggishoo hinine’ iyeete” iye.

Shaahiyoo 1:25

ta ciico bullin ittoshi qallayitoyich, ta sheeroon deꞌo ittoshi qajjitoyich,

Shaahiyoo 13:13

Ciicoon qallayiibeeto, bi toommooch iritoon deebiye; tunebaani getoon oogiibeeto wojjoon danemmone.

Isiyaasi 56:6

Biich maddoyich Doono Yeer waan katinniti, Doono Yeerichi shigoon shunniti, biich maddeebeeti, shambetoon eeꞌiyaanoon oogiibeeti, bi wogoonoo quyeebeeti bare showee asheenaꞌoyich Doono Yeeri ishichiye:

Isiyaasi 63:10

Tunebaani boonoshi bi toommooch hukkoon shuuneꞌi bi Yaafe Ayaanoon ayinikkiyeete; ebich wotteꞌi boonoshich ettoon tunehe; bi qelloona bi, boonoshin kochiye.

Erimiyaasi 7:24

Tunebaani boonoshi mullee gonde gaboonaa babberittinoona hammiyeete; aaf tuneyaanoon gubb hammiyeetani waayeyaaneenaꞌone; boonoshi waamon ta waan gaꞌiyaaneenaꞌone.

Hiziqeeli 20:11

Asho bi ceechigaata kashoona bi beeyemmi ta qociyoon boonoshich immeho; ta getoonoo boonoshich arichiiho.

Hiziqeeli 20:14

Tunebaani boonoshi ciinnii beetaa ta kichiti aageteenaꞌo aafoochaa ta shigo qallayeyaachemmoyicha iyaꞌa ebin tuniyaano taane.

Hiziqeeli 20:16

Ebiyoo boonoshi mullo shahalleenaꞌo waan bi wottetoyich, ta getoon boonoshi shaaddetoyich, ta qociyoona beemo boonoshi qajjitoyich, ta shambetoonoo boonoshi eeꞌitoyichiye.

Hiziqeeli 20:21

“ ‘Tunebaani boonoshi bushiisheenaꞌo ta toommooch tiyiyeete; asho bi ceechigaata kashoona bi beeyemmi ta qociyoona hamaaneenaꞌone; ta geteenaꞌonoo quyeyaaneenaꞌone; ta shambetoonoo eeꞌiiheete; ebiyooba barahoochaa ta neboon boonoshi toommooch kindiiya, ta kaaroonoo boonoshi toommooch ceechiya gabiyoye.

Hiziqeeli 20:24

Ebiyoo ta qociyoona hamo boonoshi qajjitoyich, ta geteenaꞌon quyeyaaneenaꞌo boonoshi tunetoyich, ta shambeteenaꞌon boonoshi eeꞌitoyich, boonoshi qaabbechinaꞌochi shahalleenaꞌoyich boonoshi goyinnetoyichiye.

Hiziqeeli 20:36

Gibitsee barahoochaa ittoshi qaabbechinaꞌochi toommooch ta nalloommon ittoshi toommooch nallemmo taane, iye Nuggishoo Doono Yeeri.

Hiziqeeli 20:8

“ ‘Tunebaani boonoshi taachon waayemmon qajjiichii ta toommooch hukkoon tiijjiyeete. Boonoshi bulliyona oogichii boonoshi shunniibeeti ciigiiti mooyon wokkiyaaneenaꞌone; Gibitsee showeexi shahalleenaꞌonoo qayaaneenaꞌone. Tawoo Gibitsee showooch boonoshi beetaa ta kaaroon kindiiya, ta neboonoo deejjiya gabito taane.

Hiziqeeli 22:8

Ta yaafe mooyinaꞌon hoxeeton tuniihote; ta shambetoonoo eeꞌiihote.

Hiziqeeli 23:38

Boonoshi shuuneti gondo ebi baach toonoone; arooba ta yaafee kexon eeꞌiitinaꞌone; ta shambetoonoo eeꞌiiheete.

Leweenaꞌo 18:5

Asho eboshin tuniiree kashoona bi beeyemmoyich, ta dojjiti doyoonaa ta qociiti qociyoonon quyebote. Ta, Doono Yeeri taane.

Leweenaꞌo 26:15

Ta qociiti qociyoon, ta dojjiti doyoonoo qajjiꞌi ittoshi tiyaaregaata, ittoshina tookkaa ta giyeti wogoon biishona ta getteti getoon ittoshi qayigaata,

Leweenaꞌo 26:43

Boonoshi gawukkii hammiti showoo ashaalli xafo tunemmone. Boonoshi aalletaa xafo bi tunemmi yemeenooba, bi mucceti shambetee kashee naton dane kashemmone. Ta dojjiti doyoon boonoshi qallayitoyich, ta qociiti qociyoonoo boonoshi tiyaaretoyich, boonoshi xuꞌoyich bede sheeroon deqqemminaꞌone.

Amootsi 2:4

Doono Yeeri ishichiye: “Yihudee asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo ta sheeroon boonoshi qallayitoyich, ta qociyoonoo quyo boonoshi qajjitoyichiye. Boonoshi qaabbechinaꞌo goyinnee maddeti nuggisheenaꞌo boonoshin muriciitinaꞌone.

Haddoo 14:22

Gibitsee showoonaa barahoonoochaa ta oogee yiiroon, ta tuniiti gaakkechi mooyonoo beeggiti ebi asheenaꞌo bulli aashire wottoon taan phireya boonoshi qiiccetoyich, ta qaaroonoo waayo boonoshi qajjitoyich,

Haddoo 14:29

Haddeeti ittoshi bulli ittoshi haddoommona hiye natonaa ebiyee damboona bulli, ta toommooch guruuxiti ittoshi dubeno hini barahooch echemmone.

Haddoo 16:45

“Boonoshi bullin ikke wottoona ta aalliyemmoyich, hini iiteenaꞌo daggoochee ikibote” iye. Boonoshiyoo baroona guufeheete.

Haddoo 26:25

Ebi Yisakoori shiijjereenaꞌochi haddoo shichaa awudde humaa keejje balloone.

Roomi 10:5

Sheeree gommoona daneebeeti cadiqeechon Muusi ishichiꞌi kooritone: “Sheeroo gettii beeton ceechiibeeti asho ebi sheeroona kashoon danemmone” itone.

Yibbaatoo 31:27

Am shaahe hukkechonaa babberoona ittoshi gaata ariibeeto taane. Ebiyoche, and kashoona ittoshina tookkaa ta beetaa, hanaach Doono Yeeri toommooch hukkoon tiijjito ittoshine. Illa ta qitiichaa aabichehe!

Yibbaatoo 9:7

Muusiyoo daakkiꞌi ishichiye: “Barahoochaa ne Nuggishoo Doono Yeeri shine bi kaaremmoyich am shaahoon ne tuniito gaata shalligibe. Ebin batteyaahine. Gibitsee kechaꞌa hiniich ne shaggemmi wottoon, Doono Yeeri toommooch hukkoon tiijjito neene.

Yibbaatoo 9:8

Kooreebi guudooch no beehoobolla, Doono Yeerichi kaaree shiixxoo no toommooch bi kindemmoyich tuniito neene. Ittoshin aalliiya iꞌi oogichii kaarehe.

1 Tasaloonqi 4:8

Illa ebi no dojjiti mooyon shixxiibeeti asho, bi shixxiibeeto, ittoshich bi Yaafe Ayaanoon immiibeeti Yeerinalli, ashoon toonoone.

1 Saameeli 8:8

Boonoshin Gibitsee ta kichiti aaboochee tiijjiꞌi hanaach beddaahaa taan qajjiichii, bare nuggisheenaꞌoyich goyinnee maddetinaꞌone. Ebi ne toommooch boonoshi tuniibeeto, ta toommooch boonoshi tuniitoommoniye.