Hiziqeeli 20:12 - Kafa Linguistics Project

¹² Ebiyeenoo boonoshin yaafiibeeto Doono Yeeri ta tunoon boonoshi ariyemmoyich, boonoshinaa taannochi daggooch malletoo bi tunemmoyich ta shambetoon boonoshich immeho.

Hiziqeeli 20:12 ပူးပေါင်းရင်းမြစ်များ

Halloo 2:3

Yeeri halliya bi iton hallii ciichiꞌi, shuunoo bulliichee arooba bi kashetoyich, shabaattinnee qemon diiriꞌi yaafiye.

Nehimi 9:14

Yaafeeti ne shambetoonoo boonoshich arichiihine; getoon, qociyoonaa sheeroonon ne guuno Muusina boonoshich immehine.

Keyo 16:29

Ebiyoche, Doono Yeeri ta, shambetee aaboon ittoshich immeto taane. Shirittinnee qemooba gutte qemoyich tunemmi koshon ta immeto ebichiye. Shabaattinnee qemooba asho bulli bi ikkikkoona bi beetooch beebe. Koniyoona bi beetoochee bare kechaaye” iye.

Keyo 35:2

Shiritte qemon shuunoon shuunemmo ittoshine; tunebaani shabaattinnee qemo, kashe ittoshi heechemmi, Doono Yeeri taach yaafeeti shambetoone; arooba shuunoon shuunemmo koniyoona qitibe.

Isiyaasi 56:2

Ebin tuniibeeto, kupphiiꞌinoo yechiibeeto, shambetoon eeꞌiyaanoon oogiibeeto, gondo amoonolla shuunoochee bi kishoon quyeebeeti asho, diireetone.

Erimiyaasi 17:22

Ittoshi qaabbechinaꞌoyich ta gettetoommon shambetoon yaafeeton tuniiree quyebotalli shambetooba shaagoon shaagiree ittoshi kexoochee kechaahote; amoonolla shuuneyaahote.

Hiziqeeli 20:20

Ta, Doono Yeeri ittoshi Nuggishoo ta tunoon ittoshi ariyemmoyich taannaa ittoshina daggooch malletoo bi tunemmoyich, ta shambetoon yaafeeti aabo tuniibote” iyoye.

Hiziqeeli 20:26

Boonoshi gutenee bushiishoon qaaqqee toommooch giddii deejjoona boonoshi eeꞌee beetaa cikkii qajjoye; ta eechito, boonoshin keqqichoyich, Doono Yeeri ta tunoonoo boonoshi ariyemmoyich tuniyoyichiye’ itone gete.

Hiziqeeli 37:28

Ta yaafee kexo boonoshi daggooch bulli aaboon bi tunehooba, ta, Israꞌeeleenaꞌon yaafiibeeti Doono Yeeri ta tunoon aageteenaꞌo ariyemminaꞌone, itone’ gete” iye.

Hiziqeeli 44:24

Asho kaarehooba nallechon tunebeete; ta qociyoommona nallibeete; ta baaroon ciinnii beetona ta geteenaꞌonaa ta qociyoonon quyebeete; ta shambetoonoo yaafibeete.

Leweenaꞌo 20:8

Ta qociiti qociyoon manjii quyebote. Ta, ittoshin yaafiibeeti Doono Yeeri taane.

Leweenaꞌo 21:15

Ebin bi tuniyoo qayigaata, bi bushiisheenaꞌo bi asheenaꞌo daggooch eeꞌeenaꞌo tunemminaꞌone. Biin yaafiibeeti Doono Yeeri taane’ itone gete” iye.

Leweenaꞌo 21:23

Tunebaani bache mooyo bi achooch bi beetoyich, yaafeeti mooyinaꞌon bi eeꞌiyaachemmoyich, maccillaatoo beetooch woyee deejjee gudo beetooch giddaaye. Boonoshin yaafiibeeti Doono Yeeri taane’ itone gete” iye.

Leweenaꞌo 21:8

Maayi buuroon ittoshi Nuggishoo taach giddiibeeto bi tunetoyich, yaafoo tuniiree biin ciinote. Ittoshin yaafiibeeti Doono Yeeri ta, yaafoo ta tunetoyich, biin yaafoo tuniiree ciinote.

Leweenaꞌo 23:24

“Israꞌeeleenaꞌoyich ishichi gete: ‘Shabaattinnee agenee ikkinnee qemo yaafeeti kashee shambetoo, tiroo (waaringo) huggi shalligichoo, taach goyinnoyich ittoshi kiceyemmi yaafeeti aabo ittoshich tunebe.

Leweenaꞌo 23:3

“ ‘Shiritte qemon shuunoon shuunemmo ittoshine; tunebaani shabaattinnee qemo yaafeeti kashee shambetoo, taach goyinnoyich ittoshi kiceyemmi yaafeeti aaboone. Doono Yeeri ta shambetee aabo bi tunetoyich, ittoshi koteti showoo aabiichaanona shuunoon shuuneyaahote.

Leweenaꞌo 23:32

Ebi ittoshich yaafeeti kashee shambetoone. Are agenee yiixiyinnee qemoobee xumoochee tiijjiree aashirinnee qemoobee xum beddaahaa, kashee shambetoon baaribote. Ebi arooba coomibote” iye.

Leweenaꞌo 23:39

“ ‘Maayoon budoochee ittoshi kicitoyee gubb, shabaattinnee agenee aaraa uuchinnee qemoochee tiijjiree, shabaatte qemi wottoon, Doono Yeeri taach baaroon baaribote. Batti batti aaboonaa ciireexi aaboona yaafeeti kashee aabo tunebe.

Leweenaꞌo 25:4

Tunebaani shabaattinnee nato showoo ciroona gocheyaanoon bi kashemmi nato tunebe. Ebiyoo Doono Yeeri taach yaafeeti kashee nato tunebe. Ne budooch maayoon shookkaahine. Woyinoonoo qephiyaahine.

Qolaasiyaasi 2:16

Illa maayee naboona woyee uyee naboona woyee nati baaroon woyee agenee keyi baaroon woyee shambetoon ittoshi quyee qajji naboona koniyoona ittoshi toommooch nallaaye.

1 Tasaloonqi 5:23

Diggee Nuggishoo bi qelloona ittoshi hullimalloon yaafibe; ittoshi ayaano, ittoshi kashoonaa meenona no Doono Yesuus Kiristoosi wottee waahooba ikke bachaallo tune quyeeree beebe.

Yihudi 1:1

Yesuus Kiristoosichi guuno, Yaaqobichi manoo Yihudi waanee, Nihoo Yeeri shunnitinaꞌonaa ceeggitinaꞌonoyich, Yesuus Kiristoosina quyeebeeti kittinneenaꞌo bullich: