Hiziqeeli 2:6 - Kafa Linguistics Project

⁶ “Ashi bushoocho, boonoshich tuneba boonoshi qaaroyich shattaahine; guccinonaa angixona ne guudoona bi beetaa, barahee macheenaꞌo daggooch ne kotetaa, shattaahine; hukkechi asheenaꞌo boonoshi tunetoyich boonoshi qaaroon woyee sheexon shati keqqiyaahine.

Hiziqeeli 2:6 ပူးပေါင်းရင်းမြစ်များ

2 Taateenaꞌo 1:15

Doono Yeerichi maraakoo Eliyaasich, “Biinna tookki kindibe; biinoo shattaahine” iye. Ebina Eliyaasi tiyiꞌi, biinna tookkii taatoo waan hammiye.

Isiyaasi 51:12

Doono Yeeri ishichiye: “Ittoshin goggiyemmo ta qelloona taane; qitemmi ashich, mocoo shoolloommon shoollemmi ashi bushiishoyich, ittoshi shattiibeeto amoyichiye?

Isiyaasi 51:7

“Tate mooyon ariyaa beetinaꞌote, ta sheeroo ittoshi mullooch beeti asheenaꞌote, ta waanee waayebote: Ashi miichoon shattaahote; boonoshi naagoyichoo keqqiyaahote.

Isiyaasi 9:18

Gonde shuunoo, guccinonaa angixonon michiibeeti qaaqqoommone; manje shaaroo micaa tuqii kaama kechiibeeti cufoommone.

Erimiyaasi 1:17

Tunebaani ne, ne shimetoon cuyebe; tiyi hamiree, neech ta getteto bullin boonoshich gete; boonoshin shattaahine; ne shatigaata, beshoon boonoshich ne shattemmoyich tuniyemmo taane.

Erimiyaasi 1:8

Neen wodiyoyich neenna tookki tunemmo ta tunetoyich, asheenaꞌon shattaahine” iye Doono Yeeri.

Erimiyaasi 18:18

Boonoshiyoo “Sheeroo qeeshoo waan, ciico ariyechinaꞌo waan, qaaro keemechinaꞌo waan aalleyaachemmo bi tunetoyich, ittoshi waataa Erimiyaasi toommooch koceebone; ittoshi waataa heciyoona biin yexone; bi qaaroonoo waayaayone” itinaꞌone.

Erimiyaasi 6:28

Boonoshi bulliyona oogeti hukkechinaꞌone; oonooch hammii beetinaꞌone; gooshoonaa xuuroonoomminaꞌone; duube mooyon tuniiheete.

Hiziqeeli 24:3

Hukkechi Israꞌeelee macceenaꞌoyich shaahiyoon gete: Nuggishoo Doono Yeeri ishichiye gete: ‘Shexxoon gemmooch ne kotiitoye gubb; aacon arooch hakkebe;

Hiziqeeli 28:24

Doono Yeeri ishichiye: “Ebiyee bekk biin hoxeti bi giyeenaꞌo bulli daggooch Israꞌeelich shooddiibeeti guccinonaa biijjiibeeti angixonon tunemmo daneyaachemmone; ebina ta, Nuggishoo Doono Yeeri ta tunoon ariyemminaꞌone” iye.

Mikiyaasi 3:8

Tunebaani ta, Israꞌeeleenaꞌoyich boonoshi xuꞌoonaa axaaxoonon ta gettemmoyich, Doono Yeeri bi Ayaanoon, giidoon, dayinnetoonaa hakkoonon taach immitone.

Mikiyaasi 7:4

Boonoshi daggoochee gaaweto getteeto guccinoommone; beshe deꞌo getteetoo angichi tushoommone. Quyechinaꞌo tuneti keemechinaꞌona boonoshich bi gettitoommon Yeeri ebi asheenaꞌon bi naxemmi aabo shaggitone. Andolla shaammii beetinaꞌone.

Maatiyoosi 10:28

Meenon wuxoyee damba kashoon wuxoo hakkaaneenaꞌon shattaahote. Tunetaa meenonaa kashoonon shiweree qaaqqoona aalliyoon hakkii beeton shatote.

Luqaasi 10:19

Dingeroonaa barahee machoonon baatoona ittoshi neexxemmoyich, ittoshin shixxiibeeti Sheexaanee giidoo bullin yittiiree ittoshi hajjemmoyich, ukkirittinoon ittoshich immeto taane. Ittoshich etto tunemmi mooyo amolla aalloone.

Luqaasi 11:12

Woyee gabexoon maaya bi qolletaa, barahee machoon immehe?

Luqaasi 12:4

“Ta shunechinaꞌote, ittoshich gettoye: Meenon wuxii beetinaꞌon shattaahote. Boonoshi wuxitoyee gubb boonoshi hallemmi bare mooyo amolla aalloone.

Mishiraachechinaꞌo 4:13

Arooba kiceeti Ayihudee nallechinaꞌo Pheexiroosinaa Yowannisina aafoon kuppheꞌi boonoshi yibbaatoon beeggiꞌi, dojjechona tookkii boonoshi dicci qayonaa ogooge asheenaꞌo boonoshi tunee qayonon shalligiꞌi worganeheete; ebiyee aaf Yesuusina tookkii boonoshi beemon ariiheete.

Mishiraachechinaꞌo 4:19

Tunetaa Pheexiroosinaa Yowannisina wochiꞌi, “Yeerich deꞌa getonaa woyee ittoshich deꞌa getona? Yeeri aafooch aabine tato? Eke ittoshi nallibote.

Mishiraachechinaꞌo 4:29

Andoo Doonocho, boonoshi miichoon ciine; aafoon kuppheree ne qaaroon no gettemmoyich, ne guuno noon kupphiibe.

Efesooni 6:19

Wotta mishiraachee qaaree maacee mooyon aafee kupphoona getoyich ta noonoon ta qechaa qaaroon taach Yeeri immemmoyich qollebote.

Filipphisiyoosi 1:28

Ittoshi mulloon Kiristoosi toommooch tooꞌiyoyich baach tuneyaanoon, biicha getiree duꞌoon wotta ittoshi beeggemmoyich ittoshich ichetone; ebich ittoshin shixxiꞌi duꞌii beetinaꞌoyich ikke mooyonona keqqiyaahote. Ebi ittoshi keqqee qayo boonoshich aallee malletoo, ittoshich wotta wodee malletoone. Ebi ittoshi wodoo bi daneto Yeer waaneeniye.

2 Ximootiyoosi 1:7

Yeeri nooch bi immiti Ayaano giideechonaa shuneechona, qellee quyeechoonalli, shatti ayaano toonoone.

Hibireena'o 11:27

Mulloon Yeeri toommooch bi tooꞌitoyich, Gibitsee taatoochi kaaroon shataanoon Gibitsee showoon qajjii kechii hammiye; bekkeyaani Yeerin bekkee beeton tuniiꞌi, “Gubb wotteyaache” iꞌi qaxiriye.

1 Pheexiroosi 3:14

Tunebaani cadiqee shuunoon ittoshi shuunetoyich ittoshin xuuxoon boonoshi bekkiigaata, diireeto ittoshine. Asheenaꞌochi miichoon shattaahote; keqqiyaahote.

Yaaꞌoo 9:10

Barahee machoochi ceeroommi ceeroonaa gayona boonoshich beetone; uuche agenee wottoon boonoshi ceereexi gayona asheenaꞌon boonoshi qaakkiyemmoyich hakkoo boonoshich ichetone.