Hiziqeeli 2:3 - Kafa Linguistics Project

³ Aroochee taach ishichiye: “Ashi bushoocho, Israꞌeelee asheenaꞌo waan, ta toommooch tiyiti hukkechi macceenaꞌo waan, neen daachiyemmo taane; boonoshiyoo boonoshi qaabbechinaꞌochoommon hanaach beddaahaa ta toommooch tiyii beetinaꞌone.

Hiziqeeli 2:3 ပူးပေါင်းရင်းမြစ်များ

2 Taateenaꞌo 17:14

Tunebaani boonoshi Nuggishoo Doono Yeerin gibeneyaani boonoshi qaabbechinaꞌochoommon babbereheetani, waayeyaaneenaꞌone.

2 Taateenaꞌo 17:15

Bi qociyoon, boonoshi qaabbechinaꞌona tookkii bi giyiti wogoonaa boonoshich wochii wochii kupphii bi gettiti qaaroonon hoxeheete; gaacaalli shahalleenaꞌoyich goyinnoona boonoshiyoo gaacaalleenaꞌo tuneheete. Doono Yeeri boonoshichoommon boonoshi tuniyaachemmoyich, boonoshich bi gettiti, boonoshi guudoona beeti aageteenaꞌon dabbiyeete.

Iziri 9:7

No qaabbechinaꞌochi yemeenoochee tiijjiꞌi hanaach beddaahaa, oogichaꞌa xuqqeto noone. Ebiyoche, no axaaxee naboona nowoo, no taateenaꞌonaa qeesheenaꞌona showee toommeexi taateenaꞌo kishooch beshiitaa ichaꞌa, and beddaahaa goraadoona qecceyooch, kecceyooch, bokkeyoonaa ooge yeelloonooch dihito noone.

Nehimi 9:26

“Tunebaani neech deꞌa getaaneenaꞌone; ne toommoochoo tiyiyeete; ne sheeroonoo gubb duppiyeete; ne waan boonoshi wottemmoyich boonoshich kupphii gettiti keemechinaꞌon wuxiyeete; oogichiꞌinoo neen hoxeheete.

Shoddo 106:28

Aroochee Feꞌoori beeti Baꞌaalina tookkii yesheheete; qiteenaꞌoyich deejjeeti deejjoon maaheete.

Isiyaasi 30:1

Doono Yeeri ishichiye: “Hukkechi bushiisheenaꞌoyich woowo! Ta waanee tuneyaani gaboona hammiyeete; axaaxee toommooch axaaxoon daakkoyich, ta ayaanoochee tuneyaani wogoon giyiyeete.

Erimiyaasi 1:7

Tunebaani Doono Yeeri taach ishichiye: “Ta wochemmo bulliich hammemmo ne tunetoyich, ta gettemmo bullin gettemmo ne tunetoyich, ‘Batt bushoo taane’ gettaahine.

Erimiyaasi 3:25

Wonnee tiijjaꞌa hanaach beddaahaa, noonnaa no qaabbechinaꞌona no Nuggishoo Doono Yeeri toommooch axaaxoon no shuunetoyich, no Nuggishoo Doono Yeerichi qaaroonoo waayo no qajjetoyich, no yeelloon beeroochoommon heci, no cooneyoonoo qoreddoochoommon ukeree, qebone.

Erimiyaasi 36:2

“Kooree natoon deebiree neech ta getteti aaboochee, ebiyoo Yosiyaasi taatee yemeenoochee tiijjii hanaach beddaahaa Yihudee asheenaꞌochon, Israꞌeelee asheenaꞌochonaa aagetee asheenaꞌo bullichonon ta getteti qaaro bullin kooribe.

Erimiyaasi 44:20

Aroochee Erimiyaasi ebin biich wochiti asho bullich, anaaminaꞌonaa maacheenaꞌonoyich ishichiꞌi wochiye:

Erimiyaasi 44:21

“Ittoshinaa ittoshi qaabbechinaꞌona, ittoshi taateenaꞌonaa ittoshi ukkireenaꞌona, showee asheenaꞌoo, Yihudee katemeenaꞌonaa Yerusaalemi gomminaꞌonoochaa ixaanoon ittoshi shookkiton, Doono Yeeri gabaachehe? Woyee bi mullooch tiphimaachehe?

Erimiyaasi 7:2

“Doono Yeerichi yaafee kechi kellooch neexebe; ebi qaaroonoo aroochaa ishichi gete: ‘Doono Yeerich goyinnoyich hini kelleenaꞌona giyiibeeti Yihudee asheenaꞌo bulloshite! Doono Yeerichi qaaroon waayebote.

Hiziqeeli 17:12

“Hukkechi macceenaꞌoyich ishichibe: ‘Ebi moochi biisho amo gaata ariyaachote? Ebiyoche, Baabloonee taatoo Yerusaalem waaꞌi bi taatoonaa bi iraasheenaꞌonon Baabloonee showooch bi waan daammitone.

Hiziqeeli 24:3

Hukkechi Israꞌeelee macceenaꞌoyich shaahiyoon gete: Nuggishoo Doono Yeeri ishichiye gete: ‘Shexxoon gemmooch ne kotiitoye gubb; aacon arooch hakkebe;

Hiziqeeli 40:4

Are uro taach “Ashi bushoocho, hiniich ne womi naboo ebin neech ta bekkiyemmoyichiye; ebich ne aafoona ciine; ne waamona waayebe; neech ta bekkii beeton ne mullooch gede; ne beeggemmo bullinoo Israꞌeelee macceenaꞌoyich gete” iye.

Amootsi 7:15

Tunebaani Doono Yeeri taan, gijjee hillooch dabboochee deebiꞌi, ‘Hamiree ta asheenaꞌo tuneti Israꞌeeleenaꞌoyich keemoon keembe’ iye.

Milikiyaasi 3:7

Ittoshi qaabbechinaꞌochi yemeenoochee tiijjiꞌi ta sheeroochee ikito ittoshine. Aroonoo quyeyaano ittoshine. Ta waan wottebote; tawoo ittoshi waan wottemmo taane. “Tunebaani ittoshi ‘No wottemmo aabichireeshiye?’ ito ittoshine.

Haddoo 20:10

Muusinaa Haroonina iiteenaꞌon xaqqee aafooch ikkooch kiciyeete. Muusiyoo boonoshich ishichiye: “Hini hukkechinaꞌote, and waayebote. Hini xaqqoochee aacon ittoshich kichibona?” iye.

Mishiraachechinaꞌo 7:51

“Illa hini ittoshi mullo muumeti, ittoshi waamoo ulleti babbereenaꞌote! Ittoshi qaabbechinaꞌochoommon ittoshiyoo wotta bulli aaboon Yaafe Ayaanoyich deꞌa getaano ittoshine.

Roomi 10:15

Wocheyaanoon aabichiree getteheete? Ebiyoo “Mishiraachee qaaroon gettiibeeti asheenaꞌochi womo am shaahoon emirikkitone” getaa bi kooreetoommoniye.

Yibbaatoo 9:24

Ittoshin ta ariiti aaboochee tiijjiꞌi and beddaahaa, wochii wochiꞌi Doono Yeeri toommooch hukkoon tiijjito ittoshine.

Yibbaatoo 9:27

Ne guuninaꞌo Abrahamin, Yisaaqinaa Yaaqobinon shalligibe. Hini asheenaꞌochi babberittinoon, gondoonaa axaaxoonon ciinnaahine.