Hiziqeeli 19:12 - Kafa Linguistics Project

¹² Tunebaani ebi woyino kaaroona waachehe; showoochoo duppehe. Aabi-keyo waani yongoona shuuqqiye; bi aafoo shekirehe; kupphe bi ateenaꞌoo shuuqqiyeete; qaaqqoo boonoshin maahe.

Hiziqeeli 19:12 ပူးပေါင်းရင်းမြစ်များ

2 Taateenaꞌo 23:29

Bi taatee yemeenooba, Gibitsee taatoo Neki Asooree taatoon gaacheya Efiraaxisi aacooch hammiye. Taatoo Yosiyaasi Gibitsee ginee naayinaꞌon kocha hammiye. Gibitsee taatoo Farooni biinna daneꞌi, Megidi katemoochaa biin wuxiye.

2 Taateenaꞌo 23:34

Aroochee Gibitsee taatoo Neki Yosiyaasi bushoo Eliyaqimin bi nihoo Yosiyaasichi keroon taatiihe; bi shigoonoo Yoyaqiimi iꞌi shaddiye. Yoꞌakaazinoo Gibits daammiye. Yoꞌakaaziyoo aroochaa qitiye.

2 Taateenaꞌo 24:6

Aroochee Yoyaqiimi qitiꞌi bi qaabbechinaꞌo waan xaꞌeehe. Bi bushoo Yoyakiini bi xaaꞌooch kereeꞌi taatehe.

Shoddo 52:5

Ebich Doono Yeeri bulli yemeenoon neen tiichemmone; ne kexoochee neen shotte kichiree aalliyemmone; kashechinaꞌo beeti hini showoochee neen waaxxemmone.

Shoddo 80:16

Etteenaꞌo arooch qaaqqoo geddiyeete; kuxxiinoo duppiyeete; boonoshin ne kaaretaa aallebeete.

Isiyaasi 27:11

Michi ateenaꞌo boonoshi shuuꞌiyooba tiisheheete; maacheenaꞌo qaaqqooch shookka maciyeete; shalligaalli asheenaꞌo boonoshi tunetoyich, boonoshin Hallito boonoshich ariqqeyaachemmone; boonoshin Hallito boonoshin gaawe aafoona ciinaachemmone.

Isiyaasi 27:8

Yeeri bi asheenaꞌon kecaa boonoshi hammemmoyich tuniyoona naxehe; aabi-keyo waanee giidechi yubee yongoochoommon boonoshin yookkiye.

Erimiyaasi 22:30

Doono Yeeri ishichiye: “Hini uroochi yaroochee biich kaamemmi asho, Daawitichi taatee qeenoochoo kotemmo, Yihudee showoochoo taatemmo illa daneyaachemmo bi tunetoyich, ‘Bushaallo, bi yemeenoochoo biich kaameyaani asho’ getiree kooribe” iye.

Erimiyaasi 31:28

Boonoshin waaxonaa happoonoyich, guufonaa aalliyoonoyich, iritoonoo boonoshi toommooch deeboyich ta kupphoommon, boonoshin manjiyoonaa bechoonoyich kupphemmo taane” iye Doono Yeeri.

Shoosho 2:1

Doono Tsiyoonin bi kaaroona am shaahoon qubo shiixxoommon shiixxiye! Israꞌeelichi oogoon shimaayoochee showooch ceqqehe; Tsiyooni bi baatee neexi xaaꞌee bi tunoon bi kaaree aabooba gabaanoone.

Hiziqeeli 15:2

“Ashi bushoocho, woyinee qomboo kubbooch beeti mixo bullichi atoyee bi beshemmo amoonane?

Hiziqeeli 15:4

Qaaqqoo aaxxiyoyich baachiye bi gaaccemmo; qaaqqoo gutte bi caappoon maachaa, bi duboonoo ciiciichaa iberoochaa amoyichona gaaccehe?

Hiziqeeli 17:10

Ebi woyino becheyoon becheetone; tunebaani dicon hakkehe? Aabi-keyo waani yongo biin yexiyooba ciroona shoollaachehe? Bi becheeti tagoochaa shoollaachehe?’ itone gete” iye.

Hiziqeeli 19:11

Bi ato kuppho bi tunetoyich, taatee gumbo aroochee danee beetone. Woyinee qomboo dunjunje kubboyee beshoon dicciye; bi neexo mixinaꞌochi daggooch genjee bekkehe; bi genjittino wodde ateenaꞌona tookkii hubbimii bekkehe.

Hiziqeeli 28:17

Mallet gaawoo ne tunoona ne mullo geecitone; ne oogoyicha iyaꞌa ne ariyoon eeꞌiihine. Ebich showooch neen duppehoye; neenna boonoshi cuuqqemmoyich taateenaꞌo aafooch neen duppehoye.

Hosee'i 13:15

Bi maneenaꞌo daggoochaa bi gaannetaanona aabi-keyo waanee yongo barahoochee yongebee Doono Yeeri ta waanee waaree, bi aachi xuuphoon takkemmone; bi aachi oppoonoo shuuꞌiyemmone; bi ginjabeetoochee aaxxe bi qiico bullin tiijji daammemmone.

Yoonaasi 4:8

Aabe kechemmona, Yeeri aabi-keyo waanee gaame yongoon deejjiye. Aabeyoo Yoonaasichi shimboon michaa kashooch qeechehe. Ebich qitiya qaatiꞌi, “Beemoyee qitoo taach gaawiye” iye.

Maatiyoosi 3:10

Andoo asho gonde mixon cammona waaxxii bi aalliyoommon, Yeeri biich deꞌa getaaneenaꞌon waaxiree aalliiya qannitone. Illa asho deꞌe aafoon aafeyaani mixo bullin kuxxiꞌi qaaqqee daggooch bi dufoommon, Yeeriyoo boonoshin ebiyoommon duppemmone.

Yowannisi 15:6

Koniyoona taanna beetaano bi tunegaata, kuxxii maaxooch dufaa shuuqqiibeeti ateenaꞌoommon tunemmone; boonoshinoo kiciree qaaqqooch duppemminaꞌone; michishoo gettemminaꞌone.

Yibbaatoo 29:28

And ebi bi tunetoommon, Doono Yeeri boonoshin shinee kaaree, naxoon boonoshi toommooch kindiiꞌi boonoshi showoochee boonoshin cammona waaxxiye; bare showoochoo daammiꞌi duppiye’ getaa getteyemmone.

Yibbaatoo 32:22

Ta kaaro qaaqqoochoommon aaxxemmone; Siꞌoolooch beddaahaa michemmone; showoonaa bi toommooch beeti goyo bullinon michemmone; geppee gaadoon michi aalliyemmone.