10 “Ne indee aachi gashooch becheeti woyinoommine; aachi woddoochee tiyitona aafeebeeti wottoo wodde atechi woyinee qombeyoommine.
Aroo, woce aachi gashooch becheeti, bi goori gooroona aafaabeeti, bi waamo shoollaani, mixiyoommone; bi shuuneebeeto bulli biich kaamemmone.
Ne kechi daggoochaa, ne mechee aafeebeeti woyinoommon tunemmine; ne bushiisheenaꞌoo ne madee guudoona zayitee michi colloommon tunemminaꞌone.
Bi collehooba qamini wottoo dengich gafgappiti woyinoon tunehe; bi ateenaꞌoo ebi booyo waan wotteꞌi dicciyeete; bi cammoo dugilla gaawichii dicciye. Ebi woyino waajjee ateꞌi woyinee qomboon tunehe.
Andoo barahooch, shuuqqii baggiti showooch daamaa becheehe.
“Ne indee daahereenaꞌochi daggooch am shaahe daahereene! More daahereenaꞌochi daggoochaa teeqqaacha bi bushiishoon dichiyane.
“Ciicote, ittoshi indeen ciicote. Are ta mechee tuno bi qajjetoyich, tawoo bi keno toono taane. Shunee mamonaa yahoonon bi waanee wokkiibuye.
Boonoshin xifaa shiyeti boonoshi indee yeellaalli shunimaayeene. Areyoo ‘Koshonaa aaconon, bagee eexoochee shuuneeti tahoon, muttee tuppoochee shippeti tahoon, zayitoonaa uyoonon taach immiti ta shunechinaꞌon dabbi hammemmi taane’ iyane.
“Ibere woyinee qombee indoo taane; gochiꞌi bechitoo ta Nihoone.
Ne Nuggishoo Doono Yeeri gaawe showooch neen daammii beetone. Ebi are showoo geppoonaa bamboonoochee xuupphiibeeti woce aaco, aachi xuuphoonaa aachi tunoona beeti showoone.
Koshon miyi ne maayemmi showoo, amoonolla ne mucceyaachemmi showoone. Ebi are showooch beeti xaqqeenaꞌoochee xuuroo danee beetone. Arooch beeti geppe showoochee gooshoon iijjemmo neene.