Hiziqeeli 19:1 - Kafa Linguistics Project

¹ Doono Yeeri Israꞌeelee iraasheenaꞌoyich ishichi hichoon ta caaggemmoyich gettiye:

Hiziqeeli 19:1 ပူးပေါင်းရင်းမြစ်များ

2 Taateenaꞌo 23:34

Aroochee Gibitsee taatoo Neki Yosiyaasi bushoo Eliyaqimin bi nihoo Yosiyaasichi keroon taatiihe; bi shigoonoo Yoyaqiimi iꞌi shaddiye. Yoꞌakaazinoo Gibits daammiye. Yoꞌakaaziyoo aroochaa qitiye.

2 Taateenaꞌo 24:12

Yihudee taatoo Yoyakiini bi indeena, bi iraasheenaꞌona, bi woraaferasheenaꞌonaa bi taatee kechi ukkireenaꞌona tookkii waaꞌi, Baabloonee taatoyich kishoon immiye. Baabloonee taatoo bi taateti shimittinnee natooba, Yoyakiinin keccii daammiye.

2 Taateenaꞌo 24:6

Aroochee Yoyaqiimi qitiꞌi bi qaabbechinaꞌo waan xaꞌeehe. Bi bushoo Yoyakiini bi xaaꞌooch kereeꞌi taatehe.

2 Kiinoo 35:25

Erimiyaasiyoo Yosiyaasich shooshehe. Shoosheebeeti anaaminaꞌo bullinaa maacheenaꞌo bullina hanaach beddaahaa ebi shooshoon shoosheebee Yosiyaasin shalligii beetinaꞌone. Ebiyoo Israꞌeeleenaꞌoyich doyoo tuneꞌi, Shooshee macaafooch kooreetone.

2 Kiinoo 36:10

Naawooba taatoo Nabukadinatsori Baabloonee showooch biin cuchiꞌi daammiye; Doono Yeerichi yaafee kexeexi aaxxi qiicoonoo biinna tookkii daammiye. Bi manoo Sedeqiyaasin Yihudee showoonaa Yerusaaleminooch taatiihe.

2 Kiinoo 36:3

Aroochee Gibitsee taatoo Yerusaalemaa bi taatittinoochee biin kindiihe. Yihudee showoo keejje humaa awudde balle kiilo giraamee birewoonaa shaashaa awudde kiilo giraamee aachoonon gibiro bi qoccemmoyich tuniihe.

2 Kiinoo 36:6

Baabloonee taatoo Nabukadinatsori Yihudee showoon kochii yechiye; Yoyaqiimin gooshee qoqqaannoona cuchiꞌi Baabloonee showooch daammiye.

Erimiyaasi 22:28

Tawoo ishichiyo “Hini uro Yoyakiini, hoxeeti tiishe qondoone? Yoyakiini qaaweyaani nuuqqee qiicoone? Biinnaa bi bushiisheenaꞌona boonoshi ariyaani showooch amoyich kecaa daammeeheete?” iyo.

Erimiyaasi 22:30

Doono Yeeri ishichiye: “Hini uroochi yaroochee biich kaamemmi asho, Daawitichi taatee qeenoochoo kotemmo, Yihudee showoochoo taatemmo illa daneyaachemmo bi tunetoyich, ‘Bushaallo, bi yemeenoochoo biich kaameyaani asho’ getiree kooribe” iye.

Erimiyaasi 24:1

Baabloonee taatoo Nabukadinatsori Yihudee taatoo Yoyaqiimichi bushoo Yoyakiinin, Yihudee iraasheenaꞌon, qoppechinaꞌonaa qemminaꞌonon Yerusaalemee keccii Baabloonee showooch bi daammitoyee gubb, Doono Yeeri taach hini yaaꞌoon bekkiihe; Doono Yeerichi yaafee kechi ciinooch gutte mokkee balaasee aafo koteꞌi beehe.

Erimiyaasi 24:8

“Doono Yeeri ta ishichiyoye: Yihudee taatoo Sedeqiyaasin, bi iraasheenaꞌon, hini showooch echeti Yerusaalemi beeti cureenaꞌon, Gibits beetinaꞌonoo, bi gondoochee tiyitona mamoyich hakkeyaani gonde balaasoommon tuniyemmo taane.

Erimiyaasi 9:1

Wuxeeti ta asheenaꞌoyich, xumoonaa areddoonon ta eeppemmoyich, ta qello aacon, ta aafo acimee tunoon tuneshoo geta!

Erimiyaasi 9:10

Guudinaꞌoyich eeppemmo taane; baraheexi gaddeenaꞌoyichoo shooshemmo taane; aroona asho besheyaani shokkaachoo tunetinaꞌone; miinji qaadoo waayeyaanoone; cooxinaꞌonaa shimaajji kafeenaꞌona goojjii hammitinaꞌone.

Shoosho 4:20

“Aageteenaꞌo daggoochaa nooch deebo tunemmone, bi yiirooch beeyemmo noone” no iti no taatoo, Doono Yeerina huutteti no kashee hiinno, boonoshi hiriyooch yechehe.

Shoosho 5:12

Iraasheenaꞌo kishoo cucheꞌi yooddeheete; geeneenaꞌoyichoo oogo bachehe.

Hiziqeeli 19:14

Bi giindoochee qaaqqoo kechiye; bi qaakkoonaa bi aafoonon maahe; ebich arooch kupphe ato aallehe; taatee gumbo aroochee dano qajjiye” iye. Ebi eefooba wochi wochaa caaggeyemmi hichoone.

Hiziqeeli 19:2

“Ne indee daahereenaꞌochi daggooch am shaahe daahereene! More daahereenaꞌochi daggoochaa teeqqaacha bi bushiishoon dichiyane.

Hiziqeeli 2:10

Ebi kishoo macaafoon ta aafooch yaggiye; ebi macaafo aafinaa gubbinooch kooreetone; ebi arooch shooshee qaaro, eeppi qaaroonaa caagee qaaroona kooreeꞌi beetone.

Hiziqeeli 26:17

Ishichiree ne toommooch shooshemminaꞌone: “Baharee toommooch giidechi, ne asheenaꞌona ne guudoona beetinaꞌo bullin shatiibeeti, aricheti katemeene, aabichaꞌa baharoochee aallenne!

Hiziqeeli 27:2

“Ashi bushoocho, Xiroosich shooshebe.

Hiziqeeli 27:32

Neech ayini eefibee, ishichi neech shooshemminaꞌone: “Baharee daggooch aallee echeti, Xiroosiyoommo koni beete?” gettemminaꞌone.

Hiziqeeli 28:12

“Ashi bushoocho, Xiroosi taatoyich shooshebe: Nuggishoo Doono Yeeri ta gettaa beeton ishichi biich gete: ‘Ariyoona ceenneto, malleteechi gaawe shaahiyoo neene.

Hiziqeeli 32:16

“Boonoshi shooshemmi shoosho ebine; aagetee maache bushiisheenaꞌo shooshemminaꞌone; Gibitsinaa dofee bi asheenaꞌonoyich shooshemminaꞌone, iye Nuggishoo Doono Yeeri” iye.

Hiziqeeli 32:18

“Ashi bushoocho, ebi dofee Gibitsee asheenaꞌoyich eefe; boonoshin giidechi aagetee asheenaꞌona tookki maash deeni daachiibe.

Hiziqeeli 32:2

“Ashi bushoocho, Gibitsee taatoo Faroonich shooshebe; biichoo ishichibe: ‘Aageteenaꞌo daggooch neen daaheroo tuniiꞌa ciinnehine; tunebaani baharooch beeti, shattiibeeti cooxoommo neene; aaconoo ne baatoona kobecaꞌa qudiito neene.

Amootsi 5:1

Israꞌeeleenaꞌote, ittoshi toommooch ta caaggaabeeti hichoon waayebote!