Hiziqeeli 18:9 - Kafa Linguistics Project

⁹ ta qociyoommona bi shaaddegaata, ibere mooyon tuniyoyich ta geteenaꞌon bi quyegaata, aroo cadiqe ashoone; biyoo kashoona beeyemmone, iye Nuggishoo Doono Yeeri.

Hiziqeeli 18:9 ပူးပေါင်းရင်းမြစ်များ

1 Taateenaꞌo 9:4

“Newoo, ne nihoo Daawitichoommon, ta getoon ne waayegaata, xalle mulloonaa kaamittinoona taach ne maddegaata, neech ta getteto bullin ceechaa ne tuniigaata, ta qociyoonaa ta doyoonon ne quyegaatoo,

Shaahiyoo 12:28

Cadiqittinee gommooch kasho beetone; are gommooch qitoo aalloone.

Hiziqeeli 11:12

Ittoshi guudoona beeti aageteenaꞌo sheeroon quyehotalli ta qociyoona hamaano ittoshi tunetoyich, ta getoon quyo ittoshi qajjitoyich, ebiyooba Doono Yeeri ta tunoon ariyemmo ittoshine” iye.

Hiziqeeli 18:10

“Tunebaani ebi uroo boggechi woyee damee ukkechi woyee ebi sheeroochee ikkoonolla tuniyaane bushoo biich beegaata,

Hiziqeeli 18:17

girechon xuꞌo bi qayigaata, gijjoon koyitiyoon bi qayigaata, wodde shimon deꞌo bi qayigaata, ta qociyoona bi beegaata, ta getoona bi hamigaata, aroo kashoona beeyehalli bi nihoochi axaaxoona ciroona qitaachemmone.

Hiziqeeli 18:19

“Tunebaani ittoshi ‘Bushoo bi nihoochi axaaxoyich amoyich naxeyaache?’ ii beeto ittoshine. Bushoo dayinnetoonaa kaamoona tuneti mooyon bi tuniigaata, ta qociyeenaꞌo bullin bi quyegaata, iberoochaa kashoona beeyemmone.

Hiziqeeli 20:11

Asho bi ceechigaata kashoona bi beeyemmi ta qociyoon boonoshich immeho; ta getoonoo boonoshich arichiiho.

Hiziqeeli 20:13

“ ‘Tunebaani Israꞌeelee macceenaꞌo barahoochaa ta toommooch tiyiyeete; asho bi ceechigaata kashoona bi beeyemmi ta qociyoona beemon qajjiyeete; ta getoonoo hamaaneenaꞌone; ta shambetoonoo ciroona eeꞌiiheete. Ebiyooba boonoshin aalliyoyich, ta kaaroon barahoochaa boonoshi toommooch kindiiya gabiyoye.

Hiziqeeli 33:15

yechiyoo bi deqqiton bi wochigaata, bi boggitonoo bi wochigaata, kashoon daniibeeti geteenaꞌon bi dabbigaata, axaaxoon shuuno bi qayigaata, kashoonalli bi beeyemmo qitaachemmone.

Hiziqeeli 36:27

Ta Ayaanoon ittoshi kashooch kotiyoona ta qociyoona ittoshi shaaddemmoyich, ta getoonoo manjii ittoshi quyemmoyich, tuniyemmo taane.

Hiziqeeli 37:24

“ ‘Ta guuno Daawiti boonoshi toommooch taatemmone; bullichona ikke qiddoo tunemmone; ta geteenaꞌon dabbemminaꞌone; ta qociyeenaꞌonoo gaawichi quyemminaꞌone.

Leweenaꞌo 18:5

Asho eboshin tuniiree kashoona bi beeyemmoyich, ta dojjiti doyoonaa ta qociiti qociyoonon quyebote. Ta, Doono Yeeri taane.

Amootsi 5:14

Kashoona ittoshi beeyemmoyich, deꞌoonalli gondoon shuuneya qaawiyaahote. Ebin ittoshi tuniigaata, ittoshi gettitoommon Beshe Mawe Nuggishoo Doono Yeeri ittoshina tookki tunemmone.

Amootsi 5:24

Ebiyee, dayinneto aachi xuuphoochoommon, cadiqoo tahaani aacochoommon ufebe!

Amootsi 5:4

Doono Yeeri Israꞌeeleenaꞌoyich ishichiye: “Ta waan wottebote; kashoona beeyemmo ittoshine.

Imbaaqoomi 2:4

Ne kooremmo ebiniye: ‘Gonde asheenaꞌo yagaachemminaꞌone; tunebaani cadiqeenaꞌo, ta toommooch mulloon boonoshi tooꞌitoyich, kashoona beeyemminaꞌone’ ii beetoniye” iye.

Luqaasi 1:6

Gutteenaꞌoo Doonochi getoonaa qociyonoochee ikkoonolla shappayaanoon ceechii beetinaꞌone; Yeeri aafoochoo cadiqeenaꞌone.

Yowannisi 14:21

‘Tuniibe’ iyaꞌa ta getteton deꞌa iꞌi tuniibeeto, taan shunniibeeto aroone; taan shunnii beeton ta Nihoo shunnemmone; tawoo shunnemmo taane; biichoo bekkemmo taane” iye.

Mishiraachechinaꞌo 24:16

Ebich Yeerinaa asheenaꞌonochi aafooch bulli aaboon ittibateyaani mulloona beemoyich qiiccaabeeto taane.

Roomi 1:17

Ebiyoo mishiraachee qaaroona Yeer waanee daneebeeti cadiqoo bi bekkee beetoyichiye; ebi cadiqoo bi bekkeebeeto, shiichoochee ciirooch beddaahaa Kiristoosi toommooch mulloon tooꞌiyoonane. Ebiyoo “Yeeri toommooch mulloon tooꞌiyoona cadiqito kashecho tuneree beeyemmone” getaa bi kooreetoommoniye.

Roomi 8:1

Illa Kiristoos Yesuusina beetinaꞌo toommooch and Yeerichi naxo kindaache.

Yibbaatoo 11:1

Muusi Israꞌeeleenaꞌoyich ishichiye: “Illa ebich ne Nuggishoo Doono Yeerin shune. Ne tuniyemmoyich bi qaawiibeeti mooyo bullin, bi qociyoon, bi dojjiti doyoonaa bi getoonon bulli aaboon ceechi quyebe.

Yibbaatoo 4:1

Aroochee Muusi Israꞌeeleenaꞌoyich ishichiye: “Illa and Israꞌeeleenaꞌote, kashoona ittoshi beeyemmoyich, ittoshi qaabbechinaꞌochi Nuggishoo Doono Yeeri ittoshich bi immiibeeti showooch giyi ittoshi woraashemmoyichoo, ittoshich ta qociibeeti qociyoonaa ta dojjaabeeti doyoonon quyebote.

Yibbaatoo 5:1

Muusiyoo Israꞌeeleenaꞌo bullin ceeggiꞌi boonoshich ishichiye: “Israꞌeeleenaꞌote, hanaach ittoshich ta gettaabeeti ebi qociyeenaꞌonaa doyeenaꞌonon elle waayebote. Eboshin doyibote; manjiireeshoo quyebote.

Yibbaatoo 6:25

No Nuggishoo Doono Yeeri nooch gettito bullin, bi aafoochaa gaawichaa no quyegaata, ebi nooch cadiqoo tunemmone’ gete” iye.

1 Yowannisi 2:29

Cadiqo bi tunoon ariibeeto ittoshine; ebich cadiqoon shuuneebeeto bulli bi waanee bi shiijjoon ariibote.

1 Yowannisi 3:7

Ta shuni bushiisheenaꞌote! Koniyoona ittoshin bi muriciyaachemmoyich, ittoshi qelloon ariibot! Kiristoosi cadiqo bi tunetoommon cadiqittinoon tuniibeeto cadiqoone.