Hiziqeeli 18:8 - Kafa Linguistics Project

⁸ gijjoon koyitiyoo bi qayigaata, wodde shimon deꞌo bi qayigaata, gonde shuunoon bi qayigaata, ashoonaa ashoonochi daggooch dayinnetoona bi nalligaata,

Hiziqeeli 18:8 ပူးပေါင်းရင်းမြစ်များ

2 Saameeli 22:24

Bi aafooch oonaallo taane; gondoon shuunoochee ta qelloon quyeto taane.

Nehimi 5:15

Tunebaani tayee aaf beeti showee iraasheenaꞌo asheenaꞌo toommooch mooyon maggiitinaꞌone; maayoonaa woyinee uyoonoyee daakkiꞌi aabbe sheqeelee birewoon deqqii beeheete; boonoshi naayinaꞌoo asheenaꞌo toommooch doonjee beeheete. Tunebaani ta, Yeerin ta shattetoyich, ebiyoommon tuniyaano taane.

Shoddo 15:5

bi gijjoon koyitiyaano, xalle asheenaꞌon gondiyoyich xuccoon maataano. Ebi mooyinaꞌon tuniibeeto, ciroona keqqaanoon beeyemmone.

Keyo 22:25

“Ta asheenaꞌo daggoochee amolla boonoshich aalli iriteetinaꞌoyich gijjoon ittoshi erettiigaata, koyitiyechochoommon shimon echeyaahote.

Shaahiyoo 28:8

Koyitiyoonaa bogona gaannoon kiciibeeti asho, bi kiciibeeto, girechinaꞌoyich ariqqee beetoyichiye.

Isiyaasi 1:17

Deꞌe mooyon shuunoon doyibote; dayinnetoon qaawibote; xukketon wodiibote; nihaalleenaꞌoyich neexebote; xuumeenaꞌoyichoo taggebote” iye.

Isiyaasi 33:15

Cadiqoona beeto, iberoon yibbaateebeeto, xuꞌoona daneebeeti shimon hoxeebeeto, xuccoochee bi kishoon quyeebeeto, damoon ukkiya koceyoon waayoochee bi waamon oppeebeeto, gondoon ciinoochee bi aafoon oppeebeeto,

Erimiyaasi 15:10

Ta indeene, aakkiya taan shiyetine? Taach woowo! Showoo bullich cagoonaa hayoonoyich tuneto taane; koni waaneenolla eretteyaano taane; konichona erettiyaano taane; tunebaani asho bulli taan uppiye.

Hiziqeeli 11:12

Ittoshi guudoona beeti aageteenaꞌo sheeroon quyehotalli ta qociyoona hamaano ittoshi tunetoyich, ta getoon quyo ittoshi qajjitoyich, ebiyooba Doono Yeeri ta tunoon ariyemmo ittoshine” iye.

Hiziqeeli 18:13

bi koyitiigaata, shimon bi deꞌigaata, iberoochaa kashoona beeyehe? Kashoona beetaachemmone. Ebi bulli ciigiiti mooyon bi tuniitoyich iberoochaa qitemmone; bi damoo bi toommooch tunemmone.

Hiziqeeli 18:17

girechon xuꞌo bi qayigaata, gijjoon koyitiyoon bi qayigaata, wodde shimon deꞌo bi qayigaata, ta qociyoona bi beegaata, ta getoona bi hamigaata, aroo kashoona beeyehalli bi nihoochi axaaxoona ciroona qitaachemmone.

Hiziqeeli 22:12

Ne daggoochaa damoon ukkoyich xucco maaheete; newoo shimonaa koyitoonon deqqeti neene; ne xibeenaꞌo waanee daboona gaacoon daneti neene; taanoo batteti neene, iye Nuggishoo Doono Yeeri.

Leweenaꞌo 19:15

“ ‘Dayinnetoon dabiiyaahine. Girecho waan gaꞌeyaahine. Gaannechoyichoo bariti oogoon immaahine. Tunebaani neenoommi ne manoyich dayinnetoona nallibe.

Leweenaꞌo 19:35

“ ‘Nalloochaa, qellayoochaa, machoona qoconaa shafiroonoochaa daboon shuuneyaahote.

Zakaariyaasi 8:16

Ittoshi tuniyemmi mooyinaꞌo eboshine: Ittoshinaa ittoshina ibere yibbaatoon yibbaatebote; ittoshi addibaaboochaa diggoon deebemmi, ibere nalloon nallibote.

Zakaariyaasi 8:19

“Awuddinnee agenooch, uuchinnee agenooch, shabaattinnee agenoonaa aashirinnee agenoonooch coomeebeeti coomoo Yihudee asheenaꞌoyich emiree baaree aabo, emiroona wucwuci baaree aabo tunemmone. Tunebaani ittoshi iberittinoonaa diggoona beemonon shunote” iye.

Yibbaatoo 23:21

“Ne Nuggishoo Doono Yeerich ne mookkegaata, ne Nuggishoo Doono Yeeri ebin ne waanee qaawiibeeto bi tunetoyich, ne mookketon ceechaanoon yagiyaahine. Ne ceechoo qayigaata, ebi neech axaaxoon tunemmone.