Hiziqeeli 18:31 - Kafa Linguistics Project

³¹ Ittoshi xuꞌoon okk dufote; andire mulloonaa andire ayaanoona ittoshich beebe. Israꞌeelee macceenaꞌote, amoyichiye ittoshi qitemmo?

Hiziqeeli 18:31 ပူးပေါင်းရင်းမြစ်များ

2 Taateenaꞌo 17:13

Doono Yeeri, “Gonde ittoshi gommoochee wottebote. Ittoshi qaabbechinaꞌoyich ta getteti sheeroo bulliyoommon, keemechi ta guuninaꞌona ittoshich ta deejjiti ta getoonaa ta qociyoonon quyebote” iꞌi bi wocheyechinaꞌo bullinaa bi keemechinaꞌo bullina Israꞌeeleenaꞌonaa Yihudee asheenaꞌonoyich kupphiiꞌi gettitone.

Shoddo 34:14

Gonde mooyoochee wohe; gaawe mooyon tuniibe; diggoona beemon kupphiiree qaawibe.

Shoddo 51:10

Yeero, xalle mulloon taach hallibe; andiroonaa kaamoona tuneti ayaanoon taach imbe.

Shaahiyoo 8:36

Tunebaani taan mucceto bi qellich gondiihe; taan shixxiibeeto bulli, qitoon shunniye” iyane.

Isiyaasi 30:22

Qiicaa shuuneeꞌi birewoona dikkeeti, wociitaa shuuneeꞌi aachoona dikkeeti ittoshi shahalleenaꞌon eeꞌe mooyochoommon “Okk wohote” getiree wokkii duppemmo ittoshine.

Isiyaasi 31:6

“Israꞌeeleenaꞌote, kupphiiꞌi ittoshi hukketi ta waan wottebote.

Isiyaasi 55:7

Gonde asho bi gommon, axaaxecho bi gaboon qaye; no Nuggishoochi ariqqo woddoo bi tunetoyich, biinoo bi maaremmoyich Doono Yeer waan wottebe.

Isiyaasi 59:20

“Biishecho Tsiyoon, boonoshi axaaxoochee wotteti Yaaqobi yareenaꞌo waan woyemmone” iye Doono Yeeri.

Erimiyaasi 21:8

Andoo asheenaꞌoyich ishichi ta gettemmoyich gettiye: “Doono Yeeri ta, ittoshi aafooch kashee gommonaa qitee gommonon qanniito taane.

Erimiyaasi 27:13

Baabloonee taatoyich maddaani ashichon Doono Yeeri gettitoommon, neennaa ne ashoona, goraadoona, shaacoona, biiyoonoo ittoshi qitemmo amoyichiye?

Erimiyaasi 27:15

Doono Yeeri ‘Ta boonoshin deejjaano taane; tunebaani ittoshin ta yookkemmoyich, ittoshiyoo aallemmoyich tuniiya ta shigoona kootoon keemmii beetinaꞌone; ittoshiyoo ebi ittoshich kootoon keemmii beetinaꞌoo aallemmo ittoshine’ itone” iyo.

Erimiyaasi 32:39

Boonoshichoo boonoshiyee gubbi boonoshi bushiisheenaꞌoyichoo bi gaawemmoyich, bulli aaboochoo taan boonoshi shattemmoyich, ikke mulloonaa ikke gommonon immemmo taane.

Erimiyaasi 4:4

Yihudee asheenaꞌonaa Yerusaalemi beeyechinaꞌonote! Ittoshi gonde shuunoyich koniyoona takkoon hakkaachemmi ta kaaro qaaqqoochoommon aaxxemmo bi tunetoyich, ittoshi mulloon dokireeree, Doono Yeeri taach hajjeebote.

Erimiyaasi 44:4

Ta shixxaabeeti ciigiiti mooyon boonoshi tuniyaachemmoyich wochii wochii boonoshi waan keemechi ta guuninaꞌon daachiihoye.

Hiziqeeli 11:19

Qoodeyaani mulloon boonoshich immemmo taane; boonoshi kashooch andire ayaanoon kotiyemmo taane; xaqqoommi boonoshi mulloon kichiichi meechi mulloon boonoshich immemmo taane.

Hiziqeeli 20:7

Tawoo boonoshich “Ittoshi ikkikkoona oogichii ittoshi shunniibeeti ciigiiti mooyinaꞌon ittoshi waanee wokkiibote; Gibitsee showeexi shahalleenaꞌona eeꞌeyaahote; ta ittoshi Nuggishoo Doono Yeeri taane” iyoye.

Hiziqeeli 33:11

‘Ta, beeyechi Nuggishoo Doono Yeeri ta tunoona wogehoye: Axaaxecho bi gommoochee wotteree kashoona bi beeyemmoyichani, bi qitoona emiraache. Israꞌeelee macceenaꞌote, wottebote. Ittoshi gonde gommoochee wottebote. Amoyichiye ittoshi qitemmo?’ itone gete.

Hiziqeeli 36:26

Andire mulloon ittoshich immemmo taane; andire ayaanoonoo ittoshi kashooch kotiyemmo taane; xaqqee mulloon ittoshi meechi daggoochee kichemmo taane; meechi mulloon ittoshich immemmo taane.

Hiziqeeli 43:9

Andoo boonoshi yahoonaa qititi boonoshi taateenaꞌoyich boonoshi tuniibeeti mooyonon ta waanee wokkiibeete; tawoo boonoshi daggooch bulli aaboon beeyemmo taane” iye.

Zakaariyaasi 1:3

Tunebaani and ittoshich gettoye: Ta waan wottebote; tawoo ittoshi waan wottemmo taane.

Maatiyoosi 12:33

Daakkiꞌi Yesuusi ishichiye: “Mixo bulli bi aafoona bi arichee beetoyich, deꞌe aafoon danoyich, deꞌe mixo ittoshich beemo qaawiihe; tunebaani gonde mixo ittoshich bi beegaata, gonde aafoon danemmo ittoshine.

Maatiyoosi 23:26

Hini aaf dooge Farisoocho, shiichiree maacichon mayi xalliibe; maachichoo tookki xallemmone.

Mishiraachechinaꞌo 13:46

Tunebaani Phawuloosinaa Barnabaasina aafoon kuppheꞌi ishichiyeete: “Yeerichi qaaro shiichii ittoshich getteyoo qaawiihe. ‘Waayeꞌi deꞌa getaachone’ ittoshi getona ittoshi toommooch nallito ittoshine; ebich bulli yemeenee kashoon danoyich beddito tuneyaachemmo ittoshine. Illa no, Aageteenaꞌo waan hammaabeeto noone.

Mishiraachechinaꞌo 3:19

Illa Yeeri ittoshi axaaxoon hidiree bi wokkiyemmoyich, ittoshi axaaxee gommoochee Yeer waan wottebote.

Roomi 12:2

Gaawetonaa biin emirikkii beetona, shappaalloonoo tuneti Yeerichi daaggoon xiishii ariyoon ittoshi hakkemmoyich, Yeeri andire mulloon bi imaa andirebotalli, hini alemeexi asheenaꞌochi mooyon dabbiyaahote.

Roomi 8:13

Meechi daaggoona ittoshi beegaata, qitemmo ittoshine; tunebaani Yeerichi Ayaanee giidoona meechi shuunoon ittoshi wuxigaata, kashoona beeyemmo ittoshine.

Yibbaatoo 30:15

Muusi Israꞌeeleenaꞌoyich ishichiye: “Ebiyoche, hanaach deꞌoonaa gondoonon, kashoona beemonaa qitoonon ne aafooch kotiito taane.

Yibbaatoo 30:19

“Hanaach kashoona beemonaa qitoonon, diiroonaa ufonon ittoshi aafooch ta kotiyoyich shimaayoonaa showoonon miixoo ceeggaabeeto taane. Illa neennaa ne shiijjeroona kashoona ittoshi beeyemmoyich kashoona beemon kaace.

Yaaqobi 1:21

Ebich tiyaariibeeti shuunoo bullinaa gonde qoco bullinon bayiichi, ittoshi kashoon wodiyoon hakkiibeeti, Yeeri ittoshi mullooch bechiti qaaroyich ittoshi qelloon yittiiree deꞌa getote.

Yaaqobi 4:8

Yeer waan katinote; biyoo ittoshi waan katinnemmone. Hini axaaxechinaꞌote, ittoshi kishoon xalliibote. Gutte gabechinaꞌote, ittoshiyoo wotta ittoshi mulloon xalliibote.

1 Pheexiroosi 1:14

Yeerich deꞌa ii beeti bushiishoon tunebotalli, ebiyee aaf tuushoona ittoshi shuunetoommi qaatoon dabbiyaahote.

1 Pheexiroosi 1:22

Guttinnoon ittoshi shiijjeto, kashechonaa bulli yemeenoon beeyechona tuneti Yeerichi qaaroocheeniye; ebiyoo aalleyaani yaroocheenalli aallemmi yaroochee toonoone; and iberee qaaroyich deꞌa getona xalleꞌi ittoshi maneenaꞌoyich ibere shuno ittoshich beetone; ebich mulloochee tiijjiree ittoshinaa ittoshina manjiiree shunebote.

1 Pheexiroosi 2:1

Illa gondo bullin, dawushoo bullin, mullee xalloo shaahoon, qanaatoon, oono bullinoo ittoshi waanee wokkiibote.