Hiziqeeli 18:30 - Kafa Linguistics Project

³⁰ “Israꞌeelee macceenaꞌote, ebich bi gommi gommoommona asho bi ikkikkoochi toommooch nallemmo taane, iye Nuggishoo Doono Yeeri. Gondoochee wottebote; axaaxoo xugoon ittoshich bi tuneyaachemmoyich ittoshi xuꞌo bulliichee wottebote.

Hiziqeeli 18:30 ပူးပေါင်းရင်းမြစ်များ

Iziri 10:11

Andoo ittoshi qaabbechinaꞌochi Nuggishoo Doono Yeerich aannibote; bi daaggoon ceechibote. Showee toommeexi aageteenaꞌonaa dallaawe maacheenaꞌonoyee baribote” iye.

Dojjecho 12:14

Ebiyoo, asho shuuneebeeti gonde shuunoo tuneba deꞌe shuunoo bulli toommooch, aasheexonona echiyaanoon Yeeri nallemmo bi tunoone.

Dojjecho 3:17

Tawoo ta mulloona “Mooyo bullinaa shuunoo bullinoyich taajjeeti aabo bi beetoyich, Yeeri cadiqo toommooch tuneba axaaxecho toommooch nallemmone” iyaꞌa gabiyo.

Isiyaasi 21:12

Tawoo wochaꞌa, “Haroon, hariya ii beetone; tunebaani wochi xumemmone; echoon ittoshi qaawigaata, echebote; wochinnoon wotteree wobote” iyo.

Isiyaasi 59:20

“Biishecho Tsiyoon, boonoshi axaaxoochee wotteti Yaaqobi yareenaꞌo waan woyemmone” iye Doono Yeeri.

Erimiyaasi 25:5

Ebi keemechinaꞌo ‘Ittoshi bulliyona ittoshi gonde gommonaa ittoshi gonde shuunoonoochee wottebote; Doono Yeeri ittoshinaa ittoshi qaabbechinaꞌonoyich wonnee tiijjiꞌi bulli aaboyich bi immiti showooch kotemmo ittoshine;

Erimiyaasi 3:22

“Gibeneyaani bushiisheenaꞌote, ta waan wottebote; gibeneyaano tunoochee ittoshin shiwemmo taane” iye. Ebiyoche ne, no Nuggishoo Doono Yeeri ne tunetoyich, ne waan waato noone.

Erimiyaasi 35:15

Keemechinaꞌo tuneti ta guuninaꞌo bullin wochii wochii ittoshi waan deejjaꞌa, boonoshina “Ittoshi ikkikkoona ittoshi gonde gommoochee wottebote; ittoshi shuunoon gaawichibote; boonoshich goyinnoyich bare nuggisheenaꞌon dabbiyaahote; ittoshinaa ittoshi qaabbechinaꞌonoyich ta immeti showooch kotemmo ittoshine” iyoye; tunebaani ittoshi, ittoshi waamon ta waan gaꞌiyaano ittoshine; taachonoo waayeyaano ittoshine.

Erimiyaasi 7:3

Israꞌeelee Nuggishoo Beshe Mawe Doono Yeeri ishichiye: Ittoshi gommonaa ittoshi shuunoonon gaawichibote; hini xaaꞌooch ittoshin kotiyemmo taane.

Hiziqeeli 14:6

“Ebich Israꞌeelee macceenaꞌoyich ishichibe: Nuggishoo Doono Yeeri ishichiye: ‘Shahalleenaꞌoyich goyinnoon qayiichi ta waan wottebote; ciigiiti ittoshi mooyinaꞌon qayiichi hach guudote’ gete.

Hiziqeeli 18:21

“Axaaxecho bi shuuneebeeti axaaxoochee wotteꞌi ta geto bullin bi quyegaata, dayinnetoonaa tate mooyonon bi tuniigaata, kashoona beeyehalli ciroona qitaachemmone.

Hiziqeeli 18:29

Tunebaani Israꞌeelee macceenaꞌo ‘Yeerichi gommo kaamoo toonoone’ itinaꞌone. Israꞌeelee macceenaꞌote, iberoochaa ta gommo kaamoo toone? Kaamoo tuneyaano ittoshi gommo toone?

Hiziqeeli 24:14

“Doono Yeeri ta getteto taane; ta tuniyemmi aabo katinnitone; gubb wotteyaachemmo taane; ariqqeyaachemmo taane; axireyaachemmo taane; ne gommoommona, ne shuunoommonoo ne toommooch nallemmo taane” iye Nuggishoo Doono Yeeri.

Hiziqeeli 33:11

‘Ta, beeyechi Nuggishoo Doono Yeeri ta tunoona wogehoye: Axaaxecho bi gommoochee wotteree kashoona bi beeyemmoyichani, bi qitoona emiraache. Israꞌeelee macceenaꞌote, wottebote. Ittoshi gonde gommoochee wottebote. Amoyichiye ittoshi qitemmo?’ itone gete.

Hiziqeeli 33:20

Tunebaani ittoshi, ‘Doonochi gommo kaamoo toonoone’ iyote; Israꞌeelee macceenaꞌote, ittoshi shuuni shuunoommon ittoshi toommooch nallemmo taane” iye.

Hiziqeeli 33:9

Tunebaani gonde ashoon bi gommoochee bi wottemmoyich ne meeqqeqqiichaa wottoon bi qayigaata, bi axaaxoona qitemmone; tunebaani ne, ne kasheen wodiyemmo neene” iye.

Hiziqeeli 34:20

“ ‘Ebich Nuggishoo Doono Yeeri ta boonoshich ishichiyoye: Ta, awujjiti bageenaꞌonaa dalliti bageenaꞌonochi daggooch nallemmo taane.

Hiziqeeli 36:19

Aageteenaꞌooch boonoshin shaccehoye; showeenaꞌoochoo baqeeheete; boonoshi beemoommona, boonoshi shuunoommonoo boonoshi toommooch nalliyoye.

Hiziqeeli 43:9

Andoo boonoshi yahoonaa qititi boonoshi taateenaꞌoyich boonoshi tuniibeeti mooyonon ta waanee wokkiibeete; tawoo boonoshi daggooch bulli aaboon beeyemmo taane” iye.

Hiziqeeli 7:27

Taatoo eeppemmone; woraaferashoo gibenoon kuxxemmone; showee asheenaꞌochi kishoo keqqoona qewemmone; boonoshi gommi gommoommona boonoshi toommooch tuniyemmo taane; boonoshi nallitoommon boonoshi toommooch nallemmo taane; Doono Yeeri ta tunoon ariyemminaꞌone” iye.

Hiziqeeli 7:3

Israꞌeele, and ne ciiro shaggitone; ta kaaroon ne toommooch deejjemmo taane; ne gommoommona ne toommooch nallemmo taane; ciigiiti ne qocoo bullich neen naxemmo taane.

Daaneeli 9:13

Muusichi Sheerooch bi kooreetoommon, ebi bulli naxo no toommooch shaggiye; tunebaani axaaxoon shuunoon qajjaa, iberoo tuneti ne qaaroon waayaꞌa, no Nuggishoo Doono Yeeri ne waanee maaroon qaawaano noone.

Hosee'i 12:6

Ebich ne Nuggishoo Yeer waan wottebe; shunechonaa dayinnetechonon tunebe! Bulli aaboon ne Nuggishoon gibenebe!

Zakaariyaasi 1:4

Ittoshi qaabbechinaꞌon shaahiyaahote. Ebiyee aafi keemechinaꞌo boonoshich, ‘Beshe Mawe Doono Yeeri, ittoshi gonde gommonaa gonde shuunoonoochee wottebote, itone’ iꞌi gettiyeete; tunebaani boonoshi waayemmon qajjiꞌi ta getoonoo aaxxiyaache iyeete.

Milikiyaasi 3:18

Ebiyooba cadiqoonaa axaaxechonochi, Doono Yeeri taach maddeebeetonaa maddaanoonochi daggooch beeti barbarittinoon beeggemmo ittoshine” iye.

Maatiyoosi 16:27

Ashi Bushoo bi Nihoochi oogee yiiroona bi maraakeenaꞌona tookki katinoon woyemmone; arooba bullich bi shuuni shuunoommon immemmone.

Maatiyoosi 25:32

Aagetee asheenaꞌo bulli bi aafooch kiceyemminaꞌone. Qiddoo bageenaꞌon emmisheenaꞌo daggoochee bi barbariyoommon boonoshi bullin barbariyemmone.

Maatiyoosi 3:8

Illa axaaxee gommoochee Yeer waan ittoshi wottoon bekkiibeeti shuunoon shuunebote.

Luqaasi 13:3

Ittoshich gettoye: Ebi toonoone! Tunebaani axaaxee gommoochee Yeer waan wottoo ittoshi qayigaata, ittoshi bulli ebiyoommon aallemmo ittoshine.

Luqaasi 13:5

Ittoshich gettoye: Ebi toonoone! Tunebaani axaaxee gommoochee Yeer waan ittoshi wottoo qayigaata, ittoshi bulli ebiyoommon aallemmo ittoshine” iye.

Mishiraachechinaꞌo 26:20

Shiichaꞌa Damaasiqa beetinaꞌoyich, gubb wotta Yerusaaleminaa Yihudee showoo bullinooch beetinaꞌoyich, wotta Aageteenaꞌoyich axaaxee gommoochee Yeer waan boonoshi wottemmonaa boonoshi wottoon bekkiibeeti shuunoon boonoshi shuunemmonoyich gettoye.

Roomi 2:5

Tunebaani “Axaaxee gommoochee Yeer waan wotteyaache” ii beeti mulli manjoo ne tunetoommon, Yeeri kaamittinee nalloon bi bekkiyehoobinaa kaaree shiixxoon bi kindiyemmi aaboobinoyich kaaree shiixxoon ne toommooch kicaabeeto neene.

Yaaqobi 1:15

Aroyee gubb ebi uroochi gonde qaatoo yeqqefeꞌi axaaxoon shiyihe; axaaxoo diccii oogeꞌi qitoon shiyihe.

1 Pheexiroosi 1:17

Koninolla heppaanoon bi ikkikkoyich bi shuuneti shuunoommona bi toommooch nalliibeeti Yeerin “Ta Nihoocho!” iꞌi ittoshi ceeggii beetoyich, illa hini iibboommo tuneꞌi, ittoshi beeti yemeeno bulliich biin shatona beebote.

Yaaꞌoo 2:16

Illa axaaxee gommoochee Yeer waan wottebe! Ebi tuno qayigaata, kaateree neech woyemmo taane; waaree ta kookkoochee kechiibeeti goraadoona boonoshin kochemmo taane.

Yaaꞌoo 2:5

Illa amoochee ne dihito gaata gabibe; axaaxee gommoochee Yeer waan wottebe; aafi ne shuunoon tuniibe. Ebi tuno qayigaata, neech woyemmo taane; axaaxee gommoochee Yeer waan wottoon ne qayigaata, ne maqirajjoon bi xaaꞌoochee tiijjemmo taane.

Yaaꞌoo 20:12

Qititinaꞌo, gishiisheenaꞌonaa ogoogeenaꞌona qeechi aafooch neexeꞌi boonoshi beetaa beeggeho; macaafeenaꞌo gaxxeeheete; wotta bare macaafo gaxxeehe; aroo kashee macaafoone. Qititinaꞌoyich macaafeenaꞌooch kooreetoommon boonoshi shuuni shuunoommona boonoshi toommooch nalleehe.

Yaaꞌoo 22:12

Yesuusiyoo ishichiye: “Ebiyoche, kaateree woyemmo taane; ta woyemmo, asho bi ikkikkoyich ta qoccemmi bi shuuni shuunee gatiyoon yeshireeshiye.