Hiziqeeli 18:24 - Kafa Linguistics Project

²⁴ “Tunebaani cadiqe asho bi cadiqittinoochee wotteꞌi gonde asheenaꞌo tuniibeeti gondoonaa ciigiiti mooyonon bi tuniigaata, kashoona beeyehe? Kashoona beetache; halla bi shuuneti cadiqe mooyolla gabeyaachemmone; gibeneyaano bi tunoonaa bi axaaxoonoyich qitemmone.

Hiziqeeli 18:24 ပူးပေါင်းရင်းမြစ်များ

2 Kiinoo 24:2

Yoꞌaashi qeeshoo Yoyaadi kashoona beeti yemeeno bulliich Doono Yeeri aafooch kaame mooyon tuniihe.

Shoddo 125:5

Tunebaani xumme gommooch wottee beetinaꞌon, gondeenaꞌona tookki Doono Yeeri aalliyemmone. Israꞌeelich diggoo tunebe.

Shaahiyoo 14:32

Gondeenaꞌo boonoshi gonde shuunoona dihiyeete; tunebaani cadiqeenaꞌo boonoshi gibeneyoona deeboon daneheete.

Shaahiyoo 21:16

Shalligee gommoochee muriccimmi asho, qite asheenaꞌo kiceetooch tooqqemmone.

Erimiyaasi 34:16

Tunebaani ittoshi gubb wotteꞌi, ta shigoon hoxiihote; ittoshi ikkikkoona boonoshi daaggoona boonoshi hammemmoyich ittoshi gawukkiti, ittoshi guuninaꞌonaa ittoshi gonneenaꞌonon wochii deebiꞌi, guuninaꞌonaa gonneenaꞌonon tuniihote.

Hiziqeeli 17:20

Ta dabboona biin dabbe yechemmo taane; Baabloonee showooch biin daammemmo taane; taach gibeneyoo bi qajjitoyich aroochaa bi toommooch nallemmo taane.

Hiziqeeli 18:18

Tunebaani bi nihoo bi xuqqitoyich, bi manoon bi boggitoyich, bi asheenaꞌo daggooch gonde mooyon bi tuniitoyich, aroo bi axaaxoona qitemmone.

Hiziqeeli 18:22

Bi shuuneti axaaxoo bulli gabeyaachemmone; bi shuuneti cadiqittinoyich kashoona beeyemmone.

Hiziqeeli 18:26

Cadiqe asho bi cadiqoochee wotteꞌi axaaxoon bi shuunehooba qitemmone; ebi bi shuuneti axaaxee naboona qitemmone.

Hiziqeeli 20:27

“Ebich, ashi bushoocho, Israꞌeelee macceenaꞌoyich ishichibe: Nuggishoo Doono Yeeri ishichiye: ‘Ittoshi qaabbechinaꞌo taan qayona taan giishiiheete.

Hiziqeeli 33:18

Cadiqe asho bi cadiqee shuunoochee wotteꞌi, axaaxoon bi shuunegaata bi shuuneti axaaxee naboona qitemmone.

Hiziqeeli 33:6

Tunebaani qayecho goraado womon beeggiichii shametoon hugo bi qayigaata, asheenaꞌonoo meeqqeqqiyoo bi qayigaata, goraado waaꞌi ashoon bi wuxigaata, are asho bi axaaxoona qitemmone; tunebaani uroochi damoon are qayecho kishoochee qaawemmo taane’ gete.

Sofoniyaasi 1:6

Taach goyinnee maddoon qajjiꞌi bara wottetinaꞌon, boonoshin ta gaachemmoyich, ta waan giddeyaaneenaꞌon aalliyemmo taane” iye.

Maariqoosi 13:13

Asheenaꞌo bulli ta naboyich ittoshin shixxemminaꞌone; tunetaa ciirooch beddaahaa manjiꞌi kupphemmo wodemmone” iye.

Yowannisi 8:21

Yesuusi wochinnoon boonoshich “Ta hammemmo taane. Taanoo qaawemmo ittoshine; tunetaa ittoshi axaaxoona qitemmo ittoshine; ta hammaa beetooch hamon hakkaachemmo ittoshine” iye.

Yowannisi 8:24

Ittoshich ‘Ittoshi axaaxoona qitemmo ittoshine’ iyoye. Ebiyo, ta koni ta gaata ta tunoon ariiꞌi iberiyoo ittoshi qayigaata, ittoshi axaaxoona qitemmo ittoshi tunetoyichiye” iye.

Galaati 3:3

Aabichiꞌi mullaalloon tunehote? Yaafe Ayaanee giidoona tiyiꞌi and meechi giidoona ciichiyote?

Galaati 3:4

Ebi shaahe duꞌoon beeggiibee ittoshi echeto duubooniye? Halla iberoon duubooniye?

Galaati 5:7

Gaawe wocon wocciibee echeto ittoshine; ishigaata and, iberoyich deꞌa ittoshi getaachemmoyich ittoshin bajjito konine?

1 Yowannisi 2:19

Boonoshiyoo no daggeexinaꞌo tuno boonoshi qajjitoyich, no daggoochee kechiyeete. No magechinaꞌo boonoshi tuneto gaata, noonna tookki manjiree beeyeshinaꞌone. Ebina boonoshi bulli no magechinaꞌo boonoshi tunee qayo arichemmoyich, no waanee bariꞌi kechitinaꞌone.

2 Yowannisi 1:8

Illa Yeeri ittoshich bi qanniiti wojjoo bullin ittoshi deqqemmoyichalli, aayiree ittoshi mucceyaachemmoyich ittoshi qelloon quyebote!

Yihudi 1:12

Eboshi yeelleyaanoon woddiiꞌi uchii maa boonoshi beegaata, ittoshi ikkittinee madoochaa kiinoomminaꞌone; boonoshi qellichon baachiye boonoshi gabiibeeto; yongo shaccii aalliibeeti, amiyo deebaani quboomminaꞌone; bi gooroona aafeyaani, cammona waaxaa ciroona shuuqqiti mixoomminaꞌone.

Yaaꞌoo 2:10

Ne toommooch shaggemmi iritoon shattaahine; ebiyoche, Yeeri toommooch mulloon ittoshi tooꞌiyoo iberoo bi tunoonaa tunee qayona bi bekkemmoyich, daabiloosi ittoshi daggoochee ikkikkeenaꞌon cuyee kexooch gedda ii beetone; aashire qemi duꞌoon beeggemmo ittoshine. Qitooch beddaahaa taach gibeneeton tunebe; kashee gubbichoon neech immemmo taane.

Yaaꞌoo 3:11

“Kaateree woyemmo taane; neech ichemmi gubbichoon koniyoona bi bogaachemmoyich, neech beeti mooyon manjiiree yeshe.

1 Saameeli 15:11

“Saaꞌoolin ta taatiitoyich ayinito taane. Biyoo taan dabboon qajjitone; ta getoonoo ceechemmon qajjitone” iye. Saameeliyoo ippehe; xumo bullinoo Doono Yeer waan cookiye.