Hiziqeeli 18:20 - Kafa Linguistics Project

²⁰ Axaaxoon shuuneto aroo qitemmone; bushoo bi nihoochi axaaxoyich naxeyaachemmone; nihoo bi bushoochi axaaxoyich naxeyaachemmone; cadiqo bi cadiqittinee gaacoon danemmone; axaaxechoo bi axaaxoyich naxeyemmone.

Hiziqeeli 18:20 ပူးပေါင်းရင်းမြစ်များ

1 Taateenaꞌo 14:13

Israꞌeelee asho bulli biich eefiree duukkemmone. Israꞌeelee Nuggishoo Doono Yeer waanaa Yeroboꞌami kechi asheenaꞌoochee ebi bushoo waanee gaawe mooyo danetoyich, bi baach duukkeyemmone.

1 Taateenaꞌo 8:32

ebin shimaayoochaa waayeree nallibe; ne guuninaꞌo daggooch nallecho tunebe; bi shuunoon biich shuuneree xuqqito toommooch nallibe; xalloonoo wodiibe; bi xallittinoommonoo biich qoce.

2 Taateenaꞌo 14:6

Tunebaani Doono Yeeri Muusichi Sheeree Macaafoochaa, “Niheenaꞌo boonoshi bushiisheenaꞌo shuuneti gonde mooyoyich qitaayeete; bushiisheenaꞌoo boonoshi niheenaꞌo shuuneti gonde mooyoyich qitaayeete. Asho bi qelli qelloona bi shuuneti axaaxoyich qitibe” iꞌi bi gettitoommon, boonoshi bushiisheenaꞌon wuxaanoone.

2 Kiinoo 25:4

Tunebaani Doono Yeeri Muusichi Sheeree Macaafoochaa “Niheenaꞌo boonoshi bushiisheenaꞌo shuuneti gonde mooyoyich qitaayeete; bushiisheenaꞌoo boonoshi niheenaꞌo shuuneti gonde mooyoyich qitaayeete. Asho bi qelli qelloona bi shuuneti axaaxoyich qitibe” iꞌi bi gettitoommon, boonoshi bushiisheenaꞌon wuxaanoone.

2 Kiinoo 6:23

ebin shimaayoochaa waayeree nallibe; ne guuninaꞌo daggooch nallecho tunebe; bi shuunoon biich shuuneree xuqqito toommooch nallibe; xalloonoo wodiibe; bi xallittinoommonoo biich qoce.

2 Kiinoo 6:30

ne beeyi xaaꞌoo tuneti shimaayoochaa waayebe; maarishoo gete; ashi mulloon ariyaabeeto ne baach ne tunetoyich, bi mulloon ne ariyaabeeti ashich bi shuuni shuunoommon qoce!

Keyo 32:33

Doono Yeeriyoo Muusich ishichiꞌi wochiye: “Taan xuqqitinaꞌoniye ta macaafoochee ta hidemmo.

Isiyaasi 53:11

Cadiqe ta guuno, bi kashe xuuxetoyee gubb, kasheechi bekkoon beegiree emiremmone; bi ariyoona meetinaꞌon cadiqiyemmone; boonoshi xuꞌoonoo shaaggemmone.

Hiziqeeli 14:14

ebi keejje asheenaꞌo Noohi, Daaneelinaa Iyoobina arooch boonoshi beetaanona, boonoshi cadiqittinoona boonoshi wodiyemmo boonoshi qelloon baachiye; ebin getteto Nuggishoo Doono Yeeri taane.

Hiziqeeli 14:16

Nuggishoo Doono Yeeri ta, beeyecho ta tunoona wogehoye: Ebi keejje asheenaꞌo arooch boonoshi beetaanona boonoshi qelloon baachalli boonoshi anaami woyee maache bushiisheenaꞌon wodiyoon hakkaachemminaꞌone; tunebaani showoo shokkoon echemmone.

Hiziqeeli 18:13

bi koyitiigaata, shimon bi deꞌigaata, iberoochaa kashoona beeyehe? Kashoona beetaachemmone. Ebi bulli ciigiiti mooyon bi tuniitoyich iberoochaa qitemmone; bi damoo bi toommooch tunemmone.

Hiziqeeli 18:30

“Israꞌeelee macceenaꞌote, ebich bi gommi gommoommona asho bi ikkikkoochi toommooch nallemmo taane, iye Nuggishoo Doono Yeeri. Gondoochee wottebote; axaaxoo xugoon ittoshich bi tuneyaachemmoyich ittoshi xuꞌo bulliichee wottebote.

Hiziqeeli 18:4

Kasho bulli taachone; nihoochi kasho taacho bi tunoommon bushoochi kasho taachone; axaaxoon shuuneti asho aroo qitemmone.

Hiziqeeli 33:10

“Ashi bushoocho, Israꞌeelee macceenaꞌoyich ishichibe: ‘No xuꞌoonaa no axaaxoona no toommoochiye; eboshichi naboona maajjeto noone; kashoona no beeyemmo aabichireeshiye?’ ito ittoshine.

Hiziqeeli 33:6

Tunebaani qayecho goraado womon beeggiichii shametoon hugo bi qayigaata, asheenaꞌonoo meeqqeqqiyoo bi qayigaata, goraado waaꞌi ashoon bi wuxigaata, are asho bi axaaxoona qitemmone; tunebaani uroochi damoon are qayecho kishoochee qaawemmo taane’ gete.

Hiziqeeli 4:4

“Aroochee ne yooche naaboona tokketeree Israꞌeelee macceenaꞌochi axaaxoon ne toommooch shaage; naaboona ne qeyemmi qemi haddoona boonoshi axaaxoon shaaggemmo neene.

Leweenaꞌo 10:17

“Ebi axaaxee deejjoon yaafoo tuneti xaaꞌoochaa amoyich maataachote? Ebi deejjoo oogeti yaafoone. Asheenaꞌochi axaaxoon shaagiree Doono Yeeri aafoochaa boonoshich maaroon ittoshi daniyemmoyich ittoshich ichetone.

Leweenaꞌo 16:22

Emmisho boonoshi xuꞌo bullin shaagiree asho gafoo hakkaani barahooch daamaa, ebi arooch gawukkeyemmone.

Leweenaꞌo 19:8

Ebi aroochee maammi asho koniyoona, Doono Yeeri taach yaafeeti mooyon bi eeꞌitoyich, bi shuuneti axaaxoyich echeyemmone; bi asheenaꞌo daggoocheenoo kichaa yookkeyemmone.

Leweenaꞌo 5:1

“ ‘Ikke asho miixoyich nallee gabberooch ceegaa hammiꞌi, bi beeggiti woyee bi waayeti mooyon geto bi qayigaata, bi shuuneti axaaxoyich echeyemmone.

Leweenaꞌo 5:17

“Ikke asho diqqoona axaaxoon bi shuunegaata, Doono Yeeri ta, tuniyaahote iti mooyo amoonolla bi tuniigaata, xuqqitone; bi shuuneti axaaxoyichoo echeyemmone.

Haddoo 15:31

Doono Yeerichi qaaroon bi hoxetoyich, bi getoonoo bi shaaddetoyich, ebi asho ciroona aallebe; bi axaaxoo bi toommooch tunebe’ gete” iye.

Haddoo 18:1

Doono Yeeri Haroonich ishichiye: “Yaafe xaaꞌoochaa shuuneebeeti xuꞌoyich ne, ne bushiishoonaa ne yareenaꞌona echeyemmo ittoshine. Neennaa ne bushiishoona qeeshittinee maddeexi xuꞌoyich echeyemmo ittoshine.

Maatiyoosi 16:27

Ashi Bushoo bi Nihoochi oogee yiiroona bi maraakeenaꞌona tookki katinoon woyemmone; arooba bullich bi shuuni shuunoommon immemmone.

Yibbaatoo 24:16

“Niheenaꞌo boonoshi bushiisheenaꞌo shuuneti gonde mooyoyich qitaayeete; bushiisheenaꞌoo boonoshi niheenaꞌo shuuneti gonde mooyoyich qitaayeete. Asho bi qelli qelloona bi shuuneti axaaxoyich qitibe.

Hibireena'o 9:28

Ebiyoommon Kiristoosi wotta meetinaꞌochi axaaxoon shaagga ikke wottoon bi qelloon deejjoo tuniiꞌi bi giddiitoyee gubb, axaaxoon shaagoyich tuneyaanoon, biin quyee beetinaꞌon wodiyoyich, boonoshicha getiree guttinnoon woyemmone.

1 Pheexiroosi 2:24

Axaaxoyich qitiree cadiqee shuunoon shuunebee no beeyemmoyich, bi qelloona bi meenona michi toommooch yooddeꞌi no axaaxoon shaaggiye; yexxeꞌi bi mayetoyich, wodito ittoshine.

Yaaꞌoo 2:23

Bi bushiisheenaꞌonoo wuxi ciichemmo taane. Arooba ashi mulleexi gaboonaa qaatoonon maqqaa ariibeeto ta tunoon kittinnee guuphinaꞌo bulli ariyemminaꞌone; ittoshi ikkikkoyich ittoshi shuuni shuunoommona qoccemmo taane.

Yaaꞌoo 20:12

Qititinaꞌo, gishiisheenaꞌonaa ogoogeenaꞌona qeechi aafooch neexeꞌi boonoshi beetaa beeggeho; macaafeenaꞌo gaxxeeheete; wotta bare macaafo gaxxeehe; aroo kashee macaafoone. Qititinaꞌoyich macaafeenaꞌooch kooreetoommon boonoshi shuuni shuunoommona boonoshi toommooch nalleehe.