Hiziqeeli 18:14 - Kafa Linguistics Project

¹⁴ “Tunebaani ebi uro bushoo shiyaa, ebi bushoo bi nihoo shuuneti axaaxoon beeggiꞌi bi nihoochoommon tuniyoo bi qayigaata,

Hiziqeeli 18:14 ပူးပေါင်းရင်းမြစ်များ

2 Taateenaꞌo 22:1

Yosiyaasi bi taatehooba, bi eeno shimitte natone. Yerusaalem beechii shaashaa ikke naton qeejjiye. Bi indee Yedidaahi getteehan; biyoo Botsiqaati katemee asho Adaayi busheene.

2 Taateenaꞌo 22:2

Biyoo Doono Yeeri aafooch kaame mooyon tuniihe. Bi qaabbechi Daawitichi gommon dabboochee qanna yoocha getaanoone.

2 Kiinoo 34:21

“Hamiree taachon, Israꞌeelee showoonaa Yihudee showoonooch echeti asheenaꞌochon, hini daneti macaafooch kooreeti mooyon Doono Yeerin echebote. No qaabbechinaꞌo Doono Yeerichi qaaroon quyo boonoshi qajjitoyich, hini macaafooch kooreeto bulliyoommon tuniyoon boonoshi qajjitoyich, Doono Yeerichi kaaree shiixxoo no toommooch kinditone” iye.

Shaahiyoo 17:21

Mullaalli bushoochi naboona bi nihoo ayiniye; tuushe bushoochi nihoyich emiroo aalloone.

Shaahiyoo 23:24

Cadiqe bushoochi nihoo oogichi emiremmone; mullechi bushoon shiyitoo biinna wucwuccemmone.

Isiyaasi 44:19

Ebi shahalloon shuunee beetinaꞌo daggooch “Ebi michi qaton qaaqqooch shookkehoye; bi gachoona koshon kachiihoye; meenonoo michaꞌa maahoye; illa aabichiree, echetona ciigiiti mooyon tuniyehote? Ebi michi aafooch dihi goyinnehote?” iꞌi yexiiti, ariyecho woyee shalligecho ikkolla aalloone.

Erimiyaasi 44:17

Tunebaani noonnaa no qaabbechinaꞌona, no taateenaꞌonaa no ukkireenaꞌona, Yihudee katemeenaꞌonaa Yerusaaleminoochaa tuniyaabee no echetoommon, shimaajji taateyich, ixaanoon shoohonaa uyee buuroon ukkoonoyich, no noonoochee kechiti qaaro bullin tuniyemmo noone; ebin no tunii beehooba koshon michaa beemmo noone; noochoo gaawee beehe; gonde mooyon beegaano noone.

Erimiyaasi 8:6

Tawoo manjii ellehoye; ibere mooyon yibbaateyaaneenaꞌone; koniyoona ‘Ebi ta tuniito amooniye?’ iꞌi gondoochee wotteto aalloone. Koyee xaaꞌooch wocciibeeti hareshoochoommon bi ikkikkoona bi gommi gommona hammiye.

Erimiyaasi 9:14

Boonoshiyoo babbereꞌi boonoshi gaboo waan wotteheete; boonoshi qaabbechinaꞌo boonoshich dojjitoommon Baꞌaaloyich goyinneheete.

Hiziqeeli 18:10

“Tunebaani ebi uroo boggechi woyee damee ukkechi woyee ebi sheeroochee ikkoonolla tuniyaane bushoo biich beegaata,

Hiziqeeli 18:15

guudi toommoochaa deejjeeton mamo bi qayigaata, Israꞌeelee macceenaꞌochi shahalleenaꞌoyich goyinno bi qayigaata, bi nuuchoochi mecheen eeꞌiyoo bi qayigaata,

Hiziqeeli 18:28

Bi tuniiti gonde mooyon shalligiꞌi bi shuuneti axaaxoo bulliichee bi wottetoyich kashoona beeyehalli qitaachemmone.

Hiziqeeli 20:18

Boonoshi bushiisheenaꞌoyich barahoochaa ishichiyoye: “Ittoshi niheenaꞌochi qocoona hammaahote; boonoshi doyoonoo quyeyaahote; boonoshi shahalleenaꞌona eeꞌeyaahote.

Hosee'i 7:2

Tunebaani boonoshi gonde shuunoon shalligemmo ta tunoon gabaaneenaꞌone. Boonoshi axaaxoo boonoshin giichitone. Boonoshi shuunoo ta aafoochee aacheeto toonoone” iye.

Haagi 1:5

“And illa Beshe Mawe Doono Yeeri ta gettaa beeton waayebote: Eke ittoshi toommooch shaggiti mooyon shalligibote.

Haagi 1:7

“Beshe Mawe Doono Yeeri ta, gettaa beeton waayebote: Ebi ittoshi toommooch shaggiti mooyon shalligibote.

Haagi 2:18

Hanaachi aabo yiixiyinnee agenee hiyaa awuddinnee qemone. Ebiyoo Doono Yeeri ta yaafee kechi xaqqee heco hecaa ciireti aaboone. Illa ebiyee damba tunemmi mooyon gaawichi ciinote.

Maatiyoosi 23:32

Ittoshi wotta ittoshi qaabbechinaꞌochi axaaxee xoofooch ceechiyote.

1 Pheexiroosi 1:18

Ittoshi qaabbechinaꞌo waanee ittoshi woraashiti duube beemoochee ittoshi biisheeto, birewoochoommon woyee aachoochoommon aallemmi mooyona tuneyaanoon, bachaalli xalle bagoommon tuneti, Kiristoosichi aaxxe damoona bi tunoon ariibeeto ittoshine.