Hiziqeeli 17:3 - Kafa Linguistics Project

³ Boonoshich, Nuggishoo Doono Yeeri ishichiye, gete: ‘Ogooge qoshoonaa genje wulloona biich beeti ikke xuphaaxuphe ooge booyo Libanoos yoobbii waaꞌi, yigee michi waamon yechiye.

Hiziqeeli 17:3 ပူးပေါင်းရင်းမြစ်များ

Erimiyaasi 24:1

Baabloonee taatoo Nabukadinatsori Yihudee taatoo Yoyaqiimichi bushoo Yoyakiinin, Yihudee iraasheenaꞌon, qoppechinaꞌonaa qemminaꞌonon Yerusaalemee keccii Baabloonee showooch bi daammitoyee gubb, Doono Yeeri taach hini yaaꞌoon bekkiihe; Doono Yeerichi yaafee kechi ciinooch gutte mokkee balaasee aafo koteꞌi beehe.

Erimiyaasi 4:13

Ebiyoche etto quboochoommon woyemmone; bi gaarinaꞌoo yubee yongoomminaꞌone; bi haresheenaꞌo booyoyee beshe afaafinechinaꞌone. Nooch woowo, aalleto noone!

Erimiyaasi 48:40

Ebich Doono Yeeri ishichiye: “Etto booyochoommon bi toommooch yoobi kindemmone; bi qoshoonoo Moꞌabi toommooch yaggemmone.

Erimiyaasi 49:16

Manje xaqqee daggooch kotetocho, guudi cilloon yechetocho, ne shattiyoonaa ne mullee geecoona neen dawushitone. Booyochoommon ne kexon ne hashakkaayiteenona, aroochee neen kindiyemmo taane” iye Doono Yeeri.

Shoosho 4:19

Noon yookkii beetinaꞌo shimaajji booyoyee beshe afaafinechinaꞌone; guudinaꞌochi toommoochaa noon yookkii dabbiyeete; barahoochaanoo noon ottii quyeheete.

Hiziqeeli 17:4

Bi cilloonoo tiichiꞌi giixechinaꞌochi showooch daammiye; daammiꞌi giixechinaꞌochi katemooch kotiihe.

Hiziqeeli 17:7

“ ‘Aroochee wotta ogooge qoshoonaa wodde huushoona biich beeti bare ooge booyo beehe; ebi woyinee qomboo aacon danoyich bi cammon ebi booyo waan awurehe; bi atoonoo bi waan yaggiye.

Hiziqeeli 31:3

Ne, bi waamo waarwaariibeeti, hubbimiꞌi yiireebeeti, bi neexoo genjoo, bi cilloo gumooch shaggiti, Libanoosi yigee mixoommi Asoorin eke ciine.

Daaneeli 2:38

Ashoon, kubbi cooxonaa shimaajji kafoonon amee xaaꞌoochona bi beetaa, eboshi bullin ne hajjemmoyich ne kishooch beshiiꞌi immitone. Ebi aachoochee shuuneeti qello geto neene.

Daaneeli 4:22

taatoocho, are mixo geto, neene. Newoo arichetonaa giidechonon tunehine. Ne oogo beshiꞌi shimaayooch shaggiye; ne giidoo showee tuggooch beddiye.

Daaneeli 7:4

Shiichiꞌi kechito daaheroon shaahoone; booyee qoshoommi qoshechone. Ciinnaa ta beetaa, bi qoshoo waaxehe. Ebi cooxon kaama tiijjiꞌi, ashichoommon gutte baatoona bi neexemmoyich tuniiheete. Ashi mulloo biich ichehe.

Hosee'i 8:1

Doono Yeeri ishichiye: “Shametoon huge! Ta asheenaꞌo boonoshina tookkii ta giyeti wogoon boonoshi biichitoyich, ta sheeroon boonoshi shaaddetoyich, etto booyochoommon Doono Yeeri ta yaafee kexooch yoobbii waa beetone.

Imbaaqoomi 1:8

“Boonoshi haresheenaꞌo wocona maahoyee besheenaꞌone; shaaceti okeroyee beshoonoo shayinaꞌone. Hareshechinaꞌo guufeebee wohi showoochee waaheete; bi maayemmon yecha yoobbii kindiibeeti booyochoommon yoobbiyeete.

Maatiyoosi 24:28

Dubeno beetooch aakkeenaꞌo kiceyemminaꞌone” iye.

Maatiyoosi 4:24

Arooba bi mooyo Sooriyee showoo bulliich waayeehe. Ebich asheenaꞌo baribare biiyoonaa xuuxoona xuuxeꞌi beetinaꞌo bullin, yinno boonoshi toommooch beetinaꞌon, duppiibeeti biiyechinaꞌon, boonoshi ashittino qititinaꞌon eboshi bullin bi waan deebiyeete; boonoshinoo Yesuusi wodiihe.

Yibbaatoo 28:49

“Doono Yeeri booyo afaafinoona kindoommon kindiibeeti, boonoshi noonoon ne ariyaani aagetee asheenaꞌo wohoochee, showee tuggoochee waaree neen boonoshi kochemmoyich, tuniyemmone.