Hiziqeeli 17:23 - Kafa Linguistics Project

²³ Ta bechemmo genje, ooge Israꞌeelee guudi toommoochiye; biyoo atemmone; aafemmone; aricheti yigoon tunemmone; bi baatoochoo kafeenaꞌo kashemminaꞌone; bi ateenaꞌochi yiiroochoo qoshoona yoobbiibeeto bulli kexon haggemmone.

Hiziqeeli 17:23 ပူးပေါင်းရင်းမြစ်များ

Halloo 49:10

Taatittinee gumbo biicho tuneto waammi wottoon, aageteenaꞌon hajjemmo waammi wottoon, taatittinee gumbo Yihudichi kishoochee keyaachemmone; taatittinee gumboon bi shiijjereenaꞌo yeshiree taatemminaꞌone.

Shoddo 80:8

Woyinee qomboon Gibitsee deebehine; aageteenaꞌon yookkaachaa boonoshi showooch bechihine.

Solomooni 5:15

Bi baatoo aachee hecee toommooch xogeeti, aaxxe xaqqee giimboommone; bi malleto Libanoosee mixoommone; yigee mixochoommon kaachetone.

Isiyaasi 2:2

Ciiree yemeenooba, Doono Yeerichi yaafee kexo beeti guudo, guudinaꞌo bulliyee beshiree bekkemmone; geppeenaꞌo toommooch qaalli bekkemmone; aageteenaꞌo bulli arooch orihe woyemminaꞌone.

Isiyaasi 27:6

Woyemmi yemeenooch, Yaaqobi mixochoommon cammon awuremmone; Israꞌeeli bungiree aafemmone; bi aafoo showoo bulliich ceennemmone.

Isiyaasi 49:18

Ne aafoon kaachiree, ne guudoona ciine; ne bushiisheenaꞌo kiceeree ne waan woyemminaꞌone. Doono Yeeri ta, beeyecho ta tunoona wogehoye; eboshi bullin shashoochoommon shashemmi neene; woꞌechoommon tahemmi neene.

Erimiyaasi 31:12

Waaree Tsiyooni guudoochaa emiroona shoddemminaꞌone; Doono Yeerichi deꞌittinoona, maayoon, woyinee uyoonaa zayitoonon, emmishoonaa bagee baaddoonon, bariyoonaa gidereenon daneree emiremminaꞌone. Bedditi aacon daneti bechee budiyoommon tunemminaꞌone; ebiyee bekk ayinaachemminaꞌone.

Hiziqeeli 20:40

Yaafeeti ta geppoochaa, Israꞌeelee genje guudoochaa Israꞌeelee maccoo bulli, hini showoochaa taach goyinnemminaꞌone; aroochaa boonoshin taacho tuniyemmo taane; aroochaa ittoshi buuroonaa ittoshi cilloonon, ittoshi kichiti yaafeeti mooyo bullinoo ittoshi waanee qaawemmo taane.

Hiziqeeli 31:6

Shimaajji kafeenaꞌo bulli boonoshi kexinaꞌon arooch haggiyeete; kubbi cooxinaꞌo bulli bi yiiroochaa bushiishoon shiyiheete; bi yiiroochoo ogooge aageteenaꞌo bulli kotee beeheete.

Hiziqeeli 36:8

“ ‘Tunebaani Israꞌeelee guudinaꞌote, atoon atemmo ittoshine; katinoon woyemminaꞌo boonoshi tunetoyich, ta asheenaꞌo tuneti Israꞌeeleenaꞌoyich aafoon aafemmo ittoshine.

Hiziqeeli 40:2

Yeerichi yaaꞌoona Israꞌeelee showooch deebiꞌi, ooge guudi toommooch taan kotiihe; aroochoo meeti kexinaꞌo shuuneeti katemoommi mooyon deshi-waanee ciinneho.

Daaneeli 4:8

Aroyee gubb Belxesoori getaa ta nuggishoochi shigoona ceekkeebeeti Daaneeli giyiꞌi ta aafooch neexehe. Biyoo yaafe nuggisheenaꞌochi ayaano bi toommooch beeti uroone. Ta gumonoo biich maaccoye; tawoo ishichiyoye:

Daaneeli 4:9

“Yiiteenaꞌochi ukkiroo tuneti Belxesooro! Yaafe nuggisheenaꞌochi ayaano ne toommooch bi beemonaa aacheeti mooyo bullin ariibeeto ne tunoonon ariibeeto taane. Ta gummeti gumo ebiyoche, taach biishiree gete!

Hosee'i 14:7

Asheenaꞌo wochinnoon boonoshi yiirooch kotemminaꞌone. Boonoshiyoo maayoochoommon waarwaariyemminaꞌone; woyinee qomboochoommon bungemminaꞌone; boonoshi cinno Libanoosee woyinee uyoochoommon aricheto tunemmone.

Hosee'i 14:8

Efreemo, shahalleenaꞌoonaa taannon amo daniihe? Ne qolloon waayaabeeto, neenoo shiimaabeeto, taane; ta, waarwaariibeeti ciidee mixoommo taane; ne aafeebeeto taannane” iye.

Mikiyaasi 4:1

Ciiree yemeenooba, Doono Yeerichi yaafee kexo beeti guudo, guudinaꞌo bulliyee beshiree bekkemmone; geppeenaꞌo toommooch qaalli bekkemmone; aageteenaꞌoo arooch orihe woyemminaꞌone.

Maatiyoosi 13:32

Hini shanaafee aafe bare maayi yaroo bulliyee giishecheene; tunebaani shookkaꞌa collaa bi diccehooba daaddeexi maayeenaꞌoyee besheene. Shimaajji kafeenaꞌo waaꞌi bi atooch kotoon boonoshi hakkimmi wottoon ooge mixo tunemmine” iye.

Maariqoosi 4:32

Tunebaani shookkaꞌa collaa bi diccehooba daaddeexi maayeenaꞌo bulliyee besheene. Shimaajji kafeenaꞌo waaꞌi bi atooch kotee bi yiirooch kashoon boonoshi hakkimmi wottoon ogooge atoon atahane” iye.

Luqaasi 13:19

Asho daammii bi daaddooch shookkiti shanaafee aafeeniye bi shaahaabeeto. Collaꞌa bi diccehooba mixochoommon gafgappahan; shimaajji kafeenaꞌo waaꞌi bi atooch koteheete” iye.

Yowannisi 12:24

Iberoon ittoshich gettoye: Ikke teepphee aafe showooch hollaꞌa bi qitaan gaata, bi ikkeeti echemmine; tunetaa bi qitigaata, wodde aafoon aafemmine.

Galaati 3:28

Ittoshi bulli Kiristoos Yesuusina, ikkoo tuneto ittoshine. Ebich Ayihudee asho geto woyee Giriikee asho geto aalloone; guuchi yaroo geto woyee doonji yaroo geto aalloone; anaamo geto woyee maachee geto aalloone.

Qolaasiyaasi 3:11

Ebich and Giriikee ashoonaa Ayihudee ashoona geto, dokireetonaa dokireyaanoona geto, shiqqoonaa woheexi yaroona geto, guuchi yaroonaa doonji yaroona geti barittino aalloone; Kiristoosi bulli mooyone; bullinoo tookkiiniye.

Yaaꞌoo 11:15

Shabaattinnee maraakoo tiroon huggiye; shimaayoochaa “Showee toommeexi taatittino bulli no Doono Yeericho, bi kaacciti Kiristoosicho tunetone; bulli yemeenoon taatemmone” ii beeti ogooge qaareenaꞌon waayeho.