Hiziqeeli 17:22 - Kafa Linguistics Project

²² “Nuggishoo Doono Yeeri ishichiye: ‘Genje yigee michi toommoochee, ta qelloona cilloon daami kotiyemmo taane. Aree cilloochee ikke nolloon haxxemmo taane; genje, ooge guudi toommooch bechemmo taane.

Hiziqeeli 17:22 ပူးပေါင်းရင်းမြစ်များ

Shoddo 2:6

“Yaafee ta geppoo Tsiyooni toommoochaa ta kaacceti taatoon ukkiriito taane” gettemmone.

Shoddo 72:16

Showoo bulliich maayo oogichi woddebe; gocheti maayo guudinaꞌo toommoochaa yaaddebe. Libanoosi guudeexi maayoochoommon aafebe; katemooch beetoo gaddeexi mocoochoommon hubbimibe.

Shoddo 80:15

Ebi, ne qanne kishoona ne bechiti, bi diccemmoyichoo ne tuniiti woyinee qomboone.

Isiyaasi 4:2

Arooba Doono Yeerichi michi qaakko mallet gaawoonaa oogechona tunemmone; showoochee daneebeeti aafo, muriccii woditi Israꞌeeleenaꞌoyich geecoonaa oogoonon tunemmone.

Isiyaasi 53:2

Ebi maddecho, shuuꞌi showooch cammon awureti, maayi colloochoommon, bi aafooch, dicciye; bi waan no ciinnemmoyich, gaawoo woyee yiiroo biich aalloone; biin no shunnemmoyich, malleto biich aalloone.

Hiziqeeli 20:40

Yaafeeti ta geppoochaa, Israꞌeelee genje guudoochaa Israꞌeelee maccoo bulli, hini showoochaa taach goyinnemminaꞌone; aroochaa boonoshin taacho tuniyemmo taane; aroochaa ittoshi buuroonaa ittoshi cilloonon, ittoshi kichiti yaafeeti mooyo bullinoo ittoshi waanee qaawemmo taane.

Hiziqeeli 34:29

Qeemi showoon boonoshich qanniyemmo taane; ebiyee bekk showee toommoochaa shaacoona ciireyaachemminaꞌone; ebiyee bekk aageteenaꞌona naakkeyaachemminaꞌone.

Hiziqeeli 37:22

Showee toommooch, Israꞌeelee guudoochaa boonoshin ikke ashoon tuniyemmo taane; ikke taatoo boonoshi bulli toommooch taatemmone; ebiyee bekk gutte aagetoon tuneyaachemminaꞌone; gutte taatee showoon tune qoodeyaachemminaꞌone.

Hiziqeeli 40:2

Yeerichi yaaꞌoona Israꞌeelee showooch deebiꞌi, ooge guudi toommooch taan kotiihe; aroochoo meeti kexinaꞌo shuuneeti katemoommi mooyon deshi-waanee ciinneho.

Daaneeli 2:35

Bekkech xuuroo, nuuqqoo, gooshoo, birewoonaa aachoona, eboshi bulli buriceheete; maayo bucheebeeti xaaꞌooch beeti maaxxoochoommon tuneheete. Yongo amoonolla echiyaanoon hidii daammiye. Tunebaani misiloon yexxiti xaqqo dicciꞌi ooge guudon tunehe; showoo bulliichoo ceenniye.

Mikiyaasi 4:1

Ciiree yemeenooba, Doono Yeerichi yaafee kexo beeti guudo, guudinaꞌo bulliyee beshiree bekkemmone; geppeenaꞌo toommooch qaalli bekkemmone; aageteenaꞌoo arooch orihe woyemminaꞌone.

Zakaariyaasi 3:8

“ ‘Qeeshee guudo Yaaso, ebin waayebe; ebi neenna tookkii maddeebeeti, gubb woyemmi deꞌe mooyoyich malletoo tuneti asheenaꞌoo ebin waayebeete: Ebiyoche, Ato getteeti ta guunon deejjemmo taane.