Hiziqeeli 17:20 - Kafa Linguistics Project

²⁰ Ta dabboona biin dabbe yechemmo taane; Baabloonee showooch biin daammemmo taane; taach gibeneyoo bi qajjitoyich aroochaa bi toommooch nallemmo taane.

Hiziqeeli 17:20 ပူးပေါင်းရင်းမြစ်များ

2 Saameeli 18:9

Areegaata, Abisoloomi Daawitichi naayinaꞌona tookkii diqqoona danehe. Biyoo biceroon yebbeꞌi hammii bi beetaa, bi yebbeti biceroo wodde kacechi ooge michi dechaa besheya hammiye. Abisoloomi qello are michi kacooch yechehe. Bi yebbeti biceroo beshee hammimmona, aroo showoonaa shimaayoonochi gutte daggooch yeendereꞌi echehe.

2 Kiinoo 33:11

Ebich Doono Yeeri Asooree gino boonoshin bi kochemmoyich tuniihe. Boonoshiyoo Minaasichi muddooch tuutoon geddii, gooshee qoqqaannoona cuchiꞌi, Baabloonee showooch daammiyeete.

Iyoobi 10:16

Ta qelloon kaama ta yeephigaata, daaheroo yookkii yeshoommon, taan yookkaa yechehine; shattiiti ne giidoon wochinnoon ta toommooch bekkiihine.

Dojjecho 9:12

Asho bi ciiro aata gaata ariyaache. Haashoo dabbooch bi yechoommon, kafoo ballaattooch bi yechoommon, asho gabaanoon diqqoona qitoona danehe.

Erimiyaasi 2:35

‘Ta, xallee taane; iberoochaa bi kaaro ta waanee wottetone’ iti neene; ‘Axaaxoon shuuneyaane taane’ ne itoyich, ne toommooch nallemmo taane.

Erimiyaasi 2:9

“Ebich ittoshin ittibatemmo taane; ittoshi bushaa bushiisheenaꞌona tookkishoo gajjiteyemmo taane” iye Doono Yeeri.

Erimiyaasi 34:21

“Yihudee taatoo Sedeqiyaasinaa bi iraasheenaꞌonon, boonoshi etteenaꞌo kishoonaa boonoshi kashoon qaawii beetinaꞌo kishoonooch, ittoshin koyoochee wotteti Baabloonee taatoochi ginee naayinaꞌo kishoochoo beshiiree immemmo taane.

Erimiyaasi 37:17

Aroochee taatoo Sedeqiyaasi wochii Erimiyaasin deebiꞌi, bi taatee kexoochaa aashoona “Doono Yeeri neech gettiti qaaro beete?” iꞌi echehe. Erimiyaasiyoo “Eeha, beetone; Baabloonee taatoo kishooch beshiitaa ichemmo neene” iye.

Erimiyaasi 50:44

“Daaheroo Yoordaanoosi dunne shaaroochee bageenaꞌochi gaddooch bi womoommon, diqqoona waaree boonoshi showoochee boonoshin yookkemmo taane; ta kaacceton boonoshi toommooch ukkiriyemmo taane. Taanoommo konine? Taan echoon hakkemmo konine? Ta aafooch neexoon hakkemmi wulloo konine?

Shoosho 1:13

“Dambee qaaqqoon ta toommooch bi kindiitaa, ta shaawushooch beddaahaa michiye; ta baatoyich shaachoon shaachiye; taanoo gubb wochiye; heeyo bullin ta aafoon shaawiiꞌi, taan hulloo echiihe.

Shoosho 4:20

“Aageteenaꞌo daggoochaa nooch deebo tunemmone, bi yiirooch beeyemmo noone” no iti no taatoo, Doono Yeerina huutteti no kashee hiinno, boonoshi hiriyooch yechehe.

Hiziqeeli 12:13

Ta dabboon bi toommooch yaggemmo taane; ta shaachoona yecheyemmone; Kalideenaꞌochi showoo tuneti Baabloon biin deebemmo taane; tunebaani are katemeen beegaanoon aroochaa qitemmone.

Hiziqeeli 15:8

Gibeneyaaneenaꞌo boonoshi tunetoyich, showoon shokko echiyemmo taane” iye Nuggishoo Doono Yeeri.

Hiziqeeli 17:19

“Ebich Nuggishoo Doono Yeeri ishichiye: ‘Beeyecho ta tunoona wogehoye: Bi qallayiti ta wogo, bi happiti ta wogo, biin yechemmoyich tuniyemmo taane.

Hiziqeeli 18:24

“Tunebaani cadiqe asho bi cadiqittinoochee wotteꞌi gonde asheenaꞌo tuniibeeti gondoonaa ciigiiti mooyonon bi tuniigaata, kashoona beeyehe? Kashoona beetache; halla bi shuuneti cadiqe mooyolla gabeyaachemmone; gibeneyaano bi tunoonaa bi axaaxoonoyich qitemmone.

Hiziqeeli 32:3

Nuggishoo Doono Yeeri ishichiye: Meeti asheenaꞌo beetoochaa dabboon ne toommooch duppemmo taane; boonoshiyoo aroona neen geechi kichemminaꞌone.

Hiziqeeli 38:22

Biiyoona, bi damoon ukkoonoo bi toommooch nallemmo taane; yattoon, xaqqoommi baderoon, qaaqqoonaa waageroonon, biinnaa bi ginee naayinaꞌonochi, wottoo biinna tookkii beeti meeti asheenaꞌochi toommooch kindiyemmo taane.

Hosee'i 2:2

“Ciicote, ittoshi indeen ciicote. Are ta mechee tuno bi qajjetoyich, tawoo bi keno toono taane. Shunee mamonaa yahoonon bi waanee wokkiibuye.

Hosee'i 7:12

Boonoshi biitigaata ta dabboon boonoshi toommooch yaggemmo taane. Shimaajji gacoochoommon geechi kindiyemmo taane. Boonoshi gonde shuunoyich boonoshin sheeremmo taane.

Mikiyaasi 6:2

Guudinaꞌote, bulli aaboon manjiꞌi beeti showee koteenaꞌote, Doono Yeeri taggeebeeti taggoon waayebote! Doono Yeeri bi asheenaꞌona tookkii gajjitee beetone; Israꞌeeleenaꞌonoo taggee beetone.

Luqaasi 21:35

Are aabo showooch beetinaꞌo bulli toommooch diqqoona shaggemmone.