Hiziqeeli 17:15 - Kafa Linguistics Project

¹⁵ Tunebaani Yihudee taatoo bi toommooch hukkeꞌi haresheenaꞌonaa meeti ginee naayinaꞌonon bi danemmoyich wocheyechinaꞌon Gibits daachiihe. Biich kaamehe? Ebiyoommi mooyon tuniimmi asho muriccehe? Wogoon happiichi muricon hakkehe?

Hiziqeeli 17:15 ပူးပေါင်းရင်းမြစ်များ

2 Taateenaꞌo 24:20

Doono Yeeri kaaro cufii cufii hammiye. Ebich biyoo Yerusaaleminaa Yihudee showoonooch beeti asheenaꞌon bi aafoochee yookkiye. Aroochee Sedeqiyaasi Baabloonee taatoo toommooch hukkoon tiijjiye.

2 Kiinoo 36:13

Sedeqiyaasi Yeerina biin wogiiti taatoo Nabukadinatsori toommooch hukkoon shuunehe. Israꞌeelee Nuggishoo Doono Yeer waan wottoon qajjii, bi mulloon manjiiꞌi babberoo tunehe.

Shoddo 55:23

Tunebaani Yeero, gondeenaꞌon maash daachiyemmo neene; ashi kashee kichechinaꞌonaa dachechinaꞌona boonoshi eeni qatonolla beetaachemminaꞌone. Tunebaani ta, neen gibenehoye.

Shoddo 56:7

Ebich Yeero, boonoshi muriccemmoyich tuniyaahine; macceenaꞌon ne kaaroona dichibe.

Shaahiyoo 19:5

Koote miixecho sheereyoo qayaachemmone; koote yibbaatechoo sheeroochee muricaachemmone.

Isiyaasi 36:5

Noonee ceroo koyee ariyoonaa hakkoona tatemmon neech shaahii beete? Konin gibenaꞌaaniye ta toommooch ne tiyeto?

Erimiyaasi 32:4

Wotta, ‘Yihudee taatoo Sedeqiyaasi Baabloonee asheenaꞌo kishoochee muricaachemmone; Baabloonee taatoo kishooch beshiitaa ichemmone; biinna tookki baroona dane yibbaatemmone; bi aafoonoo ciinnemmone.

Erimiyaasi 34:3

Iberoochaa newoo yecheeshalli ne gettemmo bi kishoochee muricaachemmo neene; yecheyemmo neene; bi kishoochoo beshiitaa ichemmo neene; Baabloonee taatoon aafoona ciinnemmo baroonoo danemmo neene; biyoo ne toommooch yibbaatemmone; Baabloonee showoochoo hammemmo neene.

Erimiyaasi 38:18

Tunebaani Baabloonee ginee iraasheenaꞌoyich kishoon imo ne qayigaata, hini katemoo Baabloonee asheenaꞌoyich beshiitaa ichemmone; boonoshiyoo qaaqqoona michemminaꞌone; newoo boonoshi kishoochee muricaachemmo neene’ itone” iye.

Erimiyaasi 38:23

“Ne mecheenaꞌonaa ne bushiisheenaꞌona bulla daamee Baablooneenaꞌoyich ichemminaꞌone; newoo ne qelloona boonoshi kishoochee muricaachemmo neene; tunebaani Baabloonee taatoona yecheyemmo neene; hini katemoo qaaqqoona miccemmone” iye.

Erimiyaasi 52:3

Doono Yeerichi kaaro cufii cufii hammiye. Ebich Yerusaaleminaa Yihudee showoonooch beeti asheenaꞌon bi aafoochee yookkiye. Aroochee Sedeqiyaasi Baabloonee taatoo toommooch hukkoon tiijjiye.

Hiziqeeli 17:18

Bi giyiti wogoon happoona wogoon bi qallayitoyich, kishoon bi immitoyee gubb ebi bullinoo bi tuniitoyich, muricaachemmone’ gete.

Hiziqeeli 17:7

“ ‘Aroochee wotta ogooge qoshoonaa wodde huushoona biich beeti bare ooge booyo beehe; ebi woyinee qomboo aacon danoyich bi cammon ebi booyo waan awurehe; bi atoonoo bi waan yaggiye.

Hiziqeeli 17:9

“Nuggishoo Doono Yeeri ishichiye, gete: ‘Ebi woyino diccehe? Aafi booyo cammona waaxi, bi aafoon shekiriree, nolle bi waamoo shoollemmoyich tuniyaachehe? Biin cammona waaxoyich kupphe mochoo woyee meeti asho qaawiyaachemmone.

Hiziqeeli 21:25

“Ne aabo shaggiti, naxeeree ne aallemmi aabo shaggiti, hini yaafeyaani gonde Israꞌeelee iraashoocho,

Hiziqeeli 21:28

“Ashi bushoocho, keemoon keembe; Nuggishoo Doono Yeeri ta Amooneenaꞌonaa boonoshi naagoochonon ta gettaa beeton ishichi gete: ‘Goraado guuroyich kaacceetone; aalliyoyich yoppheetone; xeeyoochoommon waccoyichoo yoppheetone.

Hiziqeeli 23:20

Aroochaa boonoshi anaami achoo kuroochoommo, boonoshi keeroo hareshoochoommo tuneti bi shunimaayeenaꞌona tookkii shaddiyan.

Hiziqeeli 29:16

Ebiyee bekk Israꞌeelee asheenaꞌo Gibitseenaꞌona degeyaachemminaꞌone. Gibitsi toommooch shaggiti mooyo Israꞌeeleenaꞌo boonoshina degeyoona am shaahoon boonoshi xuqqito gaata boonoshich shalligichoo tunemmone; ebina Israꞌeeleenaꞌo Nuggishoo Doono Yeeri ta tunoon ariyemminaꞌone’ ” iye.

Hiziqeeli 29:7

kishoona ittoshin boonoshi yeshiyooba tiisheꞌi boonoshi mochooch kochiyote; ittoshi toommooch boonoshi degehooba tiisheꞌi boonoshi shimetoon qewiihote.

Maatiyoosi 23:33

“Hini dingereenaꞌote! Xekerechi bushiisheenaꞌote! Yeeri nallemmi shiweree qaaqqoochee aabichiree muriccehote?

Yibbaatoo 17:16

Ebi taatoo meeti hareshoon hajjaaye; meeti hareshoon danoyich asheenaꞌon Gibits daachiyaaye. Ebiyoo Doono Yeeri bi asheenaꞌo arooch boonoshi wotteyaachemmoyich bi gettitoyichiye.

Hibireena'o 2:3

Ebich nowochi, ebiyoommi worganikkiti wodoon no qayenegaata, aabichiree muricon hakkehone? Ebi wodeechon shiichiꞌi gettito Doono Yesuusine; waayetinaꞌoo ebi iberoo bi tunoon nooch manjiitinaꞌone.

Yaasi 9:20

And ebiniye boonoshich no tuniyemmo: No wogeti wogoon happoo naxoon no toommooch deebemmo bi tunetoyich, kashoona boonoshi beeyemmoyich qayone.