Hiziqeeli 16:8 - Kafa Linguistics Project

⁸ “ ‘Wochinnoon ne gaꞌoona beshaabee neen ciinnaꞌa, shaakkeya ne bedon beeggeho; tawoo ta tahoon ne toommooch yaggii, ne achoon qeriyoye; wogaa neenna tookkii wogoon giyaꞌa neen taachi tuniihoye, iye Nuggishoo Doono Yeeri.

Hiziqeeli 16:8 ပူးပေါင်းရင်းမြစ်များ

Halloo 22:16

ishichiye: “Doono Yeeri ta ishichaꞌa taanna wogaabeeto taane: Ebi mooyon ne tuniitoyich, ne bushoon, ikke mixxe ne bushoon, taach woonaano ne tunetoyich,

Keyo 15:16

Doono Yeero, ne asheenaꞌo, guuchittinoochee ne biisheti ne asheenaꞌo, boonoshi daggoona boonoshi beshemmi wottoon, keqqoonaa qewoona boonoshi toommooch kindii beetone; ne mochee giidoo shuuraani xaqqoommon boonoshin tuniitone.

Keyo 32:13

Ne guuninaꞌo Abrahamin, Yisaaqinaa Israꞌeelinon shalligibe. Boonoshich, ‘Ittoshi shiijjereenaꞌon shimaayeexi xojjenoochoommon meechemmo taane; imma ta gibenikkiti hini showoo bullin ittoshi shiijjereenaꞌoyich immemmo taane; bulli yemeenoon boonoshi hajjoo tunemmone’ iyaꞌa neenna ne wogeti wogoon shalligibe” iye.

Isiyaasi 43:1

Yaaqobo, Israꞌeelo, neen halliti, Doono Yeeri and ishichii beetone: “Neen biisheto taane; shattaahine; ne shigoona neen ceeggeto taane; ne taacho neene.

Isiyaasi 43:4

Ne, taach aaxxoo, moogeetonaa shuchetona ne tunetoyich, asheenaꞌon ne qoodoyich, aageteenaꞌonoo ne keroyich, beshiiree immemmo taane.

Erimiyaasi 31:3

Doono Yeeri ta wonna boonoshich bekkaꞌa ishichiyo: Bulli aabee shunoona ittoshin shunneto taane; ta shoodoo bulli aabooch ittoshich manjemmone.

Erimiyaasi 31:32

Ebi wogo, ittoshi qaabbechinaꞌon Gibitsee yaabii kichoyich boonoshi kishoon ta yeshiyooba, boonoshina tookkaa ta giyeti wogoommo toonoone; ebiyoo ta boonoshich kenoommon tunaꞌa ta beetaa, taanna tookkii boonoshi giyiti wogoon boonoshi happitoyichiye” iye Doono Yeeri.

Hiziqeeli 16:6

“ ‘Ne gaꞌoona ta beshemmona, damoona wooraꞌa qaferaa ne beetaa daneho; damoona kaapaꞌa ne beetaa “Kashoona beebe” iyo; eeha damoona kaapaꞌa ne beetaa “Kashoona beebe” iyoye.

Hosee'i 11:1

Doono Yeeri ishichiye: “Israꞌeelin batt busha bi beetaa shunnehoye; ta bushoonoo Gibitsee ceeggehoye.

Hosee'i 2:15

Aroochee bi woyinee goyoon biich immemmo taane; Akoori bamboonoo gibenee kello biich tuniyemmo taane. Aroochaanoo, Gibitsee bi keyiyooba, bi bushittinee aabooba, bi tuniitoommon, taach eekkemmine.

Hosee'i 2:7

Bi shunechinaꞌon dabbi hammemmine; tunebaani yeshaachemmine; boonoshin qaawemmine; tunebaani daneyaachemmine. Aroochee biyoo ‘Aafi ta keno waan wottehoye; halla aafi ta beemo andichoyee beshiye’ gettemmine.

Milikiyaasi 1:2

Doono Yeeri bi asheenaꞌoyich ishichiye: “Ta ittoshin shunnaabeeto taane” iye. Tunebaani boonoshi “Noon ne shuno aaye?” iyeete. Doono Yeeri ishichiꞌi wochiye: “Esayi Yaaqobichi manoo toone? Tunebaani Yaaqobin shunnaachaa,

Roomi 5:8

Tunebaani Yeeri am shaahoon noon bi shunnito gaata xalla bekkiitone: Batt axaaxecho tunaꞌa no beetaa, Kiristoosi noocha iꞌi qititone.

Yibbaatoo 4:31

Ittoshi Nuggishoo Doono Yeeri ariqqechi Nuggishoone. Biyoo ittoshin dufaachemmone; aalliishoo getaachemmone; ittoshi qaabbechinaꞌona tookkii bi giyiti wogoon batteyaachemmone.

Ruuti 3:9

Biyoo “Koni neene?” iꞌi echehe. Areyoo “Ta doonocho, taane Ruuti! Ta kenoyich katini xiboonaa taan deggii gaachoyich bede ashoona ne tunetoyich, taan woraashibe” iyan.

1 Saameeli 12:22

Doono Yeeri ittoshin bi asho tuniiya shunnito bi tunetoyich, Doono Yeeri ooge bi shigoyicha getiree, bi asheenaꞌon qayaachemmone.