Hiziqeeli 16:57 - Kafa Linguistics Project

⁵⁷ Ebiyoo ne axaaxoo gaxxeeyoye aafiye. And Sooriyee maache bushiisheenaꞌonaa bi giyeenaꞌo bullina, ne guudoona beechi neen hoxeebeeti Filsixeemee maache bushiishoo bullina cooneeti neene.

Hiziqeeli 16:57 ပူးပေါင်းရင်းမြစ်များ

Shoddo 50:21

Ebi bullin ne tuniitaa cikkaa ta qajjetoyich, taan neenna shaahiyaꞌa gabihine. And illa neen kaaremmo taane; ne aafoochaa neen ittibatemmo taane.

Isiyaasi 14:28

Taatoo Akaazi qititi natooba, getteeti wocho ebine:

Isiyaasi 7:1

Uziyaahi bushoochi bushoo, Yotaamichi bushoo Akaazi Yihudee taatoo tuneꞌi beehooba, Sooriyee taatoo Resininaa Israꞌeelee taatoo Remaliyichi bushoo Feqaahina Yerusaalemin kocha kechiyeete; tunebaani kochii yeshon hakkaaneenaꞌone.

Erimiyaasi 33:24

“Asheenaꞌo ‘Doono Yeeri bi kaacciti gutte yareenaꞌon duppitone’ itinaꞌon beeggaachine? Illa ebiyee bekk boonoshi aafoochaa asho boonoshi tuneyaachemmoyich, ta asheenaꞌon qallayitinaꞌone” iye.

Shoosho 4:22

Tsiyooni asheenaꞌote, ittoshi xuꞌee naxo ciiretone; Doono Yeeriyoo ebiyee bekk ittoshi kecceyemmoyich tuniyaachemmone. Tunebaani Edoomi asheenaꞌote, ittoshi xuꞌoyich naxeyemmo ittoshine; ittoshi axaaxoo xalla bekkemmone.

Hiziqeeli 16:27

Ebich neen sheeroyich ta mochoon ne toommooch tiijjito taane; neech ta immaabeeti ne qoodoon shappiito taane; ne gonde shuunoon ciigeebeeti ne etteenaꞌochi qaatooch, Filsixeemee asheenaꞌochi kishooch, neen beshiyaa immeto taane.

Hiziqeeli 16:56

Ne geecee aabooba ne manee Sodoomin cooqqiraane neene?

Hiziqeeli 21:24

Ebich Nuggishoo Doono Yeeri ta ishichiyoye: Ittoshi axaaxoo bi gabeyemmoyich ittoshi tuniitoyich, ittoshi xuꞌo bi gaxxeetoyich, ittoshi axaaxoo ittoshi shuunoo bullina bi bekketoyich, kecaa hammemmo ittoshine.

Hiziqeeli 22:4

Ne ukkiti damoona xuꞌechi tuneti neene; ne shuuneti shahalloona eeꞌeti neene; ne aaboon katichihine; ne yemeenoonoo qamichihine; ebich aageteenaꞌona ne naakkemmoyich, showeenaꞌonoo ne cooneyemmoyich tuniito taane.

Hiziqeeli 23:32

Nuggishoo Doono Yeeri ishichiye: “Ne maneechi xoofoon uchemmi neene; ebiyoo desh qappoonaa gaminoonane; woddoonoo yechii beetonane; miicceyemmi neene; cooneyemmi neene.

Hiziqeeli 27:16

“ ‘Wodde qiico neech bi beetoyich, Sooriyee asheenaꞌo neenna tookkii giixee beeheete; ne qiiceenaꞌonoo maarigidoona, damere tahoona, bi toommooch shashiitaa shippeti qoreddoona, muttee tuppoochee shippeti qoreddoona, dooqoona, wottoo ceelle inqoona shaddii beeheete.

Hiziqeeli 5:14

“Ebiyeenoo wotta, ittoshin shokko echiyemmo taane; ittoshi guudoona beeti aageteenaꞌonaa aroona beshee beetinaꞌona ittoshi cooneyemmoyich tuniyemmo taane.

Hiziqeeli 5:15

Kaaroona, neboona, ooge noggoona ittoshi toommooch ta nalliyooba, ittoshi guudoona beeti aageteenaꞌoyich naago, tochoo, meeqqeqqiyoonaa wuche getteyoonon tunemmo ittoshine; Doono Yeeri ta, ebin getteto taane.

Hosee'i 2:10

Bi shunechinaꞌo aafoochaa shokkoon biin echiyemmo taane. Ta kishoochee biin wodiyemmo koniyoona aalloone.

Hosee'i 7:1

“Ta asheenaꞌon kecoochee wochiya ta iyooba, Israꞌeeleenaꞌon wodiiya ta iyooba, Efreemichi axaaxoo, Shamaari katemee asheenaꞌochi gonde shuunoo bekkehe. Boonoshinaa boonoshina kootoon yibbaateheete; kexon tiichii giyiꞌi gaajjiyeete; bokkoo tuneꞌinoo gommoochaa boggiyeete.

Sofoniyaasi 3:19

Ebi arooba, ittoshin neexxii hajjitinaꞌon naxemmo taane; baata sheqqeenaꞌon wodiyemmo taane; shacetinaꞌonoo kicemmo taane; boonoshi giishoon oog wochemmo taane; showee toommooch arichetinaꞌo tuniyemmo taane.

Haddoo 23:7

Balaamiyoo ishichiꞌi yibbaatooch giyiye: “ ‘Waaree taach Yaaqobin ufe. Waaree taach Israꞌeelin giishiibe’ iꞌi, Araamee showoochee, aabi-keyo waani guudoochee, Moꞌabee taatoo Balaaqi taan deebiye.

1 Qorontoosi 4:5

Ebich Doono Yesuusi waataan beetaa, aabaalli nalloon koni toommoochona nalliyaahote. Doono Yesuusi bi waahooba, and manderooch aacheeton xallooch kichemmone; ashi mullooch beeti gaboon gaxxemmone. Arooba Yeeri asho bullin bi shuuni shuunoommona bi qelli qelloona galletemmone.