Hiziqeeli 16:49 - Kafa Linguistics Project

⁴⁹ “ ‘Ne manee Sodoomichi xuꞌo ebine: Biinnaa bi bushiisheenaꞌona geecechinaꞌone; wodde maayoonaa mashaamiti beemona boonoshich beetaa girechinaꞌonaa iritechinaꞌonon gaacheyaacheete.

Hiziqeeli 16:49 ပူးပေါင်းရင်းမြစ်များ

Halloo 13:10

Looxiyoo bi aafoon kaachiꞌi, Yoordaanoosi guudoona beeti naqqe showoo bulli aachechi xaaꞌoo bi tunoon beeggiye. Doono Yeeri Sodoominaa Gomoorinon bi aalliyoyee aaf, ebi xaaꞌoo Tsoꞌar beddaahaa, Doono Yeerichi bechee mixinaꞌo beeti xaaꞌoommo, Gibitsee showeexi Abbaayi aachi guudoona beeti naqqe showoommone.

Halloo 13:13

Tunebaani Sodoomee asheenaꞌo oogeti gonde asheenaꞌone; Doono Yeeri aafooch magge axaaxoon shuunee beeheete.

Halloo 18:20

Doono Yeeriyoo Abrahamich ishichiye: “Sodoominaa Gomoorinochi toommooch cookeebeeti cookoo woddetone; boonoshi axaaxoo oogeton maggoone.

Halloo 19:24

Arooba Doono Yeeri waageroo micciibeeti qaaqqoon shimaayoochee Sodoominaa Gomoorinochi toommooch amichittinoon dichiye.

Halloo 19:9

Boonoshiyoo “Bekk ikibe! Iibbittinoona hiniich beeya waati hini uro nallee nallecho tuneya qaawiibeete? And boonoshi toommooch tuniiya no gabitoyee beshoon ne toommooch tuniyemmo noone” iyeete. Looxin xuqqii hittiittilliiꞌi, shaaqqoon yexxii tiicha beddiyeete.

Shoddo 138:6

Doono Yeeri oogoona beshoo bi tunetaanoona hoxeeton dufaache; tunebaani geecechinaꞌon wohoochaa ariihe.

Shaahiyoo 16:18

Geecoo aallooch bechiye; bi qelloon yeephoo dihooch yaabiye.

Shaahiyoo 16:5

Geecii beetinaꞌo bullin Doono Yeeri ciigehe; iberoochaa boonoshin sheeraanoon qayaachemmone.

Shaahiyoo 18:12

Asho bi dihoyee shiichiꞌi bi mulloona geeciye; tunebaani qellee giishiyoo oogoyee shiichoone.

Shaahiyoo 21:13

Girechochi cookoon waayeyaache ii beeto, bi cookaa, waayemmon muccemmone.

Shaahiyoo 21:4

Aafee ciixonaa mullee geecoona gondeenaꞌochi ceecheenaꞌone; ebiyoo axaaxoone.

Isiyaasi 1:10

Sodoomee iraasheenaꞌote, Doono Yeerichi qaaroon waayebote. Gomoori asheenaꞌote, no Nuggishoo dojjiibeeti doyoon ellebote.

Isiyaasi 16:6

Yihudee asheenaꞌo ishichemminaꞌone: “Moꞌabeenaꞌo am shaahe geecechinaꞌo gaata, boonoshi geecii cunnennoon, boonoshi coodonoo waayeto noone; boonoshi kokkoroo duuboone” gettemminaꞌone.

Isiyaasi 3:9

Boonoshi aafoochee bekkeebeeti mooyo boonoshi toommooch miixee beetone; boonoshi axaaxoon aachaanoon, Sodoomee asheenaꞌochoommon axaaxoon xalla shuunee beetinaꞌone; boonoshi toommooch gonde mooyon boonoshi deebii beetoyich boonoshich woowo!

Isiyaasi 47:8

“Hini cunnenniti, carahaanoo koteti, ne mulloonoo ‘Taane; tayee baroo ikkolla aalloone; xuumechoommon koteyaachemmi taane; bushoon wuxii ciichitin tuneyaachemmi taane’ itine; and ebin waayebe:

Erimiyaasi 48:11

“Moꞌabi, woyinee uyee dechiich koteti shicoommone; bi bushittinoochee tiijjiꞌi maggoone; qiicoochee qiicooch woneyaanoone; kecceꞌinoo hamaanoone; ebich bi shaawo bacceyaanoone; bi cinnoo baraanoone.

Hiziqeeli 16:46

Ne qaabbe manee, bi maache bushiishoona tookkii neyee dambi-waan beeti Shamaarine; ne guuche manee bi maache bushiishoona tookkii neyee deshi-waan beeti Sodoomine.

Hiziqeeli 18:12

girechonaa iritechonon neexxii bi hajjigaata, bi bogigaata, yechiyoon wochoo bi qayigaata, shahalleenaꞌoch bi goyinnegaata, ciigiiti mooyon bi tuniigaata,

Hiziqeeli 18:16

asho koninolla neexxii hajjoo bi qayigaata, yechiyoon deqqiꞌi echiyoo bi qayigaata, bogo bi qayigaata, bi maayoochee shaacetoyich bi maanjigaata, tubbetoyich bi tajjigaata,

Hiziqeeli 18:7

koninolla neexxii hajjoo bi qayigaata, hiishecho yechiyoo immiton wochi bi imigaata, bogo bi qayigaata, shaacetoyich bi maanjigaata, tubbetoyich bi tajjigaata,

Hiziqeeli 23:42

“Buraaqiibeeti asheenaꞌochi qaaro boonoshi guudoona beetone; barahoochee waati mashechinaꞌo boonoshina tookkii beetinaꞌone; ebi mashechinaꞌo boonoshi kishooch shagaamoon, boonoshi qelloochoo gaawe gubbichoon geddiyeete.

Hiziqeeli 28:17

Mallet gaawoo ne tunoona ne mullo geecitone; ne oogoyicha iyaꞌa ne ariyoon eeꞌiihine. Ebich showooch neen duppehoye; neenna boonoshi cuuqqemmoyich taateenaꞌo aafooch neen duppehoye.

Hiziqeeli 28:2

“Ashi bushoocho, Xiroosi taatoyich, Nuggishoo Doono Yeeri ishichiye, gete: ‘Ne mullo geecitoyich, “Ta, nuggishoo taane; baharee daggooch, nuggisheenaꞌo taatee qeenooch kotemmo taane” ito neene. Ne mulloona nuggishoo taane iyaꞌa ne gabitaanona ne, asho nealli nuggishoo toono neene.

Hiziqeeli 28:9

Neen wuxemminaꞌo aafoochaa “Ta, nuggishoo taane” gettenne? Tunebaani neen wuxemminaꞌo kishooch ne dihiyooba asho nealli nuggishoo ne tunee qayo arichemmone.

Hiziqeeli 29:3

Faroonichoo yibbaateree ishichibe: Nuggishoo Doono Yeeri ishichiye: ‘ “Abbaayi aaco taachone; taane biin shuuneto” ii beeti aachi daggooch qeyiti ooge aachi aayoommi Gibitsee taatoo Faroono, ebiyoche ta ne toommooch tiyeto taane.

Daaneeli 4:30

ishichiye: “Ebi Baablooni am shaahe ooge katemoo gaata ciinote. Ebi katemoon ooge ta giidoona taatoo beeyi xaaꞌoon tuniyaꞌa ta shuuniito, ta oogee yiiroon bekkiyoyichiye” iye.

Daaneeli 4:37

Shimaajji Taatoo Yeeri bi tuniibeeto bulli tato, bi gommoo cadiqee gommo bi tunetoyich, ta, Nabukadinatsori, biin galletehoye; oogiihoye; naadiyoye. Biyoo geecii beetinaꞌon giishiyoon hakkii beetone.

Daaneeli 5:23

Ne qelloon shimaajji Nuggishoyee damba tuniyaꞌa, bi yaafee kechi uyee qiiceenaꞌo woyemmoyich tuniihine. Ne, ne iraasheenaꞌo, ne mecheenaꞌonaa ne naamacheenaꞌona aroona woyinee uyoon uchiyote. Uchiibee birewoochee, aachoochee, gooshoochee, xuuroochee, mixonaa xaqqoonoochee shuuneeti, ciinon, waayoonaa ariyoonon hakkaani, nuggisheenaꞌochi misiloon galletehote. Tunebaani ne kashoon, ne shaaddo bullinoo bi kishooch yechiti Nuggishoon oogiyaano neene.

Abidiyi 1:3

Ne geecoo neen dawushitone. Ne inde katemoo manje xaqqoona uxereetone; ne beeyi xaaꞌoo guudi cullullooch shuuneetone; ebich newoo ne mulloona ‘Hiniichee taan geechi kindiyemmo konine?’ ii gabiibeeto neene.

Luqaasi 17:28

“Ebiyoommon wotta Looxichi yemeenooba, maa uchiibee, kemmii kemeebee, maayoon bechiibee, kexonoo haggiibee beeheete.

Luqaasi 21:34

“Tunebaani ittoshi mullo miyona, mashoonaa mashaamiti beemi qaatoona dingiraate bi beetaa, Ashi Bushoochi aabo diqqoona shaachoochoommon ittoshin bi yeshaachemmoyich, ittoshi qelloon quyebote.

Yibbaatoo 32:15

“Israꞌeeleenaꞌote, ittoshiyoo gaannee michiꞌi Doono Yeeri toommooch tiyiyote; ittoshiyoo aangii nuuriꞌi gaannehote. Aroochee ittoshin halliti Yeerin qajjiyote; ittoshin wodiyechi Xaqqee Inderoon qallayiyote.

Yaaqobi 5:5

Showee toommooch mashaamiti beemonaa emiroona beemoyich ittoshi qaatoon ceechito ittoshine. Gubb bi bashemmi maaꞌoon asho aangiyoommon, ebiyoommon ittoshi ashittinoon aangiito ittoshine.

1 Pheexiroosi 5:5

Gurimaasheenaꞌote! Ebiyoommon wotta geeneenaꞌoyich deꞌa getote. Yaafe Macaafo “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” iye. Ebich kittinnoo tuneti ittoshi bulli ikkoo baroyich bi qelloon giishiibee qellee giishiyoon tahoochoommon tahebote.

Yaaꞌoo 11:8

Boonoshi dubenoo boonoshi Doono yooddeti ooge katemee daggeexi gommooch qeyemmone; ebi are katemee geto, ayaanee yibbaatoochaa, Sodoomi woyee Gibitsi getteetine.