Hiziqeeli 16:43 - Kafa Linguistics Project

⁴³ “ ‘Ne bushittinee gooroon gaboo ne qajjetoyich, ne shuuneti mooyo bullinoo taan ne ippiitoyich, ne shuunetoommon neech shuunemmo taane; bare ciigiiti ne mooyo bulli toommooch yahoon meechaane neene? iye Nuggishoo Doono Yeeri.

Hiziqeeli 16:43 ပူးပေါင်းရင်းမြစ်များ

Shoddo 106:13

Tunebaani bekkech bi shuunoon batteheete; bi ciicoonoo haaꞌii quyoon qajjiyeete.

Shoddo 78:40

Meeti aaboon barahoochaa bi toommooch tiyiyeete; barahoochaa biin ayinikkiyeete.

Shoddo 78:42

Oogeti bi giidoon, etto kishoochee boonoshin bi wodiiti aaboonoo, shalligaaneenaꞌone.

Shoddo 95:10

Are shiijjeroon aabbe naton kaarehoye; “Mullo xoobbiti asheenaꞌone; ta getoon quyeyaaneenaꞌone” iyoye.

Isiyaasi 63:10

Tunebaani boonoshi bi toommooch hukkoon shuuneꞌi bi Yaafe Ayaanoon ayinikkiyeete; ebich wotteꞌi boonoshich ettoon tunehe; bi qelloona bi, boonoshin kochiye.

Erimiyaasi 2:32

Gidiidee bi shashoon, woꞌee bi tahoon battehane? Tunebaani meeti aaboon ta asho taan battetone.

Hiziqeeli 11:21

Tunebaani boonoshi mulloona ciigiitonaa eeꞌe mooyonon dabbitinaꞌon boonoshi shuunoommon boonoshich qoccemmo taane” iye Nuggishoo Doono Yeeri.

Hiziqeeli 16:22

Ebi ciigiiti ne yahee yemeenooba, shokkaachee tunaa damoona wooraꞌa ne beehoobee ne bushittinee yemeenoon gabaane neene.

Hiziqeeli 16:58

Qocaallee ne tunoonaa ciigiiti ne shuunoonoyich naxeyemmi neene, iye Doono Yeeri.

Hiziqeeli 17:19

“Ebich Nuggishoo Doono Yeeri ishichiye: ‘Beeyecho ta tunoona wogehoye: Bi qallayiti ta wogo, bi happiti ta wogo, biin yechemmoyich tuniyemmo taane.

Hiziqeeli 22:31

Ebich ta kaaroon boonoshi toommooch kindiihoye; ta nebee qaaqqoona boonoshin aalliihoye; boonoshi shuunetoommon boonoshich shuunehoye” iye Nuggishoo Doono Yeeri.

Hiziqeeli 6:9

Ebi muriccii woditinaꞌo, tayee wokkiti yahechi boonoshi mulloonaa shahalloo waan wotteti yahechi boonoshi aafoona am shaahoon taan boonoshi ayinikkito gaata aagetee showooch beechi shalligemminaꞌone; boonoshi shuuneti gonde mooyonaa ciigiiti mooyonoochee tiyitona boonoshi qelloon hoxemminaꞌone.

Hiziqeeli 9:10

Tawoo boonoshich ayini ariqqeyaachemmo taane; boonoshi tuniitoommon boonoshi toommooch tuniyemmo taane” iye.

Daaneeli 9:13

Muusichi Sheerooch bi kooreetoommon, ebi bulli naxo no toommooch shaggiye; tunebaani axaaxoon shuunoon qajjaa, iberoo tuneti ne qaaroon waayaꞌa, no Nuggishoo Doono Yeeri ne waanee maaroon qaawaano noone.

Daaneeli 9:14

Ebich no Nuggishoo Doono Yeero, naxoon no toommooch qanniiꞌa deebehine. Ebin ne tuniito, ne getteton deꞌa iyaꞌa waayo no qajjetoyichiye; wottoo ne tuniibeeti mooyo bullina cadiqo ne tunetoyichiye.

Amootsi 2:13

Illa and maayo xaaneeti gaari neexxii pharixoommon ittoshin neexi pharixxemmo taane.

Mishiraachechinaꞌo 7:51

“Illa hini ittoshi mullo muumeti, ittoshi waamoo ulleti babbereenaꞌote! Ittoshi qaabbechinaꞌochoommon ittoshiyoo wotta bulli aaboon Yaafe Ayaanoyich deꞌa getaano ittoshine.

Efesooni 4:30

Yeeri ittoshin biishemmi aabo woyemmo tunoon xiishiibeeti yechiyoo, ebiyoo ittoshi toommooch malletoon tuniiꞌi Yeeri gedditi bi Yaafe Ayaanoon ayinikkiyaahote.

Yibbaatoo 32:21

Nuggishoo tuneyaani gaacaalleenaꞌoyich goyinnehote; qanaateree ta kaaremmoyichoo tuniihote. Ebich gaacaalli aagetoona ittoshin qanaatiyemmo taane; shalligaalli aagetoona ittoshin ippiyemmo taane.