Hiziqeeli 16:41 - Kafa Linguistics Project

⁴¹ Ne kexinaꞌon qaaqqoona michemminaꞌone; meeti maacheenaꞌo aafoochaa ne toommooch nallemminaꞌone; yahoon ne neechemmoyich tuniyemmo taane; ebiyee bekk ne shunechinaꞌoyich gatiyoon qocaachemmi neene.

Hiziqeeli 16:41 ပူးပေါင်းရင်းမြစ်များ

2 Taateenaꞌo 25:9

Aroochee Doono Yeerichi yaafee kexonaa taatee kexonon michiye. Yerusaalem beeti ogoogeenaꞌo kexo bullinaa bare kexo bullinon michiye.

Iyoobi 34:26

Boonoshi shuuneti gondoyich, ashi aafoochaa boonoshin sheeremmone.

Isiyaasi 2:18

Shahalleenaꞌo ciroona aallemminaꞌone.

Isiyaasi 27:9

Illa Israꞌeeleenaꞌo boonoshi axaaxoyich maaroon dano boonoshi hakkemmo, aageteenaꞌochi deejjee gudee xaqqeenaꞌon tiichii boonoshi aalliigaata, ixaanee deejjee gudoonaa Asheeri misileenaꞌonon boonoshi aallii gaatane.

Erimiyaasi 39:8

Baabloonee asheenaꞌoo taatee kexonaa asheenaꞌo kexinaꞌonon qaaqqoona michiyeete; Yerusaalemi katemee uxeroonoo happiyeete.

Erimiyaasi 52:13

Aroochee Doono Yeerichi yaafee kexonaa taatee kexonon michiye. Yerusaalem beeti ogoogeenaꞌo kexo bullinaa bare kexo bullinon michiye.

Hiziqeeli 11:9

Bi daggoochee ittoshin kichemmo taane; ashi showee asheenaꞌochi kishooch ittoshin beshiiree immemmo taane; ittoshi toommoochoo naxoon kindiyemmo taane.

Hiziqeeli 16:33

Yahechi maachee asheenaꞌo waanee gijjoon deqqaa beetine; tunebaani ne, shunimaayeenaꞌoyich wojjoon immehine; xaaꞌoo bulliichee waaree neenna tookki shunoon boonoshi maayemmoyich xuccoon immehine.

Hiziqeeli 23:10

Boonoshiyoo bi tahoon shoottiꞌi hulloon echiiheete; bi anaami bushiishoonaa maache bushiishoonon keccii daammiyeete; biinoo goraadoona wuxiyeete. Bi toommoochoo nalloo kindiye; biyoo maacheenaꞌo daggooch tochoo tunaa echahan.

Hiziqeeli 23:27

Yahoonaa Gibitsee ne deebeti qocee gondoonon ne waanee aalliyemmo taane; newoo ne aafoon Gibitsee asheenaꞌo waan wochaachemmi neene; ebiyee bekk boonoshin gabaachemmi neene” iye.

Hiziqeeli 23:48

“Ebi gutte maneenaꞌochoommon maacheenaꞌo bulli qocoo gondeyaachemmonaa cuuqqemmonoyich qocee gondoon showee toommoochee aalliyemmo taane.

Hiziqeeli 37:23

Ebiyee bekk boonoshi nuggisheenaꞌona, ciigiiti boonoshi mooyona, boonoshi xuꞌoonoo boonoshi qelloon eeꞌiyaachemminaꞌone. Taan qayona boonoshi shuuneti axaaxoochee boonoshin wodiyemmo taane; boonoshin xalliyemmo taane; ta asheenaꞌon tunemminaꞌone; tawoo boonoshi Nuggishoon tunemmo taane.

Hiziqeeli 5:15

Kaaroona, neboona, ooge noggoona ittoshi toommooch ta nalliyooba, ittoshi guudoona beeti aageteenaꞌoyich naago, tochoo, meeqqeqqiyoonaa wuche getteyoonon tunemmo ittoshine; Doono Yeeri ta, ebin getteto taane.

Hiziqeeli 5:8

Ebich Nuggishoo Doono Yeeri ishichiye: “Ta, ta qelloona ne toommooch tiyeto taane; aageteenaꞌo aafoochaa ne toommooch nallemmo taane.

Mikiyaasi 3:12

Ebich, ittoshi naboona Tsiyooni budo gocheyoommon gocheyemmine; Yerusaalemiyoo xaqqee gutoon tunemmine. Yaafee kexo beeti geppoochoo kubbo collemmone.

Zakaariyaasi 13:2

Beshe Mawe Doono Yeeri ishichiye: “Ebiyooba shahalleenaꞌochi shigoon showee toommoochee aalliyemmo taane. Aroyee gubb, ciroona shalligeyaachemminaꞌone. Koote keemechinaꞌonaa gonde ayaaneenaꞌonon showoochee aalliyemmo taane.

Yibbaatoo 13:11

Ebina Israꞌeeleenaꞌo bulli ebin waayeree shattemminaꞌone; ittoshi daggoochee koniyoona ebiyoommi gonde shuunoon wochinnoon shuuneyaachemmone.

Yibbaatoo 13:16

Areexi asheenaꞌochi qiico bullin deebiree katemee addibaabooch gutibote. Timeeti mooyinaꞌo daggoochee amoonolla ittoshi kishooch echiyaahote. Ittoshi Nuggishoo Doono Yeerich micciibeeti deejjoon tuniiree, are katemoonaa ebi qiiceenaꞌo bullinon qaaqqoona michibote. Are katemoo bulli yemeenoon happaa aalleton tunebaani, wochinnoon shuuneyaaye. Ebina Doono Yeeri kupphe bi kaaroon qayi wottemmone; ittoshichoo ariqqemmone; ittoshi qaabbechinaꞌoyich wogeꞌi bi gibenikkitoommon, shiyi shiijjereree ittoshi meettemmoyich tuniyemmone.

Yibbaatoo 22:21

busheen bi nihoochi kechi kellooch daamiree are bi beeti katemeexi asheenaꞌo xaqqoona yexiree wuxibeete. Ebiyoo batt bi nihoo kexooch beechaa, shunee mamona Israꞌeeleenaꞌo daggooch yeelloon bi deebetoyichiye. Ebin tuniyoona, ebiyoommi gonde mooyon ittoshi daggoochee wokkiibote” iye.

Yibbaatoo 22:24

boonoshi guttinona are katemee kellooch beeti addibaabooch deebiree xaqqoona yexi wuxibote. Bushee bi qitemmo, katemee daggooch beechaa, ‘Taan gaachebote’ iyaꞌa cookoo bi qajjetoyichiye. Wotta uro bi qitemmo, ashi mecheen bi qeyitoyichiye. Ebin tuniyoona, ebiyoommi gonde mooyon ne daggoochee wokkiibe.

1 Ximootiyoosi 5:20

Bareenaꞌo wotta shattemmoyich, axaaxoon shuunetinaꞌon asho bulli aafoochaa kaare ciice.