Hiziqeeli 16:38 - Kafa Linguistics Project

³⁸ Shaddechinaꞌonaa damee ukkechinaꞌona tuneti maacheenaꞌochi toommooch nalleebeeti nalloon ne toommooch nallemmo taane; ta neboonaa qanaatee ta kaaroonon ne toommooch kindiiree damoona ne wooremmoyich tuniyemmo taane.

Hiziqeeli 16:38 ပူးပေါင်းရင်းမြစ်များ

Halloo 38:11

Yihudiyoo bi bushoo mechee Tamaarin “Ta bushoo Seeli diccii oogemmi wottoon, ne nihoo kexooch ne xuumittinoona kotebe” iye. Ebin bi gettito, bi bushoo Seeli bi maneenaꞌochoommon naxeeree qitemmone ii bi shattitoyichiye. Tamaariyoo Yihudi gettitoommon, hammaa bi nihoo kexooch kotahan.

Halloo 38:24

Keejje agenoyee gubb asheenaꞌo, “Ne bushoo mechee Tamaari qocoo gondetine; caaraꞌa xifetine” ii Yihudich gettiyeete. Yihudiyoo “Katemoyee maach ittoshi kichaa, qaaqqooch gokkebu” iye.

Halloo 9:6

“Asho, Yeeri ta malletoona halleetone; ebich ashi damoon ukkimmochi damoon bare asho ukkemmone.

Keyo 21:12

“Ashoon yexxii wuximmo qitibe.

Erimiyaasi 18:21

Ebich boonoshi bushiisheenaꞌo shaacemmoyich tuniibe; ginooch beshiiree boonoshin imbe; boonoshi mecheenaꞌo bushaalleenaꞌonaa xuumeenaꞌonon tunebeete; boonoshi anaaminaꞌo qitoona aallebeete; boonoshi gurimaasheenaꞌo koyooba goraadoona aallebeete.

Hiziqeeli 16:36

Nuggishoo Doono Yeeri ishichiye: Ne shunimaayeenaꞌona tookkii yahoona eeꞌe ne mooyo bi ufetoyich, ne achoo bi shoottetoyich, ciigiiti shahalleenaꞌoyich ne goyinnetonaa ne bushiisheenaꞌochi damoon ukkoona ebi shahalleenaꞌoyich ne deejjitonoyich,

Hiziqeeli 16:40

Xaqqoona neen qiccemmi, goraadoonoo neen qeccemmi macceenaꞌon ne toommooch tiijjemminaꞌone.

Hiziqeeli 23:24

Boonoshiyoo ginee qiicoon, ginee gaarinaꞌonaa bare gaarinaꞌonon, dofee ginee naayinaꞌonoo yeshi woyemminaꞌone; neen koyoyich ogooge gaachoonaa gishiishi gaachoonon yeshi xuuree ukoonoo ukeree neen giichemminaꞌone; tawoo ne toommooch bi nalleyemmoyich boonoshi kishooch neen beshii immemmo taane; boonoshi sheeroommon ne toommooch nallemminaꞌone.

Hiziqeeli 23:25

Ta qanaatoona neen ta kaaretoyich boonoshiyoo oogeti kaaroona tiyemminaꞌone; ne muddoonaa ne waamonon kuxxemminaꞌone; ne daggoochee echeto goraadoona dihemmone; ne anaami bushiishoonaa maache bushiishoonon keci daammemminaꞌone; ne daggoochee echeton qaaqqoo maayemmone.

Hiziqeeli 35:6

Ta, Nuggishoo Doono Yeeri beeyecho ta tunoona wogehoye: Ittoshi damoo ufemmoyich ittoshin beshiiree immemmo taane; damee ukkecho ittoshin yookkemmone; damee ukkoon shixo ittoshi qajjitoyich damee ukkecho ittoshin yookkemmone.

Hiziqeeli 36:18

Showee toommooch damoon boonoshi ukkitonaa shahalloona showoon boonoshi eeꞌiitonoyich ta neboon boonoshi toommooch kindiihoye.

Leweenaꞌo 20:10

“ ‘Ikke asho, ashi mecheena tookkii shunoo bi maagaata, uroonaa ureena boonoshi guttiyona qitibeete.

Naahoomi 1:2

Doono Yeeri qanaatechonaa nichoon kichechonane; Doono Yeeri nichoon kichechonaa naxechonane; Doono Yeeri bi etteenaꞌo toommooch nichoon kichii beetone; bi etteenaꞌo toommooch naxoon kindii beetone.

Sofoniyaasi 1:17

Doono Yeeri ishichiye: “Axaaxoon shuunoona taan boonoshi xuqqitoyich, aaf doogoochoommon boonoshi shaꞌemmi wottoon duꞌoon ashi toommooch deebemmo taane. Boonoshi damoo aacochoommon ufemmone; boonoshi dubenoo guudoo duppeyoommon, danemmooch duppeyemmone” iye.

Haddoo 35:16

“ ‘Tunebaani ikke asho baroon bi qitimmi wottoon xuuroona bi yexaa bi qitigaata, ashoon wuxitone; ashoon wuxiti asho qitibe.

Haddoo 35:17

Ashoon wuxa bede xaqqoon yechiꞌi, yexxii bi dichaa bi qitigaata, ebi asho ashoon wuxitone; ashoon wuxito qitibe.

Haddoo 35:18

Woyee ashoon wuxa bede mixon yechiꞌi, yexxii bi dichaa bi qitigaata, ebi asho ashoon wuxitone; ashoon wuxito qitibe.

Haddoo 35:21

woyee shixxiꞌi kishoona yexxii bi wuxigaata, ebi uro qitibe. Nichoon kichecho ebi ashoon wuxiti uroon wuxibe. Biin bi danehooba wuxibe.

Haddoo 35:31

“ ‘Ashoon wuxiꞌi qitoo bi toommooch nalleeti asho qitibe; bi kashoon gijjoona bi biishemmoyich tuniyaahote.

Yaaꞌoo 16:6

Yaafeenaꞌonaa keemechinaꞌonochi damoon ukkitinaꞌone; ebich ne wotta damoon boonoshich uchitine; ebiyoo boonoshich tuno tatoone” ii bi getaa waayeho.